البارت 28
(بقلم أنسام الربيعي )
مغطيه وجهي بالعبايه واديه ترجف ومن صاح علينه راسآ صارت عين عمر علينه ومنطيه ضهري لمحمد شاورت ام عابد كلت ...
...اخويه هنا واذا شافني راح يدفني فدوه شوفيلي حل ...
جان يجي محمد وكف يحجي وياه واني ضميت راسي وراها اعضامي ترجف مو جسمي وخايفه انعرف ...
كال ...حجيه بلا صغرآ بيج شنو قرباتج اله ... يحجي وصوته يجرح بروحي بكد ألم البصوته كالت .. هذا وليدي وجايه اشوفهن ...
...والحسين اجتل رويحتي هنا ان مخليتونه اشوفهن ... ولفت عبايته بأيده الممرض كال ... يمه لخاطر الحسين مايصير ...
هي دفعته من يم الباب وجرتني عاد سمعت محمد كال ..عوفه خويه خليه تشوفه ... وهذاك كام يصيح مادري شيحجي
اول مادخلت شفته متمدد على جربايه دمعت عيوني وكفت بمكاني ماكدرت احترك حطيت ايدي على حلكي ...
تالي هيج يصير بيه علي هذا طول كله ينام هاي النومه لا مستحيييل ركضت يمه اباوع على وجهه ازرك واصفر ...
ام عابد كاعده وحاطه شيلته على وجهه تبجي ارجع اباوع عليه كلت ...حبيبي هياتني يمك فتح عيونك علي وشوفني..
...اجيتك واني عايفه اهلي وكلشي وراي ... حطيت ايدي وهي ترجف ع خده ... كوم ياروحي متلوكلك هاي النومه ...
... والله حيااااتي بعدك ماله معنه ...لازمه ايده واعصر بيه وابجي .. لاتعووووفني وحدي اموت من دونك ...
....اهئ اهئ اهئ ..اااااااخ ... راح اموووت بعد مابيه حييل اشوفك هيج ... ياريت جاي بصدري وضاربه كلبي ولا كلبك اااااهئ...
ابجي واشكي واعاتب وحدي مو علي اليسكت من احاجيه تعبني سكوتك ونومتك كمت اشهك وصوتي طلع ...
ام عابد تسمعني وتبجي رجعت ايده ع جربايه وحطيه راسي عليه وغمضت عيني بجفه اريد تكعد وتلف ايدك وتحضني ...
لا حس ولا حركه مجرد نفس يصعد وينزل جان كومتني ام عابد كالت ...يله امشينه .. فتحت عيوني كلت ...عفيه خليني يمه ...
نزلت ادموعه ...كومي يمه اردج الاهلج عليه نفذت وصيت وليدي وماخذلته ... رفعت راسه باوعتله وابجي ...
جان يدخل واحد لابس ستره بيضه امبين الدكتور شافنه وكال...شلون ادخلون هنا من سمحلكم ...
عاد ام عابد جاوبته ... شنهي ما مسموح ابني وتريد تحرمني منه ياااااع ... صاح لممرض... طلعه وممنوع احد يدخل مفهوووم ...
غطيت وجهي بالعبايه وطلعنه صادفنه عمر درت وجهي ومشيت وره ام عابد طلعنا من المستشفى ...
وعبالك حبل بركبتي يخنكني صعدنه بسياره كاعده يم ام عابد
كالت ... دوامكم خلص ... كلت .. مادري بيش ساعه هسه..
أنت تقرأ
وجع قلب 💔
عاطفية#انسام الربيعي عندما تزرع امل بأحد وبعدها تترك علامه اثر توجع له وانت لم تكن القاصد بذالك الوجع لكن الظروف كانت اقؤى من ذلك الامل ....أما اذ كان القدر قد اختار لك حياه غير خيارك ... ... .تأمل بان تكون افضل ولا...
