انتقام الصقر الجريح

لقد اشتقت لكى

عندما رفع عينيه للاعلى صدم مما راه
ادهم : لا يمكن ان تكون هى لقد هاجروا منذ زمن 😔
انتبه عدى لصديقه ونظراته المستمره للسكرتيره فتنحنح لكى ينتبه ادهم
انتبه ادهم لما فعله وجلس كما كمان ولكن تفكيره يشتعل
اشرف : حضرتك كنت محتاجنى عشان شغل اعتقد كده بخصوص قضية السلاح الاخيره
ادهم نظر لعدى :ايوه وياريت تكون المقابله دى فى سريه تامه ومحدش يعرف بصلتى بالموضوع انا هديك ادله تثبت القضيه وتدخل الشرقاوى السجن مدى الحياه
اشرف وروح باندهاش :بجد ازاى وايه هى الادله دى
ادهم :لازم تعرف ان الشرقاوى هو اصغر واحد فى السلسله دى واضعفهم بس انا هديك الادله وانت عليك الباقى ماشى
الادله دى عباره عن تسجيلات صوت وصوره لكل الصفقات اللى تمت بواسطه الشرقاوى مع عميل امريكى اسمه توم فكده القضيه هتكون عالميه فلازم الانتربول يشارك فى التحريات عشان تعرفوا تمسكوا الباقى
كل ده وروح سرحانه ومش معاهم
روح فى نفسها:انا حاسه انى شفته قبل كده بس فين معرفش ياربى الواحد معدش بيفتكر حاجه هو انا كل اما اشوف حد اليومين دول احس انى عارفاه لااااا انا شكلى اتجننت على الاخر الاول اروى والوقتى ادهم بس فيه حاجه غريبه هو اروى شبه ادهم كده ليه تكونش اخته . اخته ازاى بس وده من عيلة الصقر ودى من عيلة حجازى     لااااا دا انا خرفت على الاخر اوف اوف فنظروا لها جميعا وقال  اشرف: فيه حاجه يا بنتى
روح :فيه لا مفيش هو انا قولت حاجه
بصولها تانى وقال اشرف : اوف اوف تعبانه ولا حاجه
وهنا اشتعلت وجنتاها بحمرة الخجل لقد فكرت بصوت عالى :لا لا مفيش انا كويسه يلا نكمل
ادهم :نظر امامه واعطى الادله للدكتور وقال دى امانه معاك وعايز اشوف النتيجه انا كده عملت اللى عليا
اشرف :متقلقش كل كده تمام وهياخد مؤبد بالثلث
ادهم:ياارب يلا سلام عندنا شغل يلا يا عدى
عدى :يلا بينا
واستاذنوا وذهبوا
.....فى الطريق
ادهم :احنا هنروح بقى ماشى
عدى :لا
ادهم :ليه باه ان شاء الله
عدى :نعدى على السوبر ماركت الاول نجيب شوية حاجات عشان نتعشى
ادهم :امال اللى انت اكلته ده ايه
عدى :لهو انت مسمى ده اكل دا عينات تجوع بس مش تشبع وانا عايز اكل واتغذى احسن هفتان
ادهم :يلا يا خويا اصل خلفتك ونسيتك
عدى :وانت تطول تجيب واحد عسل وسكر كده دا انا البنات كلها بتجرى ورايا
ادهم :طب بس بس وصلنا انزل هات اللى انت عايزه وانا هستناك هنا
عدى :ايه ده مش هتيجى
ادهم: عدى ليه انتى محسسنى انك مراتى مش واحد صاحبى انزل بدل ما امشى
عدى :خلاص وذهب
وبعد مده ندم ادهم لعدم ذهابه لانه قد تاخر ما يقارب الاربع ساعات واحس بملل شديد فاغمض عينيه فذهب فى سبات عميق
بعد فتره جاء عدى ومعه كمية اكياس كبيره
وذهبةالى ااساره وحاول فتحها ولكنها لم تفتح وضع الاكياس ونظر وجد ادهم ناءم فصار يطرق على زجاج السياره حتى فتح ادهم بنعاس ونظر فى الساع وجدها الثانيه بعد منتصف الليل نظرةلعدى بغضب وذهب حتى وصلو للمنزل وظخل عدى وقال له يلا عشان نتعشى
نظر له ادهم بغيظ :انت تقصد نفطر صح امشى من قدامى يا عدى والساعه ٦الصبح الاقيك صاحى ماشى 
عدى : ماشى تحب اجهزلك الحمام يا قلبى
ادهم :وجع فى قلبك
عدى :اخس عليك يا دومى  وهو يبتسم ابتسامه مستفزة 
ذهب ادهم بغيظ وذهب لكى ينام ولكن لم يخلو باله عن الفتاه التى قابلها
وذهب فى ثبات عميق
عدى فى الاسفل : طب هاكل لوحدى مبحبش كدا اه يانى يلا هاكل اى حاجه للصبح ربنا ينتقم منك يا ادهم يا ابن ام ادهم وذهب لكى يرتب المشتريات فى المطبخ والثلاجه
انتهى وذهب هو ايضا للنوم ولكن لم يغلق عيناه حتى تذكر عينى حبيبته ومعشوقته اروى  اخت ادهم
وذهب فى ثبات عميق
................... فى اليوم التالى فى مكان اخر ياروح احنا كدا ظبطنا القضيه وهنكسبها  بفضل الادله دى
روح : ايوه يا فندم كويس انا كنت تعبت من القضيه دى الحمد لله  كده مفيش قواضى مهمه تانيه الايام دى
نظر لها اشرف ؛ الامتحانات قربت صح خلاص تمام كده روحى انتى شوفى مذاكرتك ومعتيش تيجى غير بعد الامتحان ماشى وابقى طمنينى عليكى اول باول بعد كل امتحان والا هرفع عليكى قضيةا همال فى حق العم  وتتسجنى فى بيتى  ههههههههههه
روح : هههههههههههه ماشى متقلقش انت بس هتعمل ايه الايام الجايه حد هيكون مع حضرتك
اشرف : متقلقيش اروى هتشتغل بدالك لحد ما تيجى واهى تورينى المواهب يلا بقى عايز تقدير  بامتياز 
روح : طب مع السلامه
...............
فى الصباح استيقظ ادهم واغتسل ادهم وبدل ثيابه ونزل الى الاسفل فوجد عدى قد جهز الافطار وينتظره على السفره ابتسم ادهم
وقال :ايه كل ده دى عزومه 
عدى :لا عزومة ايه ده فطار الفطار الصح مش اللى بتعمله تعذيب
ادهم :تشكر يا سيدى يلا نفطر عشان نخرج  صحيح الجلسه هتبقى امتى
عدى :بعد بكره
ادهم :خلاص لازم نشوف هنعمل ايه بعدها
عدى :تمام بس اما نشوف نتيجة القضيه دى
ادهم بتفكير : عدى اممممم
عدى : نعم
ادهم :عايزك تجيبلى معلومات كامله عن
وقبل ان يكمل كلامه قال عدى : عن روح
نظر له ادهم
عدى : متبصليش انا عارف انت بتفكر في ايه
بس تفتكر ممكن تكون البنت اللى انت كنت حكيتلى عليها زمان
ادهم بشرود : مش عارف بس ساعة ما شوفتها حسيت احساس غريب وحسيت عينيها مش غريبه عليا لازم اعرف هيا مين بالظبط 
عدى متقلقش : كلها يومين وتكون كل المعلومات عندك 
ادهم :طيب تمام انت لسه هتلبس ولا ايه
عدى : اه اصل هروح مشوار كده قبل الشغل
ادهم : تمام همشى انا بقى سلام
عدى : سلا م مش هتاخر
ذهب ادهم الى السياره وخرج من المنزل وفى طريقه وهو ينظر من النافذه توقف قلبه مما راى وكاد ان يحدث حادث الاانه قد تفاداه بمهاره وتوقف ونزل يجرى كالمجنون ويبحث بعينيه وينظر فى وجوه الناس وفى هذه اللحظه قد راه عدى
فتوقف مكانه وذهب اليه ادهم انت بتعمل ايه هنا
عدى :انا كنت جاى اسلم على صاحب المطعم ده اصل صاحبى ما انت عارفه قولى بقى انت كنت ماشى زى الاهبل كده ليه
ادهم : شفتها يا عدى شفتها عدت من هنا 
عدى :مين دى
ادهم : بشرود اروى يا عدى
تجمد عدى فى مكانه
عدى يهز ادهم بعنف :فين يا ادهم فين طب مشت منين
ادهم : مش عارف اختفت مره واحده

ياترى هو فعلا شاف اروى ولا مين هنعرف ده فى الحلقه الجايه وكانت فين كل السنين دى