All I Want For Christmas Is You [COMPLETED]

Part 21

"Tasha and I had been together for three years. Our relationship was almost perfect. Until last December one, I've had the biggest surprise of my life when I caught her and my bestfriend Mack making out in her place. So, you could imagine how devastated I was that moment."

Namangha si Moana sa nalaman. Nabanaag niya ang galit sa mga mata ng binata.

"Tasha said she did not mean that kiss and they were not having an affair. Ako raw ang mahal niya at hindi si Mack. And she expected me to just forget about what I saw and move on. She wanted me to act and think stupid. Who knows kung saan na sila nakarating kung hindi ko sila nahuli? O kung wala pa ba talagang namagitan sa kanila bago ang araw na iyon na nahuli ko sila? I broke up with her and shut Mack out of my life since then. Hindi ko alam kung paano nagawa sa akin ni Tasha ang gano'n after three years of being together. Naisip ko tuloy na baka kung sinu-sino na ang lalaking hinalikan niya nang bale-wala lang sa kanya habang kami pa. I realized she couldn't be trusted. Hindi ko rin lubos maisip kung paano nagawa ng bestfriend ko sa akin ang gano'n—ang akitin ang girlfriend ko. I found it hard to trust anyone after that. I realized na kung nagawa ng babaeng mahal ko at ng sarili kong bestfriend ang gano'n sa akin, paano pa kaya ang ibang tao? Since then I lost trust in everyone, aside from my family. I've had other previous relationships pero ngayon lang ako nasaktan nang ganito."

Puno ng simpatyang tumangu-tango si Moana. "I'm sorry to hear that." Ngayon ay naiintindihan na niya kung bakit ganoon ka-aloof at suplado si Kirst sa kanya simula noong una silang nagkita.

Naghari ang saglit na katahimikan habang naglalakad sila sa shore. Pinakiramdaman ni Moana si Kirst. Iniisip niya kung dapat siyang magkomento tungkol sa sitwasyon nito. Sa huli ay naisip niyang kailangang may sabihin siya para mapagaan ang loob ng binata. Gusto niyang damayan ito at subukang tumulong sa pagmu-move on ng modelo.

"Hindi ko pa nararanasang ma-in love," pagbasag ni Moana sa katahimikan. "Mostly puro crush lang. Hanggang almost love lang. Iyong tipong lolokohin ko lang ang sarili kong in love na ako kahit naka-date ko lang ng isang beses ang isang lalaki pero alam kong hindi talaga love iyon. Pero kahit hindi ko pa talaga nararanasan ang ma-in love, alam kong masarap ang feeling na 'yon. The feeling is unexplainable. The happiness it gives is remarkable. Pero... may kaunting downside. Walang guarantee kung hanggang kailan ka magiging masaya sa pag-ibig at kung hindi ka sasaktan niyon nang matindi at some point o kung hindi iyon mawawala sa 'yo."

Huminto sa paglalakad si Kirst at tumitig kay Moana.

"Alam kong masakit 'yong nangyari sa 'yo kasi hindi lang isang taong mahal mo ang nanakit sa 'yo. Dalawa sila. Naiintindihan ko kung bakit ka nasaktan, kung bakit nagkaroon ka ng trust issues pagkatapos ng nangyaring iyon. Pero sa tingin ko, kailangan n'yong mag-usap ni Tasha at ni Mack. Kailangan n'yong mag-usap nang maayos. Kailangan mong marinig ang buong paliwanag nila sa nangyari. Kapag kaya mo na silang harapin, mag-usap kayo nang heart to heart. Hindi ko personal na kilala si Tasha kaya hindi ko siya huhusgahan. Ganoon din si Mack. Hindi ko sinasabing hindi mali ang ginawa nila. Mali ang ginawa nila. Pero makakabuting kausapin mo pa rin sila at hingin sa kanila ang katotohanan sa nangyari. May kanya-kanyang side sila ng story. I-weigh mo base sa mga kuwento at paliwanag nila kung maniniwala ka o hindi. Kung wala ka nang balak na balikan pa si Tasha, kailangan n'yo ng closure. At ganoon rin kay Mack. Doon ka lang magkakaroon ng peace of mind na hinahanap mo, Kirst. Dahil sa tingin ko, kaya ka nahihirapan nang ganyan ay dahil marami kang tanong sa isip mo na gustong masagutan pero walang paraan para malaman ang mga sagot doon. Some relationships are not bound to last forever, mapa-love man 'yan o friendship. Puwedeng magwakas kahit gaano katagal ang pinagsamahan. Huwag mong panghinayangan dahil nalamatan iyon for a reason. At kailangan mong tanggapin kung talagang tapos na o kailangan nang tapusin. Otherwise, hindi ka magiging masaya ulit at habangbuhay ka na lang magmumukmok sa galit at pait."

Nakatitig lang sa kanya si Kirst. Nabanaag ni Moana ang munting enlightenment sa mga mata ng binata. Nang muling maglakad ang lalaki ay sumabay siya.

"You're right. We need closure. The three of us."

"Pero dahil Christmas eve na mamaya," bilin ni Moana, "i-set aside mo muna lahat ng gumugulo sa isip mo at maging masaya tayo para kay Jesus."

Bahagyang ngumiti si Kirst. "Mukhang magaling ka nga talagang mag-advice."

Ngumiti si Moana at nagkibit-balikat. "How ironic, no? Sana makatulong sa 'yo. At salamat sa pagse-share mo sa akin ng pinagdaaanan mo. Promise. Hindi ko sasabihin kahit kanino. Hindi kita idadaldal." Nagkunwari siya na iz-in-ipper ang bibig.

"Thank you."

"Sana maging okay ka na. Sana maka-move ka na."

Tumango lang ang lalaki at ngumiti nang bahagya.

Sa isip-isip ni Moana ay sinabi niya sa sarili na gagawin niya ang lahat upang malibang si Kirst para hindi maisip ang pinagdaraanan. Habang naroon sila sa isla at pasasayahin niya ang binata sa paraang alam niya.