رواية عيون تحمل الغرق ل (ريم الحجر )

الجزء السابع عشر والأخير

(( الجزء الاربعين ))

((أ)) 

قامت هيفاء بنفس وهي ترتب شنطتها ,, خذت لها كم لبسه ,, وكملت تجهيزها وفتحت شنطة فهد تبي ترتب فيها الاشياء الاساسية 
جاها اتصال من ريما ,, مشاعرها اليوم فوق السحاب ,, تبي تطير وتقول لكل الناس انها فرحااانه ,,, 
ريما : الو يا ناس يا قاطعين ,, ما يسوى عليكم جدتي خلتكم ما تحسون بنا 
هيفاء تضحك بأشراقه ملت عليها روحها : حبه حبه علي اسكر الحين واخليك تكلمين الهواء وهي تكمل ضحك 
ريما : اقول هيوفه وكاد فهد ما لعب في حسبتك وخلاك تنسيني ترى خوي اعرفه ,,, 
هيفاء : خليه يسوي اللي يبيه انا موافقه وبدون شروط 
ريما : لاااااااا انتي مرووووقه مرررره ممكن بس تقولين لي وش سر هالسعاده ,, دخولوني جوووكم عااااد 
هيفاء : احبه يا ريما ,, ااااااااحبه ,, فاهمه ,,, ريوووم وش اقولك ضحكته تخليني اضحك نظرته تدوخني ,, ريووووم تعالي شوفيه وهو يدرس ومشغول جاذبيه ما حصلت ,, لا وزعله شي ثاااني ,,, 
ريما : يوووووووو هذا كله في فهد ,, ابسط يا عم ,, الله يهنيكم ,, وبعد مافيه شي ثاني ,, 
هيفاء : لقولك لين بكره وانتي تسمعيني ما خصلت ,, 
ريما : خلاص بخلي نواف ياخذ دروس من فهد ,, مع انه متخرج خلقه بس بعد منكم نستفيد ,,,,, 
قعدوا يضحون وعقبها ظلت ريما نص ساعه وهي تشرح لهيفاء عن اغراض تبيها تجيبها لها ,,, 

فهد وهو يكلم البروفيسور ويتفق مع على خطة الدراسة الجديده ,, وينهي رسالته ويرجع يناقشه بعد شهرين ,,, 
طلع من المكتب وهو في الممر شاف هند وساره جايين ,, تأكد انهم جايين بطريقه متعمدين ,,, 
ساره وقفت تبي تكلمه عنده امل انه يرضى عليها ويرجع يكلمها عادي 
ساره : فهد ممكن ,,, 
فهد : لوسمحتي ,, انا مشغول ومو فاضي ,, ويكمل طريقه للباركنج وسط ذهول ساره اللي ما توقعت ان فهد راح يعاملها كذا ابدا ,,, 

ساره وهي تكلم هند خساره فيه كل الوقت اللي راح وانا ظنيت اني بقدر عليه ,, 
هند : قلت لك من اول من كانت هيفاء زوجته مستحيل يشوف غيرها 
ساره : اووووووه ذبحتيني كنك ما شفتي خير ,, من زينها ,,, 

دخل فهد بيته وهو فرررحان من الخطوة اللي سواها ,, لقى هيفاء في المطبخ تسوي قهوة تعدل المزاج ,, ترك اوراقه على الطاوله ,, وقرب لها بيضمها ,, مسكها من وسطها ورفع غرتها من جبهتها ,, 
فهد : ابيك تعرفين انه عشان خاطرك بسوي اي شي ,, ولو هو صعب يسهل لك ,, ولوهو بعيد يقرب لك ,, ولو من اخر الدنيا مطلبك اجيبه لك ,,, 
هيفاء حست قلبها يرف من الفرحه فهد من البارح وهو محتويها بين ضلوعه ومحسسه بكل الأمان اللي بغته : فهد شوي شوي علي ترى ما اقدر انا كذا 
فهد : انا كلي لك ,, روحي وقلبي وعيوني فدوة لك ,, ابقولك يا حبيبتي اني باخذك الحين على اول طياره المساء وبنطلع لجدتي ,, ودي انها تشوف فرحتنا ,, ودي تقاسمنا سعادتنا مثل ما شافت الله لا يرجعها ايام المشاكل والعتب ,, 
هيفاء : يا ليت يا فهد بس دراستك ,, انا ما اقدر اخليك تخرب كل شي على النهاية ,,, 
فهد : دراستي اصلا ما بقى الا اني اخلص كل شي واقدم الرساله عشان المناقشه ,, اتفقت مع الاستاذ وبرجع معاك بعد شهرين للمناقشه ,,, 
هيفاء وهي تضمه بقوه في رقبته ,,, يا ليت يا فهد ,,, 
فهد يالله خلينا نجهز انفسنا عشان نطلع ,,,,,