ام عصام بخوف وصوت ناصي : هاعجبك هيج عصبت ابوك هو عنده ظغط
ابو عصام صعد اول بايتين من الدرج وندار على صاله الي هم كاعدين بيها : اسمعيني ساميه فهمي ابنج وعقلي خرابيط الحب خينساهن وهاي البنيه ماله طبه الهذا البيت صار معلوم (ورجع صعد )
عصام احس اختنكت من كلامهم ابويه مبين قافل وهو من النوع الي ميتراجع بس امي تكدر تقنعه وامي هم رافضه الفكر ماجنت مصور هج رح تكون رد فعلهم قويه اخذت موبايلي وتوجهت للغرفه اخذت السويج وجاي اطلع
ام عصام : ولك ماما وين طالع بهالظهر والدنيا موت حر
عصام طلعت وركعت الباب مارديت عليها شغلت السياره ومشيت طلعت تلفوني لكيت 5 مكالمات لجين عفتها خ اخابر على ايمن
(ايمن صديقي المقرب وصندق اسراري )
ايمن : الووو ها عطل كعدتني من نومي
عصام : ايمن محتاجك كلش
ايمن بفزع : خير شبيك احجي صاير شي
عصام : مو مال تلفون اذا تكدر تعال تلكيني بالكهوه
ايمن : زين زين دقايق ابدل واجيك
(انتهى الاتصال )
وصلت للكهوه كعدت واني احس راسي يريد ينفجر من التفكير كل مااذكر كلام بابا وستهزاء ماما وريام الجين واني احس ثكل يصير على صدري ياربي ساعدني ماريد اخسر لجين ولااخسر اهلي اني لازم احسبها صح
(بهاي الاثناء وصل ايمن )
ايمن وصلت للكهوه كبل اجت عيني على عصام خال ايده على خده وصافن رحتله بسرعه خليت ايدي على كتفه : هايمعود صاير شي احجيلي شبيك
عصام : اووووف اووووف من ابدي
ايمن : كعدت كباله لا سالفتك جايده على كولت الكويتين يرادله كعده مرتبه اشرت على ابو حسين صاحب الكهوه نركيله علج ونركيله ليمون اخيك
ابو حسن ادللي حبيبي ثواني
ايمن : اي حجيلي شبيك ضاربه صفنات
عصام : اليوم فاتحت اهل على موضوع زواجي من لجين
ايمن : اي ياالله وبعدين كمل
عصام : شكمل غير كبو عليه فرد كبه الي يستهزء والي يعيط خو ابوي كال اتبره منك اذا تزوجتها
ايمن : هه والله مثل ماتوقعت انت متسمع نصيحه احد من الاول كتلك لاتتعلق بيها انت اهلك يدورون مضاهر وابوك خو قضيه بحالها
عنده الفقير هذا عار
اتخيل ذاك اليوم اسلم عليه يباوعلي ويدر وجه يستنكف يرد علي ..
(قطع كلامه بوصول ابو حسين)
ابو حسين : وهاي النراكيل وهذا الفحم بعد اتأمرون على شي
ايمن : لا رحمه الله والديك
عصام خذت قمجي النركيل سحبت نفس : اي وكلي هسه شسوي
ВЫ ЧИТАЕТЕ
أنا البكماء
Чиклитما أجمل الصمت في لحظة أو في لحظات تختفي الحروف وتضيع الكلمات تتطاير الأوراق وتتكسّر الأقلام.
الحلقه الثالثه
Начните с самого начала
