البارت 26
(بقلم أنسام الربيعي)
محمد عاط بيه ... لاتعلين صوتج احجي العندج وبلا كلام زايد
هي راحت يمه تبجي وكالت ... علييي
..عليي مقدم على خطوط الاوليه وطالع من الفجر ومحد يدري وين صار ....
عبالك عاصفه وضربتني لزمت باب وانسندت عليه محمد طلع تلفونه ويخابر على جماعته ونور تبجي وتباوعلي بحقد...
صار هدؤى بداخلي بس اسمع دكات كلبي ونفسي
يصعد وينزل انوب اجوي يركضون اخوان علي اخذو نور ...
محمد طلع وكل هذا لازمه الصمت ماحجي بس اباوع بعيوني
كعدت على بايه الدرج وصافنه اهلي كله تباوعلي على هدؤى
اجتي صورت علي كبال عيني مكسور من خطبتي خنكتني روحي ونفس ماكام يصعد لزمت ركبتي احاول اخذ نفس ...
لزمتني بساع فرح ...شمس شبيج عزه بعيني عمه الحكي...
بس اباوع واخذ نفس واشهك طلعتني بالكراج ماكو نفس شي
دخل كرم شافني هيج لزمني ويضرب بخدي ويصيح ..شبيييه
لزم الصونده وغسل وجهي وامي تفرك بصدري...
شهكت وبجيت وضميت راسي بحضن امي ولازمه هدومه قوي وابجي طبتني جوه وبدلتي ملابسي وتكول ..عمت عيني يايمه عسني ميته ولاشايفتج هيج ...
نمت وكلبي مقبوض وانتظر خبر عن علي من اكول اسمه يجرحني كلبي شلون السجين وتذبح كلبي بنص...
سمعنه حركه يم الباب كمت بساع شفت محمد دخل ومخبوص ويصيح بتلفونه ...ادري شنوووو اتخبل يلتحق مايدري خطره.
...ياااربي ماريد شي بس اشوفه كدااااااامي ماريده يروح مني احبببه والله رجعلييي يالله امداااني لان كسرت خاطرك
للصبح وعيني مايشفه النوم وكاعده كبال الشباك واكول هسه راح يجي هو كال ماعوفج وابجي وامسح ادموعي ...
غفيت وماحس علا تكعد بيه ...كوومي حبيبتي مو زين عليج ..
فزيت ...ماوصلتكم اخابر عن علي... لا محمد طلع من الصبح يشوف شصار ...
رجعت راسي وادموعي تصب كل مني اني غلطت...شمس بلا ماتلومين نفسج هسه كومي وادعي يرجع سالم ...
صارت الساعه ب12ونص وماكو اي خبر محمد بره يريد يوصل لعلي وين صار كعدت بالمطبخ وعيني على باب ....
اجتني امي كالت ...كومي يمه عندج دوام ... ياداوم يمه لخاطر الله حسو بيه شوووويه ...
.....شوفي شمس اني عاذرتج بس لاتنسين انتي مخطوبه هسه والراح انسي والله يرجعه سالم الاهله ....
...يييمه الله يخليج عوفينيي ...وحطيت راسي على ميز وابجي جان اسمع تنفتح باب البره فزيت على حيلي...
جان يدخل بابا وكرم وياهم عمر امي بساع كالت...صعدي بساع شمس... رحت اصعد الدرج واسمعهم يهلون بي..
صعدت كعدت بغرفتي وعلا على جربايتهم ... شمس كافي دمرتي نفسج شوفي نفسج شلون صايره ...
سكتت ومجاوبت كعدت يم الشباك واباوع جان اشوف عمر طلع يغسل وجهه صارت عيني عليه غسل اديه وحطهن على ركبته ....
صارت عينه عليه رفع حاجبه وخنزر وخرت عيني من يمه واباع على الشارع دخلت امي ..عزه بعينج لهسه ماحضره نفسج كومي كعدي يمه ...
...ماريد انزل وشكو جاي كل ساعه وثانيه شنو البصره شبخه رجل ويوصل ومادري ....
علا... شمس انزلي يمه شنو سالفه ... كلت مانزل ...درت وجهي على الشباك ...
لزمتني امي كالت ... ليش تعبني يايمه انزلي فدوه ...
علا..معليج ماما راح تجي روحي شويه وتنزل وراج...
شمس عاد لخاطر امي ...
اوووووف اخذت ملابس من الكنتور وبدلت حطيت الشال على راسي صاحتني علا ...ع اقل حطي شويه شي بخلقتج ...
...ترى ابطل ومانزل والله ... لا يابه روحي شعليه اني ...
نزلت وكفت يم امي بالمطبخ كرم اجه اخذ الصينيه واخذه يمهم وكفت اخدر بالجاي امي كالت ... روحي سدي باب البره صايرين فرجه للعالم ...
طلعت اسد الباب شفت بوري المغسله مفتحت داسده انلزمت ايدي صحت ... اعااا اا ... شفته عمر نكثت ايدي من يمه ...
كلت .. ادري شنو هالسوالف مال جهال وين كاعدين... اباوعله ومشمئزه من الموقف هو عض شفته قوي وملامح عصبيه ...
اقترب من يمي وهمس بأذني ... كلمه جهال مره ثانيه متنعاد بوجهي وبعدين محلوه وكفتج يم الشبابيك مفرعه استري نفسج ....
خله وراح صدك ضحكت هنا هزيت ايدي ودخلت طلعت الاستكان اغسلهن وفكري كل يم علي وادعي ربي يرجع..
وماحس اله لاستكان انكسر بيدي انجرحت...اعااا اخ استغفرالله ..فتحت الجرار وسحبت اكلانس كام يحركني بزايد
صعدت فوك اخذ المعقم من غرفتي افتحت بالمجرات ماكو يالله وين راح شفته واكع جوه البرده دنكت داخذه واسمع ...
هوسه بالشارع مديت راسي من الشباك شفت حازم يركض وكرار يصيح لا يا الله دخيلك ....
شفتهم هيج تخربطت اوضاعي كله لشويه محمد طبك سياره على سريع ونزل يركض وقميصه مليان دم هنا صرخت ونزلت اركض ...
كمت اشبخ البايات واركض انصدمت بمحمد كمت ابجي والزم بقميصه ... الله عليك كووووولي ممات احجييي اااااخ ...
اباوع بعيونه حمر بس دمووع ....
صاح ...علاااااا وخريه من كداااامي ..اجتي علا جرتني وصعد محمد يركض واني اشيل بروحي وابجي ...ميموت علييي عااااايش ....
&&&&&&&&&
.
.
.
.يتبع
مع تحياتي
أنسام الربيعي
YOU ARE READING
وجع قلب 💔
Romance#انسام الربيعي عندما تزرع امل بأحد وبعدها تترك علامه اثر توجع له وانت لم تكن القاصد بذالك الوجع لكن الظروف كانت اقؤى من ذلك الامل ....أما اذ كان القدر قد اختار لك حياه غير خيارك ... ... .تأمل بان تكون افضل ولا...
