آنين الليل الاحمر ....،💞💞💞
#الجزءالاول
#البارت_التاسع
ليلان العطواني.......
من كنت اشوفه اعيش بغير عالم ههه بس شلون عالم ماكنت اعرف اني اسير بطريق الضياع والرذيله مراهقتي وعنادي عموا عيوني وخلوني مثل الورده الي يأخذها الغرور وبعد فتره قليله تذبل وتنسحك بالرجلين .....
بيوم كان الجو مطر خفيف وإني وماهر فوك السطح نسولف مثل كل جمعه نسولف ونضحك يتغزل بيه ويحچيلي عن الحب ...سمعنا صوت سياره وگفت بالباب مشينا يم الحايط على كيف حتى محد يحس بينا شفنا سياره مظلله وگفت يم بيت سميره ...ونزل واحد لابس زيتوني بس ممبين عليه شخصيه لان نزل وفتحلها الباب ...
بقينا نباوع الحد ما دخلت للبيت ...دقايق وطلعت بس ما طلعت وحدها ...
طلعت وياها وحده لابسه عبايه ومتغطيه ركضت بيها ركض وخلتها بالسياره ....الرجال صعد ركض وراح بالسياره ...
سميره دخلت وقفلت بابها...
_شفتي ...هاي منو وليش طلعتها بنص الليل ...
_شمدريني اني ...هاي من صدوگ مو زينه وتخوف ...
_معليج بيها تره ولتسولفين لان يگولون تشتغل بالملاهي راقصه واكو يگولون تشتغل يم وحده بالبيوت ....
_وانت شمدريك متگولي بس لا تروحلها...
__اروحلها شنو ولچ هاي شغلها كله بالليل وإني اشو الليل كله اسلك سوالف وياچ..
_اريد اعرف منو هاي الچانت يمها....
_لتحچين ولا تسولفين لان هسه يگولون شمدريج وتفتحين على نفسج باب ..
_لالالالا ابد همه شاكين بيه ويراقبوني اني شعليه بسميره ادخل بنات اطلع بنات ياهو مالتي ....
خلصت حچي ويه ماهر نزلت بس ماگدرت انام بقيت افكر هاي منين الابنيه ...وشسوي يم سميره ....
الصبح سمعت جرس الباب طلعت اركض شفت أبويه دخل سلمت عليه ...وبست أيده ...هو مكان يبوس الواحد ابد كان يخلي أيده على راسي ويبوسني ....
شگد چنت حقيره وما افتهم ضيعت نفسي وضيعت اهلي
مشت ايامي عاديه دوام وصديقات وامتحانات وكل جمعه اشوف ماهر واسولف وياه ....الحد مابيوم امي صاحتني امشي وياها البيت ام نعمه اني طرحت من الفرح ع السريع بدلت كانت اول مره بحياتي ادخل بيتهم واشوف ماهر بالبيت واسلم عليهم ....
المره كيفت من شافتنا وطلبت من مرة نعمه تسويلنه چاي لان امي متحب العصائر ....
مرة نعمه حبابه صاحتني اساعدها ...وگعدت تضحك وتسولف وياي وتسألني شگد عمرج وبأي صف ...اني اجاوبها واضحك ...خلينا الچاي گدام امي وام نعمه ....سولفت ام نعمه سوالف هواي عن الموت والأطفال والزواج ....
وگالت هي ادور لابنها على زوجه زينه وبت اوادم كانت تقصد ابنها نجم وتريدها ربة بيت لان ابنها يحب المره التخدم بيتها وبس ....
بعدها سمعتها تحچي عن ابنها ماهر امي سألتها ليش متزوجوهم سوه مو احسن ....بس امه گالت لا خلي يتخرج ويفتح مكتب ازوجه خصوصا هو يحب وحده من الكليه وناوي يخطبها ....
اني من سمعتها اشتعلت نار ومتت ردت بس امي ادگوم حتى اشرد اذا وحده من الكليه ليش يسولف وياي وليش يگولي احبچ وليش يگعد وياي للصبح بالبرد ...بسبب جهلي معرفت اني مضحك اله يتسلى بيه ماكنت اعرف هو يريد غير شي مني وإني القمر مالته ....چنت احبه ومن عقلي هو مصدگه هو يحبني ...منتبهت هو اكبر مني واكثر حيله ومخلي بنات الناس لعبه اله ....يتسلى بيها.....
انتظرت الجمعه وردت بس اهلي ينامون ....حتى اروح افتهم منه....كلام امه صدوگ كذب .....
صارت الساعات شطولها افتر بالغرفه رايحه راجعه...لحد ما سمعت سعاد دخلت غرفتها ...وطفت الضوه ونامت ....طلعت من غرفتي وصعدت ليفوگ شفته منتظرني ....رحت عليه ...
_شلونچ حبيبتي ....
_هلا حياتي هلا بالعاشق....
_اي عاشقج انتي ماكو غيرج
_هاي شلون رهمتها ...وحبيبتك الي بالكليه ....هااا ...
_هااا ياحبيبه شنو هذا الحچي ....منين جبتي ....
_من امك لو امك تكذب ...
_لا طبعا متكذب ...
_شنو ...
_حبيبتي اصلا هي تريد تزوجني وحده على مرامها وحتى اخلص منها گوتلها عندي وحده بالكليه ....
_كذاب ...انت اصلا تضحك عليه ....
_حياتي گلبي وروحي والله ما اكذب ...
_احلف حتى اصدگ بيك...
_وداعتچ وغلاوتچ عندي ما احب غيرچ ...انتي هنا عايشه بگلبي ...اني منتظر الكليه تخلص حتى اتفرغلج ...واعيشج الحب....
اني الغبيه والمغفله صدگت بي ووثقت ماادري ليش صدگت بواحد مثله يمكن من غبائي أو غروري .....
ولقصتنا بقيه انتظرونا.....
