ယနေ့တွင်တော့ Fanရဲ့တောင်းဆိုမှုအရ အခမ်းအနားပွဲတခုအား ကြင်ရာတော်အနေဖြင့်တက်ရောက်ချီးမြှင့်ပေးရမည်။
အိမ်ရှေ့စံမင်းသားရဲ့ကြင်ရာတော်အနေနဲ့ ပရဟိတလုပ်ငန်းများများလုပ်ပေးလေတော်ဝင်မိသားစုရဲ့ဂုဏ်တက်လေဟု Fanကပြောသည်။
ပြီးတော့ရွေးကောက်ပွဲဝင်မယ့်Daddyအတွက်လည်း မျက်နှာပန်းလှပြီး ပြည်သူတွေက ပိုပြီးအကောင်းမြင်လာလိမ့်မယ်တဲ့ ။ဒီလ်ိုအကျိုးမျှော်ကိုးပြီး အလှူအတန်းလုပ်ရတဲ့အဖြစ်တော့ ကျွန်တော်က မနှစ်သက်ပါဘူး ။ စိတ်ဆန္ဒရှိလ်ုိ့အေးအေးချမ်းချမ်းပဲ လူမသိသူမသိ သွားလှူချင်တာ ။ အခုတော့ သတင်းသမားတွေရဲ့ကင်မရာမီးတဖျပ်ဖျပ်ကြား အပူရုပ်ကိုဟန်ဆောင်ပြုံးပြီး ကြင်နာသနားတတ်ချင်ယောင်ဆောင်ပြရပေဦးမယ်။
တော်ဝင်မိသားစုဝင်တဦးဖြစ်သည်နှင့်အညီ ကျက်သရေရှိသောပိုးထည်ကုတ်အင်္ကျီရှည်အား ဝတ်ဆင်ပြီး တန်ဖိုးကြီးနာရီတခုသာ ဝတ်ခဲ့လိုက်သည်။ ပတ္တမြားနီလာအဆင်တန်ဆာတွေ ရှုပ်ယှက်ခတ်နေအောင်ဝတ်ဆင်မထားပဲ ကျွန်တော့်လက်ချောင်းသွယ်သွယ်မှာ Fanနဲ့ထိမ်းမြားစဉ်ကဝတ်ခွင့်ရသောတော်ဝင်ရတနာ ပတ္တမြားလက်စွပ်တကွင်းသာလျှင်ရှိသည်။
နာရီကိုကြည့်လိုက်တော့ အခမ်းအနားကိုသွားရမယ့်အချိန်တောင်နီးနေပြီ ။ သက်တော်စောင့်Oh Sehun က လာရောက်အကြောင်းမကြားသေးတာမို့ ကျွန်တော်ကိုယ့်ဘာသာကိုယ်ပဲ အိမ်အောက်ထပ်သို့ဆင်းလာလိုက်တယ်။
ထမင်းစားဆောင်ဘက်သို့ထွက်လာရင်း Park Chanyeolရဲ့ အခြေအနေကိုလည်း အကဲခတ်လေ့လာရဦးမည်။ Fan ကို စိတ်ဆိုးလွန်းလို့သာ မဆိုင်တဲ့သူကို ပြဿနာတွင်းထဲဆွဲခေါ်ခဲ့မိတာ ။ ဒီမျက်မမြင်ကောင်လေးအတွက်ကျွန်တော်တကယ်စိတ်မကောင်းဘူး ။ အိမ်တော်ထိန်းကြီးကိုလည်း မှာထားရဦးမယ်။ အဲ့ဒီကောင်လေးကို အလုပ်သိပ်မခိုင်းစေဖို့။