البارت 4
# بقلم أنسام الربيعي
علي راح يشتري من المحل
واني وكفت انتضره يم السياره
والشمس جانت قويه التفت داريد اغير مكاني
شفت مكان بيه مضله
دامشي اروحله مايبعد عن المحل هواي
جان يجي ماطور سريع تجاهي
وماحس الا واحد جرني من ايدي
وصرت بحضنه اباوعله شفته علي
علي...
لازم اكود ايدج من تمشين غيري تتنبهين
شمس...
دفعته بآديه
مالك علاقه بيه علي
عفته ودخلت المستشفى
دامشي بالممر صادفني
عمر ديخابر واكفين يم اثنين وخالي كريم
امشي واسأل نفسي وين شايفته
لان شكله ابدا موغريب عليه
داريد ادخل الغرفه التفت عليه
اذكرت هو نفسه الي اجه لمن الولد تحرشو بيه
ابتسمت
انثاء ابتسامتي مأحس الا علي يمي
علي....
الضاهر عاجبج
شمس..
انتبه للكلامك علي
علي...
ليش حجيت شي غلط
شمس...
باوعتله بنضره استهزاء
ودخلت
ام كرم...شمس وين المي
شمس...علي جاب هسه يجي
دخل علي وشايل الصندوق المي
حطه علي الميز فتح الايلون بالسويج
وانطه بطل لمحمد وانطه الامي
التفت عليه قدملي مي
مديت ايدي داخذه
هو لازم البطل وباوعلي
بعصبيه
جريته من ايده
اخذته رحت كعدت على الكرسي
يم جربايه محمد
علي...
يله اوصلكم
ام كرم ...
لا وين مانروح
علي....
حجيه ميصير كاعدين وناس تروح وتجي
بعدين هاي غرفه للزلم
محمد...
يمه حجي علي صح
روحي
ام كرم ...
شلون وانت وجرحك
محمد...
اشو
يمه هي طلقه شاخطتني بس
وبعدين بلكي اطلع بليل
ام كرم ...
هيج اشوف
محمد...
اي يمه روحي وعلي يوصلكم
علي...
زين لعد راح اجيب السويج سياره
كريم واجي
....راح علي يجيب السويج واني وامي كعدنه نتظره...
اجه علي كال يله حجيه امي بوست محمد و طلعنه من المستشفى صعدنه بسياره امي صعدت بالصدر واني لليوره
شغل السياره والطريق خلصه يسولف ويه امي علي الحادث
شلون اجهم وشلون رمو عليهم لحد ما وصلنه للبيت نزلنه دخلنه البيت شفنه كرم هستوه ديريد يطلع ...
كرم...
هاا شو راجعين
ام كرم ...
اخوك ماقبل يكول شعدجن كاعدات هنا زلم تروح وتجي
كرم ...
منو جابكم
ام كرم ...
علي جابنه
كرم ...
خلي الحك عليه لعد
علي ....
وصلتهم داريد استدير صاحني كرم وكفت السياره اجه وكف يم باب السياره
كرم ...
ها راجع
علي...
اي راجع ... اودي السياره خالك
وارجع اخذ سيارتي عفته هناك
كرم ...
عليمن ترجع مرتين
اخذني وياك وهناك انزل اخذ سيارتك
............
علا ...
هاا ماما شلون صار محمد
ام كرم ....
خليني اخذ نفس لان حيل تعبانه
شمس...
الحمدالله مابيه شي طلقه بره صايره
فرح ...
اي كرم كال الف الحمدالله اهم شي طلعو سلامات
علا ...
بلا هاي وين جانت مضموه النه
ام كرم ...
حضرن نفسجن احتمال يطلعونه بليل ويجون
وياه شباب
شمس....
اني رايحه ابدل ملابسي
صعدت دخلت للغرفه اخذت ملابسي ورحت دخلت الحمام
اخذت شور وطلعت اتمددت على جربايه لان تكسرت من الوكفه
سمعت صوت هوسه بره
كمت رحت فتحت البرده شفت سياره و اكفه
يم الباب مالتنه وعليه تابوت
وناس ملتمه
نزلت أركض على الدرج
شفت امي كاعده تبجي وعلا واكفه يمه
وفرح دتعزل بالبيت
نزلت يم رجلين امي وسالته شكو ماما فهميني ليش تبجين مجاوبتني كمت رحت يم علا ولزمته من جتوفه باثنين اديه شبيج علا احجيلي صاير
طلعت للكراج شفت كرم واكف يم الباب ورحت يمه
شبيك كرم هو حط ايده على جتفي وبجه
كرم احجي شكو شصاير
حضني بكل قوته
صيحت الله يخليكم احد يكولي شنو. فتحت الباب و
طلعت بره مشيت باتجاه السياره الي عليه تابوت امشي واحس خطواتي صارت بطيئه
كلما امشي سريع جسمي يثكل وماكدر امشي
وكعت بالكاع اريد اكوم ماكدر باوعت شفت محمد واكف بنص الشارع ولازم مسدس بايده وراه مريم واكفه والشارع ظلمه
ابجي وصحت عليه يساعدني
شافني وماجه يساعدني
بقيت ابجي واصيح عليهم يساعدوني
واخليت اديه على رجليه ردت
اساعد نفسي مكدرت
ارفع رجلي توكع ارفع رجلي الثاني توكع
خليته اديه على كاع ردت اكوم واشوف واحد واكف كدامي رفعت راسي اريد اشوفه شفته بابا
مديت ايدي عليه وصحت ساعدنيو
نزل يم وجهي وبجه
سامحيني بنتي
على شنو اسامحك بابا
صرخت محد اجاني
زحفت
اتجاه السياره. الي عليه التابوت علمود ارتكي عليه واكوم
وماحس الا واحد حط ايده على جتفي ومد ايده
وكومني داريد اشوفه منو فجأ صارت سياره كبالي
وضواه صار بعيوني خليت ايدي على وجهي من الضوه
صار صوت الهورن قووي
حطيت اديه على اذاناتي وماحس
غوشت عيوني وغمه عليه
__--------
فزيت عركانه
شفت نفسي على فراش
شلت البطانيه لزمت رجليه حركتهن مابيهن شي
كمت اركض فتحت البرده شفت الدنيا ليل
سيارات هواي موجوده كبال بابنه
ركضت فتحت باب الغرفه ونزلت ركض على درج
شفت علا وفرح بالمطبخ يطبخون
وامي يم مرت عمي سعاد
سلمت عليه. مرديت السلام
علا ...
شبيج شمس
عفتهم وصعدت
دخلت وسديت الباب
كعدت على الجربايه
ياربي معقوله جنت اتحلم
بس ليش هيج حلمت
ااخ الف الحمدالله يارب
كمت
رحت دخلت الحمام غسلت وجهي
شلت شعري
وباوعت على نفسي بالمرايه
طلعت من الحمام
دخلت الغرفه
رتبت شعري
دخلت علا
شمس شبيج نزلتي مفزوعه
لا مابيه شي بس حلمت حلم خوفني
شنو هذا الحلم الي خلاج تنزلين هيج
انسي ماحب اذكره
دنزلي سلمي على عمتي سعاد لان زعلت وكامت تحجي
هسه راح انزل ...اكولج محمد طلع من المستشفى
اي صارله من 7 طالع والعالم ملتمه وحضرتج متوثه نوم
لعد هسه الساعه شكد
ب10 عيني ... يله خلصي ونزلي
راحت علا ورجعت
صدوك ترى بابا رجع من البصره
يااااا هسه لعد نازله
كمت رتبت الفراش
ورحت داسد البرده شفت علي ديصف بالسياره
وكفت اباوع. صفه السياره ونزل
سد الباب ودخل جوه
اني سديت البرده وطفيت
ضوه الغرفه ونزلت
سلمت على مرت عمي سعاد
شلونج عمه
هلا بشمس شلونج بالمدرسه
الحمدالله زينه...
عفتهم ورحت بالمطبخ
علا دسوي الجاي
فتحت الثلاجه اخذ مي
فرح
صح النوم عيني
لج يانوم طلعت من خشمي
فتحت الكاونتر اخذت اكلاس
فرح
هاا شبيج
وجريت الكرسي وكعدت حطيت الكلاس على الميز
وكعدت صبيت المي بكلاس
لا بس حلم ضوجني وكعدت
لعد من هيج نزلت عبالك واحد كاتلج
دنحجي ودخل بابا .....
&&&&&
.
.
.يتبع
#أنسام الربيعي
ŞİMDİ OKUDUĞUN
وجع قلب 💔
Romantizm#انسام الربيعي عندما تزرع امل بأحد وبعدها تترك علامه اثر توجع له وانت لم تكن القاصد بذالك الوجع لكن الظروف كانت اقؤى من ذلك الامل ....أما اذ كان القدر قد اختار لك حياه غير خيارك ... ... .تأمل بان تكون افضل ولا...
