وجع قلب 💔

البارت 22

البارت 22

(بقلم أنسام الربيعي)

دار وجهه سد التلفون وحطه بجيبه عدل جتفه وحجهه وياه الواكفين جان كلهم جوه دخلو هم دخلوو وهو اتقدم بتجاهي ....

شفته اجه مشيت بسرعه وصاحني ..اوكفي لحظه ...
وكفت اخذت نفس مالي نفس اباوع شكله درت وجهي..

رفع حاجبه وكال ..بس اريد اعرف ليش من تشوفيني تنهزمين ... يحجي واديه بجيوبه ...

ليش عندك موضوع وياي حتى اوكفلك ...عفته ورحت دخلت للبيت وبساع للمطبخ ...

دخلت وسديت الباب علا دسوي جاي اجتي جرتني من ايدي يمه كالت...اسمع جاين عليج ام عمر واخواته جوه رتبي نفسج ودخلي سلمي عليهم ...

علا شتحجين انتي اسلم عليهم شنو وروحي ماراديتهم ليش تاذوني ...هئ..هئ..

سوده عليه والله ادري بس مشيه لخاطر امي الكاعده ومكسور خاطره عليج فدوه لكبلج غسلي طبي سلمي ....

نزعت جنطتي حطيت على كرسي مسحت ادموع جريت نفس
دخلت شافتني امي كالت ...بنتي شمس ...

اكو مره جبيره مرتبه شكله نظيف كامت ...الله مصلى ع محمد هلا بيج يمه تعالي ... رحت يمه حضنتي وباستني ...

كالت ... صلاوات على محمد تخبل تخبل ... وتباوع لبناته كامن بناته سلمن عليه وحده كرصتني من خدي وضحكت ...

كالت ... حقه يسكن بغداد بعد هالجمال ...ضحكن ويباوعلي

شكد حاولت ابتسم لو بجذب بس تجي صوره علي كبال باوعت واتمنيت امك ياعلي الجايه مو ام غيرك ...

عفتهم صعدت فوك قبل ماصعد البايه الاخيره كعدت ابجي وحطيت ايدي على وجهي جان اجتني فرح ...

فرح ... لج كومي ليش اسوين بنفسج هيج ..حضنته واحجي بهمس ...تعبت كلبي يوجعني حييل ...هئ ...هئ...

كومتني للغرفه كعدت يمي تهدي بيه تكولي الله موجوده وعسى ان تكرهو شيئآ وهو خير لكم .... كومي غسلي وبدلي ملابسج ....

طلعت فرح كمت بساع فتحت الباب ورحت اركض لغرفه محمد كلبت الغرفه لحد ما لكيت موبايل بالكنتور جوه هدومه ...

طلعته وايديه ترجف ادوس رقم يروح ع غير رقم طلعت رقم علي ودكيت ويه دكه كلبي يدك. انفتح الخط ....

كلت الوو علي ... جان تجاوبني وحده ...الو منو انتي ...عرفته نور ...سكتت مجاوبت جان هي ...تكول انتي منو..

شويه واسمع صوت علي يكوله ..انتي شلون ادخلين غرفتي ...وهي اتكوله ...سمعت تلفونك ايدك واجيت اشوفه ....
مره ثانيه لو يدك طبل لصبح لتشوفي ....

شويه وحجه علي....

هاا حبيبي....

علي وينك الحكلي ...