البارت 15
(بقلم أنسام الربيعي)
خلينه اليوم ندخل تفاصيل حياه عمر
عمر ....
من طلعت من محمد اتجهت للبصره جان الطريق كولش طويل
وحاره وصلت تقريبا للبيت ساعه ب 12 بليل
صفيت السياره بالكراج رحت دخلت شفت الباب قافلينه
دكيت محد طلع طلعت تلفوني خابرت على اخويه مهدي
بقيت واكف يم الباب شويه وطلعلي
مهدي...
بعد وكت ليش جاي هسه
طلعت من وكت بس الطريق ازدحام
دخلت طبعا الكل نايم طبيت سبحت ونمت من تعب الطريق
الصبح
كعدت على صوت التلفون
شفته حسن فتحت خط
الوو انت وين
بالبيت
لعد راح اجيك وياي جماعه
ياجماعه
من اجي تعرف.
سديت الخط
غسلت وجهي ونزلت شفت امي كاعده وبحضنه ابن اخوي مهدي
صباح الخير يوما
هلا يوما عمر وين جنت من البارحه انتضرك
جنت ببغداد وجبتلج وياي حلاوه اليحبه كلبج
چا يما بس شوفتك هي حلاوه كلبي
اروحلج فدوه
كعدت يمها ودخل ابويه
وشمر عليه مي هاا والك حيوان وين جنت
كمت بست راسه والله جنت ببغداد
هاا والك شسوي ببغداد كثرانه روحاتك
والله بويه صاحبي واكع ومودينه للمستشفى ورحت اشوفه
بس مايصير تروح وحدك انت تعرف هناك الك مشاكل
لاتخاف عليه ابنك حوك
دكم يله حضر نفسك راح تجينه جماعه شيخ ايوب
اي بس خليه اكل لكمتين
رفسني ولك كم
راح واني كعدت يم امي اكل
شويه وصاح. والك عمير كم كم لا اجي العن والدي والديك
طبعا اني وابويه شلون الاصدقاء وكولش سبورت
شمس ....
رجعت للبيت واشوفهم متغدين
كرم...
وينج متأخره
هستوهم طالعونه
اهاا
اباوع على كرم شكله وعينه تحجي شي
خفت ماعرفت شجاوب ومحمد جان واكف ويباوع ويتسمع حجينه
اني خليت وصعدت بدلت ملابسي ونزلت
دخلت للمطبخ اصب غده جان ماحس كرم وراي
ليوم وين جنتي
من سألني كولشي وكف بعقلي والكلمات كله طارت بقيت بس واكفه اباوع عليه وبيدي الماعون
وين جنتي جاي اسالج
وين جنت بالمدرسه غير
ماحس الا محمد دخل زادت الرجفه عندي وكلبي وكع بالكاع
محمد...
شكوو شبيكم
كرم رجع اليوره
اساله وين جانت
محمد كبل اجاني ولزمني من ايدي بدون مايفتهم اي شي
احجي والج وين جنتي
راسا دموعي نزلن والله بالمدرسه
كرم...
لاجذبين اني جنت هناك ومشفتج من طلعتي
محمد قوى ايده عليه
شنو جذبين اخوج يكلج اني جنت هناك ومشفتج
كمت ابجي
هي هوسه و طلعت ويه صديقاتي هاي شبيك محمد
يله امشي ولي من يمي
وكرم ضل يباوعلي
رحت اركض صعدت فوك سديت الباب
وميته خوف بالحظته حسيت روحي انتهيت
كعدت على الجربايه سحبت جنطتي يمي
طلعت الرقم سجلته بالتلفون وكتبت عليه لبنى
واني اساسأ ماعندي ارقام هواي من البنات بس جان عندي رقم مريم ومسحته
وحطيت التلفون على الشاحن
واتمددت ارتاح واذكر علي والبستان وعصبيته احس جان احلى
يوم بعمري نسيت الدنيا كوله رغم عصبيته وغيرته بس كول هذا من اشوفه اضعف يمه صرت اعشق شي اسمه علي
YOU ARE READING
وجع قلب 💔
Romance#انسام الربيعي عندما تزرع امل بأحد وبعدها تترك علامه اثر توجع له وانت لم تكن القاصد بذالك الوجع لكن الظروف كانت اقؤى من ذلك الامل ....أما اذ كان القدر قد اختار لك حياه غير خيارك ... ... .تأمل بان تكون افضل ولا...
