البارت 21
(بقلم أنسام الربيعي)
من يومه الكلمه تخنكني بروحي بس مال توصل ينطج لا والله ساعته انسى العشره والزاد ........
شمس...
علي ماكدر افكر اعيش بدونك صدكني اموت ومحمد قافل
علي...
ليش اني وين رحت وربج محد يلمسج غيري
ابتسمت واباوع بعيونه اريد اشبع شوف منهن واحفظ ملامح وجهه اخاف يجي يوم مو اشوفه ارسمه بعيوني ...
علي...
راح اجيب شي نشربه تريدين شي اجيبلج
شمس...
لا ماريد...راح كعدت انتظره جان اسمع صوت موبايل يرن جان حاطه ب جكمنجكه فتحته طلعته لونه اسود شفته مكتوب نور ...
اتفاجئت نور شعنده ادك عليه وليش ضامه هنا انتهه الاتصال ضوت الشاشه اجت رسائله مكتوب بيه ...علي وينك ضل بالي عليك ...
وياه تكمله بس مكدرت اقراه لان راح الاشعار بيه رمز ماعرفه وكلبي شتعل نار شنو ضل بالي عليك يالله لو بس اعرف الرمز ...
شفته اجه طفيته ورجعته بمكانه وكعدت كانو مصاير شي بس اموت على ماعرف هذا موبايله شنو ...
علي...
هاج عصير برتقال مالكيت زبيب
شمس..
اخذته لا عادي .. اكول علي اريد تلفونك...يحط بالقصبه وباوعلي ...
علي...
شسوين بيه
شمس....
ماسوي شي بس اريد اشوف بيش الساعه اخاف نتأخر..
علي...
بعد وكت على حلتكم
كعدنه نشرب العصير بارد بس ياريت لو طفه نار كلبي اباوع على علي كمل وراح ذبه بالحاويه واجه صعد وطبك باب السياره ...
اباوعله اخذ نفس كال ...نروح للمزرعه ...لا وين رجعني
...وين ارجعج بعد كومه وكت ... بعد ماطلع وياك والله طلعني من دوامي وتبليني ...
يسوق واني ماعرف وين رايحين بس مدام وياه لو يروح لاخر الدنيا اروح وياه مددت جسمي على كرسي باوعلي ...
....شنو تعبتي ...
...اي كسرتني انته ...ابتسم وباوعلي امووت عليج واني مكسرج ...يهنالي لعد ضحكت ودرت وجهي نزلت جامه ونسمات الهوى تضرب وجهي ..
علي....
صعدي الجامه
شمس...
الله عليك خليني اشم هواى بارد
فاتت سياره بيه بس ولد مشغلين اغاني وصوت عالي جان واحد من يمهم صاح ....لك فديته اني الصافن ... وراحت سريع...
وجان يصيح عليه علي...اخو الكح... جايك ..جايك ...صعد الجامه ويرزل بيه ...كتلج صعديه تعاندين ليش ....
...واني شعرفني ردت اشم اهوى هو حتى الهوى انحرمت منه... هو بقه ينافخ وسكت ....
وصلني للمدرسه وبعدهم ماحالين طبك السياره وره المدرسه باوعلي وابتسم وكال... احبج وعلي ...
باوعتله وعيوني دمعآ ضحكت ببرطمه كال ...لاتبجين والي اسمه علي اله تصرين الي ....
شمس...
دموعي نزلت ...احببببببك ...
علي....
الله هسه رجعتلي روحي عيديه بداعت الغوالي
شمس...
ضحكت ونزلت صاح وراي ...خابريني كوليلي شصير ...هزيت راسي بمعنى اي
ويه الحله انتظرت كرم مأجه رجعت مشي صادفتني نور تمشي ويه حازم اخو علي ردت اعبره ع اساس مشفته ...
بس كفتني تسلم عليه وتباوعلي من فوك الجوه ....
نور ...
يااا صدوك نسيت اباركلج الف مبروك ....تحجي طايره من الفرح عاد ضحكت و جاوبته ...لا الموصلج الخبر مو كامل ...
باوعتلي وكامت تخزر ...ليش رفضتو ... اي انشالله واخذ الي يريده كلبي ....حجيت هيج ويه ابتسامه حتى اغثهه ....
هي كلبت الخلقه وراحت كبر هم مصدكه روحه علي ياخذه مشيت واباوع على السماء وادعي ربي كون اصير من نصيب الاحبه..
ويه دخلتي للفرع بيتنه شفت سيارات واكفات خفت وكلبي وجعني وأسأل نفسي شصاير....
بس وين ادخل الباب متروس زلم وكفت محتاره شلون ادخل البيت شويه وطلع عمر يخابر انصدمت واحس كلبي وكف...
عيوني صارن بس عليه واكول لابس وافقو اهلي لا مستحيل كرم كال منجبرج جمدت بمكاني وماعرف شسوي اروح ادخل ..
اخاف اذا دخلت تنهتي حياتي اباوع عليه اكول انت الي راح تخلي بكلبي جرح فراك محب لاتصير عثره بين محبوبين ...
هو يخابر وايده بجيبه دار وجهه صارت عينه عليه شافني واكفه..
دار وجهه سد التلفون وحطه بجيبه عدل جتفه وحجهه وياه الواكفين جان كلهم جوه دخلو هم دخلوو وهو اتقدم بتجاهي
&&&&&&&&&
.
.
يتبع
.
.
مع تحياتي
أنسام الربيعي
توقعاتكم للبارت القادم اكتبولي بالتعليقات 👇👇👇👇
YOU ARE READING
وجع قلب 💔
Romance#انسام الربيعي عندما تزرع امل بأحد وبعدها تترك علامه اثر توجع له وانت لم تكن القاصد بذالك الوجع لكن الظروف كانت اقؤى من ذلك الامل ....أما اذ كان القدر قد اختار لك حياه غير خيارك ... ... .تأمل بان تكون افضل ولا...
