أنا البكماء

الحلقه العشره

ليليان : شلون عرفتي ؟

لجين : مواني اشتغل ابيتهم فا ام عصام خابرت على خاله سناء كالتلها احنه غاح (راح) انسافر لاتجي بعد اذا اني احتاجها اخابغج (اخابرج)

ليليان : ام عصام امه مو

لجين : امممم 

ليليان : وهسه هو مديرد عليج مو

لجين : ممممم

ليليان : ومتأكده يحبج مو

لجين : مممممم

ليليان : هاااا خير ان شاءالله بس ماما  شغله وحده لو تمشين عليه رح ترتاحين طول عمرج

لجين : الي هي

ليليان :  اولآ  لاثقين  وثانيآ لاتحبين احد
           وثالثآ لاتبنين سعادتج على رجال
            لان الرجال بطبعه خوان وغدار
            قاعده ثابته (وهي تأشر بصبعها السبابه) 
           ماكوو رجال وفي
          كولشي اتوقعي يطلع منه فاخليها ابالج

ناصر واكف اباب ابمطبخ وبيده مسبحه يفر بيها
اي كملي ماكو  رجال وفي وبعدين

ليليان : هيييي  هاي انت  اجيت وضحكت

ناصر عاقد حاجبه ومخنزر عليها : اي كملي نصايح
        على الرياجيل بعتباري اني نعال ومو من ظمن  
             الرياجيل

ليليان ضحكت بصوت عالي وراحت اتقربت منه خلت ايدها على خصره  : لاحبيبي كل قاعده شواذ  وانت تختلف عن الدنيا كوله
(وطبعت بوسه خفيفه بخده )

ناصر اتغير ملامحه وبتسم ويحك بخشمه : احم احم انتي منو يكدر للسانج اذا غرد

ليليان : بهمس واقع حااااااال حبيييييبي
(رجعت لزمته من ايده وسحبته بتجاهه ميز الطعمام )  تعال فوت اكعد اعرفك على لجين بنتي وحيدتي

لجين وخجلانه وخايفه من نظرات
ناصر كاعده  اتراقب امها وزوجه وهي
مدنكه راسها استرق النظر بعيونها وهي متعجبه بسلوب امها شلون كدرت اتغير الموقف الي صار الصالحها

ناصر : هلاوو عمو نورتي اكول اليوم واني جاي افوت المنطقه اشوف نور يشعشع من بعيد كل مااتقرب للبيت اشوف النور يزود عبالي الشمس نازله عدنه اثاري طلع هذا نورج وضحك

لجين بتسمت وفرحنه بكلامه الي حسسها انو ممضايق من وجودها : تسلم عمو ناصغ(ناصر)   البيت منوغ(منور)  بوجدك

ناصر والضحكه مافرقته : شكد حلو شو بله عيدي كولي ناصر  ليليان حياتي هاي لجين عدها رتله اتخبل عليمن طالعه

ليليان مبتسمه : هاي على ماما الله يرحمها هم جانت عدها لدغه بحرف الراء

لجين خجلانه وعيونها ملايانه دموع اتكابر تنزلهن لان اساسآ موضوع رتلت  السانه مسببله احراج
و عقده نفسيه  لذلك دائما ساكته بس من التقت بامها انطلقت بكلام ونست موضوع لسانه حست بالامان والي مستحيل امها تنتقص منها
لكن كلام ناصر حز بكلبه حست بي  نوع من السخريه

ليليان وهي عينها على لجين حست بيها فهمت كلام ناصر  غلط  اندرت بعيونه لناصر وغمزتله  : بس تعرف حبيبي
لجين كولش تخجل  تعتقد انو رتله السانه فد تشوهه بيها لذلك حتى متحجي هواي  وتجنب كلمات الي بيها حرف الراء

ناصر (فهم قصدها من غمزتله ): بالعكس اصلا البنت الي عدها رتله هاي تتميز عن غيرها واحس بيها انوثه  لان كلامها يجذب ويكون ممتع   اني ابني بهاء جان عدنه بطفوله كولشي ما افتهم منه شكد جنت اتمنى تبقى وياا بس كبر وصار السانه شطوله  جنت اجي للبيت بس لحتى احجي وياا احس بمتعه من نوع خاص

لجين  وهي جامده بمكانه معقوله كلامه صح
واكو احد يحب يستمتع بلفظ الغلط 

ليليان وهي تغير الموضوع : شلون صارات الوالده خو مبيه شي

ناصر : لامابيه شي بس تدلع عليه وضحك صالحت وحتى صالحت طيبيه واخير اقتنعو بزواجنه

ليليان : اممممم صالت طيبيه  اشوفك اتأخرت ومترد على اتصالاتي 

ناصر ضحك : هااااا مو على اساس منغار من احد

لجين قاطعت كلامهم متريد اضايقهم : تصبحون على خيغ (خير)

ناصر مبتسم هو يباوعلها : تلاكي الخير بنتي

ليليان : ماماتي نوم الهنى
          اي حبيبي تريد عشا

ناصر ضحك بصوت عالي : ملعونه عود تغيرين الموضوع  خلي اطمنج تأخرت لان اليوم صديقي اجه هو وعائلته طلبو ايد اميره

ليليان : ياعيني وشنو اميره وافقت لا

ناصر : والله مادري اني بس طلعو ركبت سيارتي كبل لهنا حتى ماكولت لحد

______________________________________

ابو عصام : ها يذيب بشر شحجيتو ماحجيتو

عصام : كلام عادي بس شكلها اقتنعت واني متأكد
           رح اتوافق

ام عصام : ولك عصومي شفت البيت والثاث والحرس والخدم هاي حتى من تزوجها اضل تفتخر بأهلها 

ريام : ماما شفت عدهم  جلب بوليسي بالحديقه شكد حلو

ابو عصام : ولج هذا ذيب هدا اله مسؤل من بعد ماسلمه الفله 

عصام  دك تلفوني  هاي لجين اني لازم اوجها كافي صارلي كم يوم اتهرب منه : يلا اني اروح انام باجر وراي دوم تصبحون على خير ....

يتبع

  كولش اعتذر ع تأخير بس صدكو الظرف الي اني بي مااتمناا العدوي 💔💔💔💔