زهرة

البارت الرابع عشر الجزء الثاني

مساء الورد

زهرة
ج 14
الفصل الثاني

روحي زهرة ..

بقيت كاعدة..كتله ماروح.

تعرف ليش ..

لان اني تعبانه اكثر منك ..

تعبانه ومحد يحس بيه ..
ولا احد يسال شبيج ..شبيييج اي شبيج مسامعتها ابد

شكد عمري هسة ..14/15

اشفت منهم كولي ..

كال هذا كله علمود هذا الخايس فارس .
تبجين ومقهورة وتعبانه ..
شسوة الج وهيج تعشكي شنو ..

كتله ماذاني بيوم ابد ..
وهذا الشي يكفي ..

عمري الراح ما اخلص منه ..

..قذارة جدي ..موتته جنه

انت وجمال ..وامي ..انت وامك

فارس وسجنه ..

هاي حياتي ..

درت وجهي ع الجام ..

كتله ..

اتمنى اعيش ..وانسى الي جره

ونزلت من السيارة ...

مشيت وصلت ..الباب فتحتها وطبيت جوة ..

دخلت ..

اشوف امي دتشرب مي ..

كالت ولج زهرة وين جنتي ..

كتلها هااا برة اشتم هوى ..
اجت يمي ..

ولج ام الفواين وين حنتي متواعدة ويامنهو ..

لا يمه برة اشتم هوى ..

جرتني ..وقفلت الباب ..تحجين لو اكعد ابوج

شفتج طبيتي من باب البرة .

كتلها منير جان يحاجيني ..

وشيريد غراب البين ..

صفنت عليها كتلها ..دينطيني فلوس

كالت هااا ..صدك زهيرة ليش ينطج لحد هسة شنو ناوي يردج ..

عفتها وكمت امشي..

تعاي احاجيج ابوج مو مانعج عنه هذا المعزه ..
من دهر صابة شيريد منج

ولج بس لا ..تسوين شي انتي ويا ..
وشو ايد من ورة ايد من كدام وين الفلوس ؟

قززني كلامها ..

كتلها ماخذتها ..

عوفيني اريد انام واذا تريدين كولي لابوية وياريت يذبحني تسوين فضل من الله ..

رحت لفراشي صار هواي منايمه نومه من خاطري ابد
لو افز ..
لو اكضي الليل اتكلب ..وافكر
بيومها قررت ماعود مثل الاول

فارس راح وانسجن وجان كلبي ممرود عليه مرد ..حيل
مايستاهل ابد الوحيد الي ماذاني بيوم ولا كسر خاطري وجان احياسي يكول منير الي ذابه بسجن
اتمنى اطلع من هالبيت
اتمنى اعرف شو اخبارة فد ارد اله دينه
واطلعه من سجنه ..
مايستاهل الي جرة اله
ابد ..
وحتى لو مو هو مسجون مايستاهل يتهجول ..