غاليتي

الجزء 23

ﻣﺎ ﻋﺎﺭﻓﺔ ﺻﺤﻴﺖ ﺑﻌﺪ ﻛﻢ ... ﻟﻜﻦ ﻟﻤﺎ ﻭﻋﻴﺖ ﺣﺴﻴﺖ ﺑﻨﻔﺴﻲ ﻣﺨﺘﻠﻔﺔ .... ﺍﻟﺤﻤﻰ ﺍﻟﺸﺪﻳﺪﺓ ﺩﻳﻚ ﺭﺍﺣﺖ ... ﻛﻨﺖ ﻋﺮﻗﺎﻧﺔ ... ﻟﻜﻦ ﺣﺎﺳﺔ ﺑﻨﻔﺴﻲ ﻣﺮﻫﻘﺔ ﺷﺪﻳﺪ ... ﻭ ﺣﻠﻘﻲ ﺩﺓ ﻧﺎﺷﻒ ﻭ ﻓﻴﻪ ﻃﻌﻢ ﻣﺮﺍﺭﺓ ...

ﻓﺘﺤﺖ ﻋﻴﻮﻧﻲ ... ﺍﻟﺪﻧﻴﺎ ﻟﺴﺔ ﺿﻼﻡ ﻟﻜﻦ ﺑﺪﺕ ﺗﻔﺘﺢ ﺷﻮﻳﺔ ... ﻓﻲ ﺍﻟﻜﺮﺳﻲ ﺍﻟﺠﻨﺐ ﺳﺮﻳﺮﻱ ﻛﺎﻥ ﻗﺎﻋﺪ ﻋﻤﺮ ... ﺗﺎﻛﻞ ﻳﺪﻩ ﻋﻠﻰ ﻳﺪ ﺍﻟﻜﺮﺳﻲ ﻭ ﺗﺎﻛﻞ ﻓﻴﻬﺎ ﺭﺍﺳﻪ ... ﺷﻜﻠﻪ ﺯﻱ ﺍﻟﻨﺎﻳﻢ ...

ﻣﻌﻘﻮﻟﺔ ؟؟؟ ﻗﻌﺪ ﺍﻟﻠﻴﻞ ﻛﻠﻪ ﺟﻨﺒﻲ ﻛﺪﺓ ... ﻣﺎ ﻗﺎﺩﺭﺓ ﺍﻭﺻﻒ ﺷﻌﻮﺭﻱ ﻛﻴﻒ ﻓﻲ ﺍﻟﻠﺤﻈﺎﺕ ﺩﻱ ... ﻗﻌﺪﺕ ﺍﻋﺎﻳﻦ ﻟﻴﻪ ... ﻭﺷﻪ ﻛﺎﻥ ﻣﻐﻄﻰ ﺑﻴﺪﻩ ... ﻛﻨﺖ ﺷﺎﻳﻔﺔ ﺟﺰﺀ ﻣﻨﻪ ... ﻃﺒﻌﺎ ﻛﺎﻟﻌﺎﺩﺓ ﺩﻗﻨﻪ ﻗﺎﻳﻤﺔ ...

ﺭﻏﻢ ﺗﻌﺒﻲ ﻭ ﻓﺘﻮﺭﻱ ﺣﺴﻴﺖ ﻧﻔﺴﻲ ﺑﺒﺘﺴﻢ ﺭﻏﻤﺎ ﻋﻨﻲ ﻭﺍﻧﺎ ﺑﻌﺎﻳﻦ ﻟﻴﻪ ... ﺣﺴﻴﺖ ﺑﻤﺸﺎﻋﺮﻱ ﻭ ﺣﺒﻲ ﻟﻴﻪ ﺑﻐﻤﺮﻧﻲ ﻭ ﻳﺤﺘﻮﻱ ﺟﺴﻤﻲ ﻟﺪﺭﺟﺔ ﺷﻌﺮﺕ ﻛﻞ ﺍﻻﻟﻢ ﻭ ﺍﻟﻔﺘﻮﺭ ﻭ ﺍﻟﻤﺮﺽ ﺍﺧﺘﻔﻮﺍ ... ﺣﺴﻴﺖ ﺍﻧﻲ ﻋﺎﻳﺰﺓ ﺍﻗﻮﻡ ﻣﻦ ﺍﻟﺴﺮﻳﺮ ﺍﺣﻀﻨﻪ ﻋﻠﻲ ﻭ ﺍﺷﻜﺮﻩ ...

ﻭﺭﻏﻤﺎ ﻋﻨﻲ ﻳﺪﻱ ﺍﺗﺮﻓﻌﺖ ﻣﻦ ﺍﻟﺴﺮﻳﺮ ﺑﺎﺗﺠﺎﻩ ... ﻟﻜﻦ ﻣﺎ ﻭﺻﻠﺘﻪ .... ﻣﻊ ﺣﺮﻛﺔ ﻳﺪﻱ ﻫﻮ ﺷﻌﺮ ﺑﻴﻬﺎ ... ﺭﻓﻊ ﺭﺍﺳﻪ ﺳﺮﻳﻊ ﻭ ﻓﺘﺢ ﻋﻴﻮﻧﻪ ﻭﻗﺎﻝ ﺑﻠﻬﻔﺔ ﻛﺪﺓ ‏( ﻣﺂﺏ ... ‏)

ﻋﺎﻳﻦ ﻟﻲ ﻟﺤﻈﺎﺕ ﻛﺪﺓ .. ﺍﻧﺎ ﻟﺴﺔ ﺍﻇﻦ ﻛﻨﺖ ﻣﺒﺘﺴﻤﺔ ... ﻗﺎﻝ ﻟﻲ ‏( ﻛﻴﻒ؟؟ ﺑﻘﻴﺘﻲ ﻛﻴﻒ ؟؟؟ ‏)

ﻗﻠﺖ ﻟﻴﻪ ‏( ﺍﻟﺤﻤﺪ ﻟﻠﻪ ... ﺍﺣﺴﻦ ﻛﺘﻴﺮ ‏)

ﻛﻨﺖ ﻋﺎﻳﺰﺓ ﺍﻃﻤﻨﻪ ﻭﺍﺯﺡ ﻧﻈﺮﺓ ﺍﻟﻘﻠﻖ ﺩﻱ ﻣﻦ ﻭﺷﻪ ... ﻣﺪ ﻳﺪﻩ ﺳﺮﻳﻊ ﻟﻤﺲ ﺟﺒﻬﺘﻲ ... ﺍﺧﺪ ﻧﻔﺲ ﻛﺪﺓ ﻃﻮﻳﻞ ﻭﻗﺎﻝ ‏( ﺍﻟﺤﻤﻰ ﻧﺰﻟﺖ ... ﺍﻟﺤﻤﺪ ﻟﻠﻪ ... ﺍﻟﺤﻤﺪ ﻟﻠﻪ ‏)

ﻗﻌﺪ ﻳﻌﺎﻳﻦ ﻟﻲ ﻣﺴﺎﻓﺔ ﺳﺎﻛﺖ ... ﺗﺎﻧﻲ ﺍﺑﺘﺴﻢ ﻟﻲ ﺍﺑﺘﺴﺎﻣﺘﻪ ﺍﻟﻤﺄﻟﻮﻓﺔ ... ﺍﺑﺘﺴﺎﻣﺘﻪ ﺍﻟﻤﺎ ﺷﻔﺘﻬﺎ ﻟﻲ ﻳﻮﻣﻴﻦ ... ﺍﻧﺎ ﻗﻠﺒﻲ ﺷﺤﺤﺤﺢ ﻭ ﺧﻔﻀﺖ ﻧﻈﺮﺍﺗﻲ ...

ﺣﺴﻴﺖ ﺑﻴﻪ ﻗﺎﻡ ﻋﻠﻰ ﺣﻴﻠﻪ ﻭ ﺍﺗﻤﻄﻰ ﻛﺪﺓ ... ﻗﻌﺪﺓ ﺍﻟﻜﺮﺳﻲ ﺍﻟﻠﻴﻞ ﻛﻠﻪ ﺩﻱ ﺑﺘﻜﻮﻥ ﺗﻌﺒﺘﻪ ... ﺍﻧﺎ ﺧﺠﻠﺖ .. ﻣﺎ ﻋﺎﺭﻓﺔ ﺫﺍﺗﻪ ﺍﻋﺒﺮ ﻟﻴﻪ ﻋﻦ ﺷﻜﺮﻱ ﻛﻴﻒ .... ﻣﺎ ﺍﺩﺍﻧﻲ ﻓﺮﺻﺔ ﻗﺎﻝ ﻟﻲ ‏( ﺍﻧﺎ ﺍﻣﺸﻲ ﺍﺣﺼﻞ ﺍﺻﻠﻲ ﺍﻟﺼﺒﺢ ... ﻭﺍﺟﻲ .. ‏)

ﺍﺗﺤﺮﻙ ﻋﻠﻰ ﺑﺎﺏ ﺍﻻﻭﺿﺔ ﻭﺍﻧﺎ ﻣﺘﺎﺑﻌﺎﻩ ﺑﻨﻈﺮﺍﺗﻲ ... ﺷﺎﻳﻔﺔ ﺯﻭﻝ ﺭﺍﻗﺪ ﻓﻲ ﺳﺮﻳﺮ ﺟﻨﺐ ﺑﺎﺏ ﺍﻻﻭﺿﺔ ... ﻋﺮﻓﺘﻪ ﺩﺓ ﺑﻜﻮﻥ ﺳﻠﻤﺎﻥ ... ﻟﻤﺎ ﻋﻤﺮ ﺟﺎﺀ ﺟﻨﺒﻪ ﻫﻮ ﺫﺍﺕ ﺭﻓﻊ ﺭﺍﺳﻪ ... ﻭﺷﺎﻳﻔﺔ ﻋﻤﺮ ﻭﻗﻒ ﺍﺗﻜﻠﻢ ﻣﻌﺎﻩ ... ﻭﺍﻻﺗﻨﻴﻦ ﺟﻮﺍ ﺩﺍﺧﻠﻴﻦ ﺍﻻﻭﺿﺔ ... ﺳﻠﻤﺎﻥ ﺷﻜﻠﻪ ﻣﺒﺴﻮﻁ ﺍﻧﻲ ﺑﻘﻴﺖ ﻛﻮﻳﺲ ... ﻃﻠﻌﻮﺍ ﺍﻻﺗﻨﻴﻦ ﺗﺎﻧﻲ ...