Falling for Zygy (Devil's Heart)

CHAPTER 5

CHAPTER 5

PAGPASOK ni Paula sa Asia’s Bank, napansin niyang nagkukumpulan ang mga mga empleyado ng bangko at naguusap-usap. Inilagay muna niya ang bag sa ibabaw ng mesa niya bago siya lumapit sa mga ito.

“Anong pinag-uusapan niyo?” Tanong niya.

“Naku, Ms. Paula, may memo kasi na dumating kahapon. Diba wala ka rito kasi busy ka sa isang kliyente?” Wika ni Zyra.

“Oo, wala ako rito kahapon.” Kumunot ang nuo niya. “Anong memo ba ‘yon?” Puno ng kuryusidad na tanong niya kay Zyra.

Tinuro nito ang maliit na bulletin board nila. “Hayun oh. Basahin mo nalang, Miss Paula.”

Nilapitan niya ang bulletin board at binasa ang memo. Nanlaki ang mga mata niya sa nabasa.

“Is this for real?” Hindi makapaniwalang tanong niya sa sarili.

“Don’t get your hopes up, Ms. Caparic. You’ll never pass the Bank Manager exam. Huwag ka ng mangarap, sigurado namang hindi ka papasa.” Anang boses ng Bank Manager nila.

Hindi siya nagsalita at bumalik siya sa table niya na may lihim na ngiti sa mga labi. Kahit anong sabihin nito sa kanya, mag-i-exam pa rin siya. Once in a lifetime opportunity ito. This is the first time that Asia’s Bank offered such kind of promotion. Hindi niya iyon palalampasin.

 Nilinis niya ang mesa at nag-umpisa ng magtrabaho. Maliban sa exam, ibabasi rin ng Asia’s Bank sa performance ng empleyado kung karapat-dapat ba itong maging isang Bank Manager. Kailangan niyang pag-igihan ang pagta-trabaho.

Paula was in the middle of working when she heard her phone beeped. Tiningnan niya kung sino ang nag-text pero ganoon na lamang ang gulat niya ng mabasa ang twitter notification sa status bar ng cell phone niya. It’s a Direct Message from Kreg.

Bakit kaya nagmi-message ang lalaking ‘to sa akin? Hindi maiwasang tanong niya sa sarili.

Sino ba siya para mag-aksaya ito ng oras para mag message sa kanya? Pero kahit malaking question mark para sa kanya kung bakit ito nag mi-message sa kanya, hindi niya maiwasang makaramdam na espesyal siya rito. But she knew better than to assume. Maraming namamatay sa maling akala. At alam naman niya sa sarili niya na napaka-imposibling mangyari iyon.

Hindi niya binasa ang mensahe nito dahil kapag magpalitan pa sila ng mensahe ni Kreg, mas lalalim ang nararamdaman niya para rito at hindi iyon puwede. Alam niyang isang bituin si Kreg na imposibling abutin. Kailangan niyang tikisin ang kagustuhang reply-yan ang lalaki.

Itinabi niya ang cell phone at nagpatuloy siya sa pagta-trabaho. Mas importante ito sa kahit na anong bagay sa mundo. Pangarap niyang maging isang Bank Manager at tutuparin niya iyon.

ISINANDAL ni Paula ang pagod na likod sa likuran ng swivel chair. Wala siyang pahinga sa pagta-trabaho. Hindi niya namalayan na lunch time na pala.

Kinuha niya ang baon sa bag. Akmang isasara na niya ang bag ng makita niyang umilaw ang screen ng cell phone na pag-aari ni Zygy. Kinuha niya iyon at tiningnan kung bakit iyon umilaw.

Napakagat-labi siya ng makitang mayroong two miscalls at one message iyon. Mabilis na binasa niya ang text nito. Baka magsumbong na naman ito sa maldita niyang Manager.

‘Pao! Natanggap ako sa Vista Law Firm! Isn’t it amazing?’

Napangiti siya sa nabasa pero nagtaka siya kung bakit nag-text ito ng ganoon sa kanya. Abnormal talaga. Nararamdaman niya sa text nito na napakasaya nito kaya naman hindi niya magawang tarayan ito. Kahit naiinis siya sa ka-abnormalan nito, masaya siya para rito.