زهرة

البارت الرابع الجزء الاول

اخذت ..نورس وطلعت برة ..
لو بيدي اشرد من الديرة كلها ..
بس وين اروح ..
جانت
بعدها صبح والشمس دافيه ..
رحت هناك يم الجرف ..
كعدت ..
واعاين ع العالم الي تنكل مي والي تغسل مواعينها  والي
تلعب ..
شجره بروحج زهرة وين انتي
وشصفى دربج
اسود ابيض ..
احس واحد ضربني بحجارة ..
انداريت ابن المختار ..
شلتها اشوفها ورقه وبطنها حصوة ..
كمت عليه وشايلة اختي ع خواصري ..
ماتستحي انت ..
ضحك ..
شوف الله يضحك ..
شلون اشوف الله ..
باع هذا يالله ..
زهرة الله وين ..
سؤال جان صعب حييل ..
كتله ..وانا شمعرفني وين .
ضحك ..
كال زهرة منو ماذيج ..

ورة كلمته ونبرته الي بيها عطف
حسيت دموعي جرن ..من حالها ..
كتله كلها اذتني ..
كال بس انتي ضحيه ..
مافهمت ولا اعرف ارد
يمكن دموعي اصدق من الرد ..
كال امشي ويانه يم اسيل ..
هاا اخافن امي تصيحني ..
امشي زهرة ..
مشيت وراه ..
منو اذاج ..
حسيت اني بشر ..اسمع وانسمع
وكف يم بابهم انطاني الكتب ..والحصوة ..
وفتح بابهم ..
طبيت ..
كعدت ع المرجوحه .
وكعد كبالي احجي ..الي شنو الي صار ..
كتله فدوة فارس ..
تاليها يذبحوني ويذبحوك ..
ويذبونه باهاي النكرة ام الكصب ..
ورة منموت بيها جن ..ياخذنه
اييي كملي ..
والله شبيك ..
بس اني ماعرف طلع دم لا ..
ولا اعرف شصار جان راسي بلكاع بس ..
شجاي تححين ..
ع اللعبه ..
ولج شبيج ..الله اكبر
متعرفها لهاي اللعبة
كلهم يلعبوها حتى امي وابوية..
زهرة كلامج مرعب ..

كام ..صاح بيبي ..
بيبي ..
يمه لا دزهم عليه فدوة
لا لا شبيج بس صبري ..
طلعت حجيه ..جبيرة بلعمر .
ها فروسي ..
بيبي هاي زهرة من بيت ابو جمعه ..
هلا بيها خيرها
راح ادرسها اهنا ..وهاي اختها الصغيرة
ليش يمه اهلها ميدرسوها
راح يمها ..
ومدري شحجة واني عين عليه وعين ع نورس،
راحت الحجيه ..
رجع كعد ..
كال ..كملي راح اجيب سبورة وانتي سولفي الي
راح جاب سبورة واني يمكن
العيد عندي اتمرجح بلمرجوحه وسبورة شنو ؟
واجه ..
علكها  مربعه خضرة ..وبيها خشب مو جبيرة هواي ..
خلاها ع الحايط ..
وبدة ..يكتب ..ماعرف شنو ..
اححيلي ..
ذبيت نورس ..بصفي ..
وكعدت ع الحشيش ..
كال كومي ..منا ..كعدي ع كرسي ..
كتله لا هنا اريح
هاي موجودة بلمدرسه ..
كال اي .واكبر بعد ..
شكد حلوة ياربي..
مو بحسن عيونج ..
زين هاي الي بايدك شنو
طبشور ..
ياااا صخام شلون يكتب ..
ضحك ..
زهرة ماجبرج تحجين
الي صار بيج مو شي طبيعي ..انتي ضحيه ..

اكو احد يعرف بلي صار بيج ..

اي ..ام منير ..
وبعد ..
ومنير وجمال ..
غمض عيونه ..
ليش تحسين الي صار طبيعي ..
معرفت اجاوب ..
جان منطيني ظهره ويكتب ..ويحجي ويايه ..
كال هسه اكدر اجر منج اختج واخذها ..
كتله لا اموتك ..
اندار عليه لعد الي اناخذ منج جبر ..نفس الشي
يسمو تحرش ..او اغتصاب
هنا اني ؟؟؟؟؟؟؟؟؟؟؟؟؟؟؟؟؟؟؟؟مادافهم ولا كلمه ..
هددج لو شنو ..
بدون تردد بديت احجي اله من اول شي
بس جنت احس بخجل منه
لان الوحيد الي اعترض ع الي صار بيه ..
وحسسني شي مو عدل ..
طلعت الحجيه نفسها وجابت وياها صينيه
وبيها لفات صغار وكلاصات جاي
وضلت تسال ع اهلي وبيبتي وجدي ..
واجاوب الي اعرفه ..
راحت ورجع يحجي ويايه ..
وكملت الحجي كله
لحد ماوصلت لسالفه منير وحسيت غصه
بلعومي
مكدرت احجيها ..
كال ..لا تكملين ..
اول شي ..
وسيله دفاع عندج الصرراخ والضرب والفضح
ليش متبعتيها ..
ماعرف عبالي لعبه
خرب امج وين عنج
امي ملتهبه بلبيت
ماكو ام تلتهي بهيج مواضيع ..
ثانيا ..الي يسوي هيج هوة خايف منج ..وميكدر يسوي شي
كتله لا يسوي ويذبحوني ..
حتى ام منير ..
لحظه امه حجت وياج
اي
بشنو .
وحجيت اله سالفه البستنان ..
كال العائله بيها خلل ..
هاي هم جذابه ..
لحد هسة مستمر هلشي ..
كتله لا ..
باعي زهرة تصرخيين عالي وضربي ..حييل
وترحين تحجين لامج
عززة ..
الي صار بيج عزة
مالج ذنب ابدا
صوج الوحوش الي عدكم
زهرة شنو
كتله شنو
كال زهرة قويه ومتخافر
ويعيدها
ويضحكني
وفهمني مناطق ممنوع احد يتقرب منها ابد
وفهمني حتى كلامه وياي  غلط
بس اني غايتي اساعدج
بس اسمع اني
شوفي زهرة روحي لبيتكم وارتاحي وباجر
تعاي نفس هلوكت ..انتظرج ..
وخله اللفات بكاغد وولفهم
وانطاهن الي ..
وطلعت ..
اكو حمل ذبيته هناك وطلعت ..
رجعت للبيت ..
وكامت تمر الايام ويوميه اروح الهم ..
يحجي ويايه ..
ويفهمني
شنو يعني عيب
وشنو يعني حرام
وشنو يعني جسمي خاص بيه
فارس جان طوق نجاه الي ..
كل كلمه يكولها افكر بيها واشغل دماغي اكثر ..
واضل اقارن بينه وبين حياتنه الهوسه
هسة لوما عيب
اخذ هدومي واعيش يمهم ..
فديوم من ا لايام بعد ماوعيت .اكثر وكمت احس بهدوء داخل روحي ..
وبديت اودع الطفوله المرعبه ..الي مريت بيها ..
رحت لبيت فارس ..
هنا احنه علمني من 1الى 10-وتعلمت اكتب كم حرف واسمي .واسمه ..
فبيومها ..
شفت شايل علاكه جبيرة ..