ﺭﺏ ﺍﺧﺖ ﻟﻜﻲ ﻟﻢ ﺗﻠﺪﻫﺎ ﺍﻣﻚ !!!!!!....
ﺑﺲ ﺩﻳﻞ ﺍﻧﺎ ﻭﻧﻬﻠﺔ ...
ﻣﻊ ﺍﻧﻪ ﻣﻌﺮﻓﺘﻨﺎ ﺑﺒﻌﺾ ﻣﺎ ﻃﻮﻟﺖ ... ﻟﻴﻬﺎ ﺑﺲ ﺗﻼﺗﺔ ﺳﻨﻮﺍﺕ .. ﺍﻟﻬﻲ ﺳﻨﻮﺍﺕ ﺩﺭﺍﺳﺘﻨﺎ ﻓﻲ ﺍﻟﺠﺎﻣﻌﺔ .... ﻟﻜﻦ ﺍﻧﺎ ﻭﻧﻬﻠﺔ ﺑﻘﻴﻨﺎ ﺯﻱ ﺍﻻﺧﻮﺍﺕ ﻭﺍﻛﺘﺮ ... ﻭﺑﻘﻴﻨﺎ ﻣﺮﺗﺒﻄﻴﻦ ﻃﻮﺍﻟﻲ ... ﻣﺂﺏ ﻭﻧﻬﻠﺔ ... ﻣﺎ ﺑﺬﻛﺮﻭﺍ ﺍﺳﻢ ﻭﺍﺣﺪﺓ ﻭﺍﻻ ﺍﺳﻢ ﺍﻟﺘﺎﻧﻴﺔ ﻣﻌﺎﻫﺎ ...
ﺍﻧﺎ ﻣﻮﻟﻮﺩﺓ ﻭﻣﺘﺮﺑﻴﺔ ﻭﻗﺎﺭﻳﺔ ﻓﻲ ﺍﻟﺴﻌﻮﺩﻳﺔ .... ﺷﻬﺎﺩﺓ ﻋﺮﺑﻴﺔ ﻳﻌﻨﻲ .... ﻭﺟﻴﺖ ﺍﻟﺴﻮﺩﺍﻥ ﻟﻠﺠﺎﻣﻌﺔ .... ﺍﺑﻮﻱ ﻋﺒﺪ ﺍﻟﻮﻫﺎﺏ ﺷﻐﺎﻝ ﻣﺤﺎﺳﺐ ﻓﻲ ﺷﺮﻛﺔ ﺧﺎﺻﺔ ﻓﻲ ﺍﻟﺮﻳﺎﺽ ... ﻭﺍﻣﻲ ﻣﻨﺎﻝ ﺭﺑﺔ ﻣﻨﺰﻝ ... ﻣﻊ ﺍﻧﻬﺎ ﻗﺮﺕ ﺍﻟﺠﺎﻣﻌﺔ ... ﻛﻠﻴﺔ ﺍﻟﺘﺠﺎﺭﺓ ﺟﺎﻣﻌﺔ ﺍﻟﻨﻴﻠﻴﻦ .. ﻟﻜﻦ ﺍﺗﺰﻭﺟﺖ ﻭﻫﻲ ﻓﻲ ﺳﻨﺔ ﺗﺎﻟﺘﺔ ﻭﺟﺎﺕ ﺍﻟﺴﻌﻮﺩﻳﺔ .. ﻭ ﺍﻟﺴﻨﺔ ﺍﻟﺮﺍﺑﻌﺔ ﺩﻱ ﺗﻤﺘﻬﺎ ﺑﺎﻟﺘﻠﺘﻠﺔ . ﻭﺍﺳﺘﻠﻤﺖ ﺷﻬﺎﺩﺗﻬﺎ ﻭ ﻟﻤﺘﻬﺎ ﻓﻲ ﺍﻟﺪﻭﻻﺏ .. ﻣﺮﺓ ﻣﺮﺓ ﺗﻄﻠﻌﻬﺎ ﺗﻌﺎﻳﻦ ﻟﻴﻬﺎ ﺑﺤﺴﺮﺓ ﻭ ﺗﺪﺧﻠﻬﺎ ﺗﺎﻧﻲ ....
ﻋﻨﺪﻱ ﺍﺻﻐﺮ ﻣﻨﻲ ﻭﻟﺪﻳﻦ ﻭﺑﺖ ... ﺍﺻﻐﺮ ﻣﻨﻲ ﻃﻮﺍﻟﻲ ﺍﺧﻮﻱ ﻣﻬﺎﺏ ... ﺣﺎﻟﻴﺎ ﺑﻘﺮﺍ ﻓﻲ ﺳﻨﺔ ﺗﺎﻧﻴﺔ ﻓﻲ ﺍﻟﺠﺎﻣﻌﺔ .. ﺑﻌﺪﻩ ﻓﻲ ﻣﺮﺍﻡ ﻓﻲ ﺗﺎﻧﻴﺔ ﺛﺎﻧﻮﻱ ﻭ ﺍﺧﺮ ﺍﻟﻌﻨﻘﻮﺩ ﻣﺎﺯﻥ ﻓﻲ ﺗﺎﻟﺘﺔ ﻣﺘﻮﺳﻂ ... ﻃﺒﻌﺎ ﻣﺮﺍﻡ ﻭ ﻣﺎﺯﻥ ﺑﻘﺮﻭﺍ ﻓﻲ ﺍﻟﺴﻌﻮﺩﻳﺔ ﻟﺴﺔ ... ﻟﻜﻦ ﻣﻬﺎﺏ ﺯﻳﻲ ﺍﻧﺎ ﺟﺎﺀ ﺍﻟﺴﻮﺩﺍﻥ ﻟﻠﺠﺎﻣﻌﺔ ....
ﻧﺤﻦ ﻧﻌﺘﺒﺮ ﻣﻦ ﺍﻟﻄﺒﻘﺔ ﺍﻟﻮﺳﻄﻰ ﻣﻦ ﺍﻟﻤﻐﺘﺮﺑﻴﻦ ... ﻭﺿﻌﻨﺎ ﻣﺎ ﺑﻄﺎﻝ ﻳﻌﻨﻲ ﻣﻘﺎﺭﻧﺔ ﺑﻜﺘﻴﺮﻳﻦ ﻓﻲ ﺍﻟﺴﻌﻮﺩﻳﺔ ... ﻟﻜﻦ ﺩﺓ ﻃﺒﻌﺎ ﻛﻠﻪ ﺑﺘﻌﺐ ﻭﺟﻬﺎﺩ ﻣﻦ ﺍﺑﻮﻱ ﺭﺑﻨﺎ ﻳﺪﻳﻪ ﺍﻟﻌﺎﻓﻴﺔ ... ﺍﻧﺎ ﻣﻦ ﻭﻋﻴﺖ ﻋﻠﻰ ﺍﻟﺪﻧﻴﺎ ﺩﻱ ﺍﺑﻮﻱ ﺷﻐﺎﻝ ﺩﻭﺍﻣﻴﻦ ... ﺑﻤﺸﻲ ﺍﻟﺼﺒﺎﺡ ﻭﻳﺠﻲ ﺭﺍﺟﻊ ﺍﻟﻀﻬﺮ ... ﺑﻌﺪ ﺩﺍﻙ ﻳﺮﺟﻊ ﺗﺎﻧﻲ ﺍﻟﻌﺼﺮ ﻭﻳﺮﺟﻊ ﺍﻟﺒﻴﺖ ﺑﺎﻟﻠﻴﻞ ...
ﻛﻨﺖ ﻛﺘﻴﺮ ﺑﺴﻤﻊ ﺍﻣﻲ ﺍﺑﻮﻱ ﻳﺘﻜﻠﻤﻮﺍ ﺍﻧﻬﻢ ﻳﺤﺎﻭﻟﻮﺍ ﻳﺮﺟﻌﻮﺍ ﺍﻟﺴﻮﺩﺍﻥ ﻧﻬﺎﺋﻲ ﻟﻤﺎ ﺍﻧﺎ ﺍﺟﻲ ﺩﺍﺧﻠﺔ ﺍﻟﺠﺎﻣﻌﺔ ... ﻧﺠﻲ ﻛﻠﻨﺎ ﺭﺍﺟﻌﻴﻦ ﻭ ﺍﻧﺎ ﺍﻛﻮﻥ ﻣﻌﺎﻫﻢ ... ﻭﻣﺎ ﺍﺿﻄﺮ ﺍﺳﻜﻦ ﺩﺍﺧﻠﻴﺔ ﻭﺍﻛﻮﻥ ﺑﺮﺍﻱ .... ﺧﺎﺻﺔ ﺍﻧﻲ ﻣﺎ ﺑﻌﺮﻑ ﻟﻠﺴﻮﺩﺍﻥ ﺷﻲ ﻛﺘﻴﺮ ....
ﻟﻜﻦ ﻟﻴﺲ ﻛﻞ ﻣﺎ ﻳﺘﻤﻨﺎﻩ ﺍﻟﻤﺮﺀ ﻳﺪﺭﻛﻪ ...
ﺍﺑﻮﻱ ﻛﺎﻥ ﻣﺠﺘﻬﺪ ﺍﻟﺸﺪﻳﺪ ﻋﺸﺎﻥ ﻳﺒﻨﻲ ﻟﻴﻨﺎ ﺑﻴﺖ ... ﻭ ﻳﺸﺘﺮﻱ ﻋﺮﺑﻴﺔ ... ﻭ ﻳﻌﻤﻞ ﻟﻴﻪ ﺍﺳﺘﺜﻤﺎﺭ ﺑﺴﻴﻂ ﻗﺒﻞ ﻣﺎ ﺍﻧﺎ ﺍﺻﻞ ﺍﻟﺜﺎﻧﻮﻱ ... ﻧﺤﻦ ﻛﺎﺳﺮﺓ ﻣﻐﺘﺮﺑﺔ ﻳﻌﻨﻲ ﻣﺎ ﻛﻨﺎ ﻣﻨﻔﺘﺤﻴﻦ ﺷﺪﻳﺪ ﻓﻲ ﺍﻟﻤﻌﻴﺸﺔ ﺯﻱ ﻛﺘﻴﺮ ﻣﻦ ﺍﻟﻤﻐﺘﺮﺑﻴﻦ ... ﻋﺎﻳﺸﻴﻦ ﻓﻲ ﺷﻘﺔ ﻋﺎﺩﻳﺔ ﻓﻲ ﺣﻲ ﻣﻦ ﺍﻻﺣﻴﺎﺀ ﺍﻟﻤﺘﻮﺳﻄﺔ ... ﺑﻨﺠﻲ ﺍﺟﺎﺯﺍﺕ ﻟﻠﺴﻮﺩﺍﻥ ﻛﻞ ﺳﻨﺘﻴﻦ ﺑﺲ ... ﻳﻌﻨﻲ ﻛﻨﺎ ﺑﻘﺪﺭ ﺍﻻﻣﻜﺎﻥ ﺑﻨﺤﺎﻭﻝ ﻧﻀﺒﻂ ﻣﺼﺮﻭﻓﺎﺗﻨﺎ .... ﻟﻜﻦ ﻓﻲ ﺣﺎﺟﺎﺕ ﺧﺎﺭﺟﺔ ﻋﻦ ﺳﻴﻄﺮﺗﻪ ....
