"ဟေ... ပြန်တော့မလို့လား" ဖုန်းသုံးနေရာမှ မယုံသင်္ကါဟန်ဖြင့် လှမ်းမေးလာသဖြင့် သူ စိတ်မရှည်ချင်တော့။
"အင်း... ပြန်ကြစို့... မစောင့်တော့ဘူး"
"အေး အေး ဒါဖြင့်လည်း သွားစို့" သူ့မျက်နှာအခြေအနေမဟန်မှန်းသိသွားသဖြင့် P'Jane လည်း ဘာမှဆက်မပြောတော့ပေ။
=_=_=_=
P'Sing တို့ကား ထွက်သွားတာကို သေချာအောင်ကြည့်ပြီးမှ Company ထဲကို သူ ဝင်လာလိုက်သည်။ တမင်လည်း မတွေ့အောင်ရှောင်လိုက်တာပင်။ အရင်လိုသွေးဆူလွယ်တဲ့ ပင်ကိုယ်ဗီဇနဲ့သာဆို သူ P'Sing ကို ကျိန်းမောင်းပြောဆိုမိမှာ အသေအချာပင်...။ အခုတော့ ရင်ထဲ ခံရခက်စွာ နာကျင်နေသည်မှအပ ဘာမှကို ပြောဆိုလိုစိတ်မရှိတော့ပေ။ တစ်နည်းအားဖြင့် ဆိုရလျှင် ကိုယ် သိပ်နာကျင်ရသည့်တိုင် ချစ်ရသော P ကိုတော့ နာကျင်စေလိုရင်း မရှိတော့။
အသံသွင်းစရာရှိတာ သွင်းပြီး Edit ခန်းအဝမှာထိုင်နေတုန်း P'Off က အနားရောက်လာသည်။
"စူပုပ်ပုပ်နဲ့ အဲ့ဒါဘာဖြစ်နေတာလဲ"
"ဘာမှမဖြစ်ပါဘူး... အသံသွင်းပြီးပြန်လာတာလေ မောလို့ထိုင်နေတာ"
"မဟုတ်သေးဘူး... တစ်ခုခုတော့ တစ်ခုခုပဲ..."
P'Off က တကယ့်ကို ပါးရည်နပ်ရည်ရှိတဲ့သူ လူကဲခတ်တော်တဲ့သူပင်။ ခင်နေတာကြာလို့လည်း သူ့အကြောကိုနပ်နေတာဖြစ်မည်။"ဟုတ်တယ် စိတ်တိုနေတာ..." ဝန်မခံချင်ပေမယ့် ဝန်ခံလိုက်ရသည်။ မဟုတ်ရင် မွမ်းကြပ်လွန်းပြီး သူ ရူးသွားမလားမသိ...။
"မဟုတ်မှလွဲရော... ညက ဇာတ်ဝင်ခန်းကြောင့်လား"
သူ မျက်လုံးအပြူးသားနဲ့ အံ့သြတကြီး ငေးကြည့်နေမိသည်။ P'Off က အဲ့လောက်တောင်တော်တာလား။"ဟုတ်တယ်မလား..."
သူ့ထံမှ အဖြေမကြား၍ အတည်ပြုသည့်အနေဖြင့် P'Off က ထပ်မေးလိုက်သည်။"အင်း..." သက်ပြင်းနှင့်အတူ အင်း လိုက်ခြင်းပင်။
"သူကရော... ဘာတဲ့လဲ"
"မသိဘူး..." ခေါင်းကို ငုံ့ထားရင်း ဖြေလိုက်သည်။
"မဟုတ်သေးဘူးလေ... မင်းစိတ်ဆိုးတော့ သူ ဘယ်လိုရှင်းပြလဲလို့ မေးတာ"
![](https://img.wattpad.com/cover/133219461-288-k366002.jpg)
YOU ARE READING
ရင်ခုန်သံမညာကြေး Or Peraya's Dream
FanfictionKrist နဲ့ Singto တို့ရဲ့ real life နဲ့ နီးစပ်တဲ့ fics လေးတစ်ပုဒ်ကို စိတ်ကူးယဉ်ဖန်တီးထားပါတယ်။ Peraya လေးတွေအတွက် ပျော်စေချင်လို့ပါ။ ချိုမြိန်ခြင်းတွေ အတူစားသုံးကြပါစို့။ Zawgyi Krist နဲ႔ Singto တို႔ရဲ႕ real life နဲ႔ နီးစပ္တဲ့ fics ေလးတစ္ပုဒ္ကို စိတ္...
အပိုင်း - ၁၅ (z+u)
Start from the beginning