انا بنت ذلك الفقير

/28/

سمر : ولج كلها انصدمت من اعتراف غزوان .. مبين مبين ديهدد بارق

هيام : اي .. شسوي سمر عفيه اشلون
سمر : شتسوين .. ديلله هذولا ناس يتسوا وياهم شي. ..! ادعي الله و اسكتي
هيام : و نعم بالله شعندي غيره.. خوما ياذي بارق ..؟؟
سمر : لا يمعودة هو بارق تايهله قابل .. هم ورا الدوله و الامة...
هيام : اي صح .. صح ..
طمنتني سمر بس الخوف بيا بعده مادري .. تعبت
كل يوم مر عليا جان ثكيل .. اترقب جية بارق يلله گلبي يطمئن و هم احسب لباجر ..

بارق : كمت اراقب هيام من تطلع من الجامعه لحد متوصل للبيت .. اخاف غزوان يسوي شي ..
و مرت الايام .. و صارت الحرب .. تركت الكلية. حال الطلاب البقيه .. نكلبت الدنيا و كل بالي و همي يم هيام ..

ابو بارق : جهزي الضروريات ام بارق لازم نطلع من بغداد باجر الصبح
ام بارق : وين نروح .. بيوتنا و مزارعنا و محلاتنا و غراضنا نعوفهن قابل ..
ابو بارق : دتشوفين القصف بدا .. الامة نكلبت منو راح يبقى ابغداد كلها مشت لديالى .. من يهدا الوضع نرجع ..

هيام : الليل كله ما يجينا نوم من ورا القصف .. بلـ قل هو الله احد يطلع الصبح علينا .. و قرر ابوية نمشي لديالى حالنا حال الناس .. لحد ميهدا الوضع
بكل الاحوال ماعدنا شي نعوفه ورانا ينخاف عليه .. وصلنا بعقوبه بـ تيوته .. الناس قيامة هناك الدنيا مكلوبه .. ازدحامات ..

نور : يابة وين نروح منعرف احد هنا ..؟؟
ابو هيام : ما نتيه بنيتي مخلصت الدنيا ..
محمد : دشوفي العالم هنا .. كل بغداد بديالى ..
ام هيام : هيام يمة الزمي اخوانج الصغار ليضيعون ..

هيام : الوضع بديالى هادئ .. و الناس استقبلونا و شاركونا بيوتهم و اكلهم و فراشهم ..
تشوف الناس بكل مكان كاعده بكل مساحه فارغه عوائل
معافونا اهل ديالى طلعوا من بيوتهم و شاركونا كعداتنا و سوالفنا
رغم الحرب و القصف .. نسونا همنا و غربتنا بطيبتهم و سوالف ضحك و مناقشات
حبينا بساطتهم و طيبتهم .. صدوك الناس ينعرف معدنها وقت الضيق ..

نور : الله احس روحي من المهاجرين و اهل ديالى الانصار .. يا اخي شعور غريب .. فرحانه ههههه
محمد : هو انتي بس بالمصايب طاكه من الفرحه .. احنا بيا حال العراق نهجم

نور : ديلله عاد عيني ابن الوزير طار مركزك بالدولة .. املاكنا ومزارعنا راحت..  العراق انهجم ..!! و احنا شيأثر علينا هو اصلا مهجوم ع روسنا من الاول ..
هيام : راح نشوف عراق غير عراقنا .. معقولة كولشي راح يتغير ..

بارق : كعدنا من الصبح دنلم الغراض النحتاجها قررنا نطلع لديالى لحد ميستقر الوضع ..
القصف مستمر للصبح .. المناطق اليمنا نقصفت البيت ينشال و ينشمر من القصف و الشظـى دمر بيوتنا .. داطلع الغراض للسياره ..

ابو بارق : ع السريع ام بارق وينج  القصف راح يوصلنا .. انهجم العراق.. ام بارق وينج .. طبيت ادور عليها .. ماسمعت غير صوت دوي الصاروخ و الشظى ترس البيت اذاني كامت تجري دم

بااارق وووينك ...

ام بارق : من سمعت صوت الدوي نزلت اركض و بيدي الذهب .. سمعت ابوو يصيح ..
يمةةةةةة باااارق ....؟

هيام : مرت فترة ع الهجره و تقريبا الوضع هدأ مكمنا نسمع صوت القصف ع بغداد ..
كل بالي و همي يم بارق .. مناطقهم خطرة و مستهدفه للقصف .. وينه هسه .. اذا هاجر لديالى. ... يارب بس اشوفه و اطمئن ..گلبي يوجعني عليه اريد ارتاح

.. ربي كولشي ماريد بس اشوفه ..

....يــــتـــبــــع ....