رواية " وكر الملذات "....بقلم الكاتبه / ياسمين عادل

24

  ~ وكر الملذات ~

( الفصل الرابع والعشرون )

_ فرت الدماء من عروقها وتصلبت عضلات قدميها ولم تعد قادره على التحرك ، رمشت بعينيها عدة مرات ثم أبتلعت ريقها الذي جف فجأه وجاهدت للنطق علي ما قالته لها '' عثمت '' حتي قالت بنره متقطعه

راندا : ب بن بنتي ، 21 سنه
عثمت وهي ترفع أحد حاجبيها بإستنكار : مش معقول نسيتي بنتك
راندا وقد توترت قسماتها : أنا بنتي ماتت ، أيوه ماتت من 21 سنه .. أنتي أكيد كدابه وجايه ترمي بلاكي أنتي وعيالك عليا
عثمت بنبره هادره : لا مش بكدب ، بنتك اللي بعتيها مع الشغاله بتاعتك صباح عشان ترميها في النيل لسه عايشه و....

_ لثمت فمها بكف يدها وهي تنظر حولها ثم جذبتها بقوه نحو حجرة الجلوس .. وما أن دلفن سويا حتي أغلقت الباب جيدا وتوجهت نحوها وقد تملك منها الذعر

راندا : وطي صوتك مش عايزه فضايح
عثمت وهي تهز رأسها بإزدراء : لو مش عايزه فضايح يبفي لازم تخلصيني من القرف ده وتبعديها عن أبني
راندا وهي تهز رأسها بعدم فهم : أنا مش فاهمه حاجه ، مين دي اللي أبعدها أنتي عايزه تجنينيني .. أنا ماليش بنات صدقيني
عثمت وهي تحك جبينها بطرف أناملها : مضطره أرجعلك ذاكرتك من 21 سنه فاتت .. لما خلفتي البنت من هادي وهو معترفش بيها وكنتي ساعتها علي ذمة جوزك اللي مات بحسرته .. خوفتي يرجع من سفره يلاقي مراته كانت حامل وخلفت فاضطريتي تبعتي خدامتك مع البنت وأجبرتيها أنها تاخدها عشان ترميها في الميا

( عوده بالوقت للسابق )

_ كانت علاقات راندا الغير شرعيه كثيره وغير معدوده ، حيث كانت تمقت زيجتها بذلك الكهل العجوز وتعيش علي سد حاجتها وأشباع غريزتها الأنثويه عن طريق الحرام .. وبعد أن تلطخت بالرذيله مع عشيقها '' هادي '' هلمت بحملها والذي كان قد تعدي الفتره المسموح بها للأجهاض ، فأضطرت الأحتفاظ بجنينها حتي جاء موعد ولادتها وكان زوجها بأحدي سفرياته للعمل .. أنجبت طفلتها التي كانت نتاج علاقه غير شرعيه محرمه ثم أبلغته بذلك ليعلن عليها الحرب ويغمرها بالتهديدات والتوعدات .. فقررت التخلص من الطفله حتي تنجو بنفسها من شر ذلك الرجل عديم الشفقه ، فأستعانت بصديقتها في هذا الحين '' عثمت '' لمساعدتها ولكنها رفضت رفضاً قاطعا المشاركه بهذه الجريمه كما قررت قطع علاقتها بتلك الخائنة اللعوب حتي لا تؤذي سمعتها .

عثمت وقد أصابها الذهول : أنتي أزاي تعملي كده ، يعني خونتي جوزك وكمان خلفتي من الحيوان ده ودلوقتي عايزه تموتي روح ملهاش ذنب غير أنك أمها
راندا والدموع تنهمر من عينيها : طب أعمل أيه ياعثمت ، هادي هيأذيني لو متخلصتش منها وعرفان لو رجع ولقي المصيبه دي هيقتلني
عثمت وقد تأججت بداخلها النيران : أنا ماليش دعوه تعملي أيه ، كل اللي عليا أقولك حرام عليكي تقتليها حرام وأنا عمري ما هشارك في العك ده ولا حتي بالرأي
راندا وقد علت شهقاتها : ياعثمت أنا ...
عثمت وقد شعرت بالأشمئزاز : بس بس ، أحنا ملناش علاقه تاني مع بعض .. من هنا ورايح متكلمنيش تاني ولا تدخلي بيتي أنتي فاهمه