بهالوقت وصل ايمن للبيت ودخل ركض للبيت مهتم البيت بي نسوان او هوسه او احد يشوفه المهم يوصل لمرته
دخل ولكاها بالكع وامه واخته يحاولون يشيلوها
ايمن ركض عليها وحس حيله انهد من الخوف والرجفه: شبيها شصار بيها
وشالها من الكع وحطها ع الفراش
ريم وهي تبجي: جيت للغرفه اشوفها كملت كانت تريد تبدل فستانها وكانت صافنه مصدومه مااعرف على شنو وبعدين كامت تعيط وتبجي انهارت ووكعت
ايمن وهو يطبطب على خدها يحاول يكعدها: ياسمين حبيبي ياسمين كعديريم راحت تجيب عطر بلكت تكدر تصحه
ريم: ايمن هاك عطر بلكت تكعد
اخذه ايمن من ايدها وحطه قريب خشم ياسمين حتى بلكت تصحه
ياسمين بدت تحس شويه شويه وفتحت عيونها بثكل ورمشت عيونها كم مره حتى تكدر تصحى زينايمن بقلق: ياسمين دسمعيني بيج شي احجي
احلام: يمه اصبر خلي تصحه البنيه زين مدتشوفها بعدها عبالك دايخه
ايمن : ريم روحي جيبي مي عصير اي شي
ريم: اوك
وراحت ريم تجيب مي من المطبخ مال الجناح مالتهم
ايمن : حبيبي شبيج متحجين
ياسمين ظلت صافنه تريد تستوعب معقوله كان حلم وكعدت منه لاموحلم هذا كابوس هاي كارثه
شافت نفسها بفستان السبعه
ياسمين بينها وبين نفسها لا موحلم موحلم حقيقه كل الي عرفته حقيقه
بصوت يدوب ينسمع: اريد انام
جتي ريم وجابت المي وانطته لايمن
ايمن : اشربي شويه مي
ياسمين: مااريد اشرب
ايمن زاد خوفه عليها شبيها هيج: ياسمين احجي شبيج شنو بيج احد ضوجج اذاج
YOU ARE READING
سحر الياسمين
Romanceقصه حزينة ورومانسيه عن فتاة تعيش وحدها بعد ان تركها والديها تواجه صعوبات في حياتها.
حقيقة صادمة
Start from the beginning