آنين الليل الاحمر.........💞💞💞
الفصل الثاني .....22.....
ليلان العطواني .........
بعد ما وصلت بيت نزوكه ...تلگتني مبتسمه تهلي بيه هلا بعزيزة گلبي هلا بالبيضت وجهي ...التفت ع البنات وگالت صيرن مثلها وتعلمن منها فرفشت الباشا ورفعت راسي ..گعدت تعلي وتحمد بيه والبنات ضاجن مني خصوصا من مراد اليهودي انطه اكراميه چبيره النزوكه ...بس اكثر وحده ضاجت هي قرطاجه طلعت عيونها من گصتها وتخبلت راحت گعدت بغرفتها .....
دخلت عليها نزوكه ...تسولف وياها ....
شوفي قرطاجه هاي الابنيه قاصه مليانه متحتاج تدريس معلمه من كيفها ...ما اريدچ اضوجين منها وتزعلين لان هي متأذي ومحتاجتنه .واحنه هم محتاجيها ماطول الباشا راضي عنها يعني شغلنه تمام ما اريدج تتعاركين وياها ومنا وجاي تنام وياج بنفس الغرفه .....سمعت كل كلمه وقررت استغلها مثل ما هي تستغلني بس مو هسه ....قرطاجه ضاجت وكالات ما احبها بس نزوكه عرفت تسكتها وتسد حلگها ....
نزوكه طلعت من الغرفه واجت عليه وصاحت البنات وصاحت هذا المخنث فريده گعدتهم ....وگالتلهم هاي الابنيه اريد اغير اسمها واحد تسألني ليش .....هذا الشي خاص بيه وبيها وإني اريد احميها قررت اسميها نشوگ الكل شهك حتى المخنث وتعجبوا .....وگعد يسألون ليش هذا الاسم ...بس هي منو يگدر يجادلها هاي نزوكه انتبهت اكثر الضاجوا هي قرطاجه
لان تكهرني ...بس هي ضمت كرهه بگلبها ....
بالليل نايمه سمعت صوت گعدت على حيلي شفت قرطاجه عرگانه وتهذي ركضت گلت النزوكه اجت تركض سويتلها كمادات وبقيت سهرانه يمها للصبح ......
الصبح تحسنت سويتلها شوربه وغسلت ملابسها وسبحتها بيني وبين نفسي گلت خلي اكسبها لان هاي تأذيني وإني مالي خلگ المشاكل والقهر ......
بقت اسبوع مريضه وما تطلع ويه البنات وإني اداري بيها اكل وسبح وانظف ملابسها وامشط شعرها ....
هي من شافتني داريتها گالت انتي گلبج طيب ومكانج مو هنا اني شنو الجابج لهنا ....تنهدت وبچيت وگعدي اسولف قصتي
هي هدأتني وبچت وياي گالت كافي اني حبيتج وسامحيني لان اذيتج اريدج صديقه الي ....
اني كيفت ووافقت على الأقل تساعدني من احتاجها ...گوتلها شنو قصتج وليش طلباتج اوامر يم نزوكه.....لان امج وتدللين عليها ....
هي صفنت وگالت ...هاي مو امي ....امي ماتت چانت صديقة نزوكه جرتها تشتغل وياها وإني عمري خمس سنوات لان امي ارمله وماعدها أحد اجت على نزوكه لان صديقتها حتى تساعدها ....كانت حلوه تشبه الهنديات شغلتها نزوكه وگامت توديها لعزاز گلبها ومن واحد الواحد يتزايدون عليها وعلى جمالها وفد يوم باعتها على تاجر اخذها وياه للشقه وعزم جماعته عليها من سكروا وكملوا صاروا يتعاركون عليها وكلمن طلعن سلاحه وواحد ضرب الثاني بس محد مات منهم غير امي لان كانت بنصهم .....ماتت امي وإني عمري عشر سنوات نزوكه اخذتني ربتني عدها وشغلتني وياها ...
تعرفين امي اسمها نشوگ .....وانتي تشبهيها بس انتي بيضه انصحچ نصيحه صيري ذكيه ولا تأمنين بالبنات كلهن ساقطات ويبعنج وما الهن امان الوحيد الي تثقين بي هو فريده وإني حتى نزوكه احذري منها ....صيري ثعلب حتى تعيشين ....لان هاي نزوكه الله لا يثرد الواحد وياها....
من سألتها منين هاي نزوكه وليش تخوف .....
شوفي وداد .....نزوكه بت كار يعني كاوليه اصل وفصل بس ابوها شيخ ...امها بني وحده كاوليه جميله ...چانت تغني وترگص للشيوخ شافها واحد منهم عشگها وتزوجها واشترالها قصر وگعدت بي من سمعوا اخوته اتخبلوا وهددوا اذا ما يطلگها لان مرته الاولى هم بت شيوخ بس هو رفض وأصر تبقى مرته خصوصا من عرف هي حامل منه .....
تكتم على سالفة حملها بس أهله عرفوا وراحوا عليه كتلوا ودفنوا ومحد يدري وين ....وهي قبل ما يوصلون عليها اجاها واحد من جماعة الشيخ وخبرها قتلوا وجايين عليها ...
هي لفت الذهب والفلوس وشردت على بغداد اشترت هذا الخان ورممته وسوت بي باب سري خاف تصير مشكله وخاف يجون ذوله الرؤوس الچبيره يطبون ويطلعون محد يدري بيهم .....
خلفت نزوكه وبقت تشتغل ومن ماتت عافت الفلوس والصناعه النزوكه .....
واحنه نسولف سمعنا صوت نزوكه تغني موال بس شلون صوت عليها يبچي الحجر ...ردت اطلع من الغرفه لزمتني قرطاجه وگالت ذهبج وفلوسج ضميهم عندي بهاي القاصه لان البنات يبوگن هاج هذا المفتاح .....بس خليهم بجنطه حتى ميختلطن ويه ذهبي ....وشتحصلين لتگولين اني حصلت هلگد ....تره البنات يكيدولچ ويبوگوج لو يخبثن عليچ....
وللاحداث بقيه انتظرونا..
