Under His Hoodie

Chapter 24

"Why, Ms. Angeles? Maganda ka naman. You're the face of our section. Sayang naman kung hindi mo susubukan," ani nito. "And I heard na lahat ng grades mo ay plus three kapag nanalo ka."

Umiling ako. Siniko ako ni Hera. "Dali na bi! KJ nito!"

Muli akong umiling.

Yumuko ako para itago ang aking mukha. I'm somehow flattered because our teacher considered me as the section's face. Hindi ba't masarap sa pakiramdam iyon dahil may naka-appreciate sa 'yo?

"Yes, Ms. Portea?"

"Oh shit! Nakalimutan natin si Kestrel!"

"Oo nga pala!"

Dahil doon ay napaangat ako nang tingin. Nakatayo si Kestrel habang nakatingin sa aming guro. "I volunteer po. Pwedeng ako na lang po ang mag-represent ng section natin."

What? Does she have the guts?

Narinig kong bumulong bulong si Hera sa tabi ko. "Ganda ka? Ganda ka 'te?" Well, she now hated Kestrel to death.

"Wow! Oo nga pala! We have Kestrel," ani ng guro. "Sig—"

"Objection your honor!" biglang sumigaw si Hera. Bigla niyang tinaas ang kamay ko. "Payag na raw po si Hellary!"

Nanlaki ang mata ko. What the hell! Pinandilitan ko siya ng mata. Nagngising aso lamang ito. "Talunin mo 'yang gaga na 'yan. Kapal ng apog," she whispered.

"Pwede namang dalawa ang mag-represent ng section natin." Pumalakpak si Ma'am. "So, it's settled then."

I was about to speak, but the professor left the room. Naghiyawan ang mga kaklase ko sa excitement. Habang ako ay natulala. Lumihis ang aking mata kaya nagtama ang mata namin ni Kestrel. She was looking at me intently pero nang magtama ang mga mata namin ay ngumiti siya.

Hindi ako ngumiti. Tinapunan ko lang siya nang tingin pabalik. I could see in her eyes that there was something wrong. I couldn't point my finger at it. Kung ano man iyon ay dapat ko nang ihanda ang sarili ko. Girls in Elron High disliked her for being so close with Nazareth, but they couldn't do anything because it was him. Si Nazareth Sarmiego iyon, wala silang magagawa. Akala nilang lahat ay kasintahan niya si Kestrel. Hindi ko rin sila masisisi.

Umiwas siya nang tingin. Umiling ako pero si Hera ay nanlilisik ang mata sa nakatalikod na babae habang pinagmumura nito.

Buong araw ay wala kaming ginawa. Hindi natuloy ang aming klase dahil nagme-meeting ang mga teacher para sa gaganapin na Intrams sa aming school. Nang sumapit naman ang break ay pumunta ako sa opisina ni Mrs. Makatarungan upang sabihing hindi ako sasali sa pageant.

Kumatok ako sa pintuan ng opisina. Narinig ko naman ang boses ng guro at sinabi nitong pumasok ako. I opened the door. Pagkatapos ay dumiretso sa kinaroroonan ng guro. May inaayos ito sa kaniyang lesson plan. Tutok na tutok ito roon habang nakasuot ng salamin ang mga mata.

"Ma'am, magba-back out po sana ako sa pageant. Hindi po ako sasali," ani ko. Tinaas ni Mrs. Makatarungan ang kaniyang tingin. Sinara nito ang lesson plan at tinanggal ang kaniyang salamin. "I'm sorry Ms. Angeles pero nalista na kita."

"Ma'am pwede pa naman sigurong matanggal iyon..."

"Pasensya na pero naipasa ko na sa office. You have no choice but to join the pageant..." sambit nito. "Akala ko ba gusto mo?"

Umiling ako. Sasabihin ko sanang si Hera ang may pakana pero hindi ko na lang ginawa. Kaibigan ko naman iyon kahit papaano at ayoko siyang ilaglag. Now, I have no choice but to join that prestigious pageant! E, wala nga akong kahit na katiting na experience pagdating sa ganitong uri ng patimpalak.