من كر على أهل الكفر سمو علي كرار
من كر رؤوس الكفر سمو علي كرار
بلحالتين تلكه البطل ألك كرار
ألاولى وكت الحرب لمن هجم من كر
ومن بعدها شوكت لمن رؤوس الحرب من كر
باأعماله لو دورت ما تلكى أي منكر
لله غالب يضل حيدر علي الكرار
ومن أسمه جميل الخلقة والأخلاق
علي وبأذن الله الضده يتنصه
بلكعبة أنولد وتخيل الموضوع
مخصوصة لعلي ورب العرش خصه
علي رباه محمد والثلث تنعام
علي بكلب الرسول وكاعد بنصه
يوم الناس جانت تعبد الأصنام
علي ما دنك ودك للصنم كصة
علي أول غلام يفوت للأسلام
يحرص على الرسول ومحد بحرصه
علي أول فدائي أنعرف بلتاريخ
وأني وانتَ ندري ونعرف القصة
وبذكر العزم والغيرة والشجعان
علي هو الأسد وش للأسد حصة
علي بسوح الحرب يتلقب الكرار
نصين اللي يضربه يكصه ويشطره
ذو الفقار ينزل مثل ملك الموت
أذا لله أنشهر ومن الله أخذ رخصة
علي حارب الجن بيوم شاء الله
والجوة الارض علفحل ما يعصى
علي حاشاه سفك دم البرئ بيوم
علي الذكر علي الحذر علي الوصى
داعي لكل خير وفضيلة أبو الحسنين
فرصة وبخت عنده الحظى بهلفرصة
دنيا ودين يعلم الا الغيب
دنيا ودين يعلم الا الغيب
وبشرطه غشيم اللي ما يذب شصه
علي شماخذت منه تشوفه بعده هواي
علي مثل البحر والبحر شيخلصه
علي الحساس لمن يحظن الأيتام يبجي
ويختنك بلعبرة والغصة
صايم والفقير يدك عليه الباب
وجان بيته كرصه وانطاها للكرصة
وعلى كد ركع ثوبه بلاد يحكم جان
يتعجب اللي عد الركع وأحصى
ما غرته الدنيا الدنيا همت بيه
ذلت روحها وما كدرت تخبصه
علي ما ينوصف باأبيات معدودات
علي ما ينوصف باأبيات معدودات
علي تاريخ والتاريخ شيلخصه
علي ما جاب طاري الشين بلموزين
ناقص ماكو غير الراد ينتقصه
بس أبن الحلال اللي يحب علي الكرار
وبس أبن الحرام الي ما يحب شخصه
وبس أبن الحرام اللي ما يحب شخصه
