زهرة

البارت الخامس عشر الجزء الثاني

رجلي كوة شايلتني ..

دنيا لليل والكمر غايب بيها ..

وصلنا المكان بي ضوة شويه ..

ابويه كال اوكفو .هنا ..

وكفنا ..

ولج يمه وين ماخذيني اسبوعين وينزل منير والله منير

عتيت عباتها ليش متسمعيني ليش ..

اجه كال امشو .

مشينا ..

طبينا كراج جبير ..

لا بيه افتح عيوني ولا بيه امشي

حتى الاضويه اشوفها مغوشه .

كعدنا ..ع صبه ..

وابوي وكف ع جهه..

وبقت امي تولول وتحجي ..ساعه عليه

وساعه ع بختها ..وساعه ع ابويه ..

اني من الضرب كمت ماحس

واحس جسمي بدة يخدر ..

شويه واجه ابويه جايب سيارة لونين ابيض وبرتقالي

صاح اصعدو ..

قبل لا نمشي درت وجهي ..



وين راح بيه ..الدرب

وين يصفى بيج الدهر ..

ومنو الج ..هاي امج وابوج ..

ماخذيج لمجهول ..

وين ..

ولك منير ..خسرتني هواي ..

خسرت طفولتي ..ومراهقتي ..وشبابي

ضحكتي ..حياتي كلها ..خسرتها ..

صعدت بسيارة ..
ومشت بينا ..

من الالم اغفى وافز ..
واتلمس وجهي احسة ورم ..
وهاي عيوني ماينفتحن ..

امد ايدي جوة الربطه ..شعري شعر ولد .

دمع مايطلع من العين ..

امسح دمعه اسوفها لونها احمر ..دم ..

الطريق جان طويل ..

اعاين امي غفت وابوي ليكدام كاعد
ويدخن ..

مابيه احاجي ..ولا بيه اسكت ..

درت وجهي للجام .

واتنفست ..وغمضت عيوني

كعدت هوسه وادم ..
وحجي ..

زلابيه ..هذا الجرك ..

جاااي جااي ..
اريد افتح عيني ماكدر

ماشوف بيها ضلمه ..
امي كالت نزلي .

كتلها مجاي اشوف يمه ..
اجت يمي ..

زهرة ..
ماشوف ..
ابو وليد ..

ابو وليد . تعال شوف زهرة
ضليت لازمه ايد امي ..