ရင်ခုန်သံမညာကြေး Or Peraya's Dream

Part - 6 (z+u)

အပိုင်း - ၆ (u)

Krist's POV

P'Sing ကို စိတ်တိုလို့ သူပြောတဲ့စကားအပေါ်မှာ ဝမ်းနည်းလွန်းလို့ ကျွန်တော် မအိပ်နိုင်ဖြစ်နေသည်။ ဒီလောက်ပိုက်ဆံလေးနဲ့ သူက ဘာလို့ ပြဿနာရှာနေမှန်း ကျွန်တော် နားမလည်နိုင်ဖြစ်ရသည်။ ကျွန်တော်က ပိုက်ဆံပေါနေလို့ သူ့ကို အဲ့လိုတွေ အလိုက်တသိ ပေးဆပ်နေတာမှ မဟုတ်တာ။ ကျွန်တော့်ကို သူ့ရဲ့အချစ်ဆုံးညီလေးအဖြစ် အသိအမှတ်ပြုစေချင်လို့ ကျွန်တော် တတ်နိုင်သလောက် P အတွက် လုပ်ပေးနေတာလေ။ P က သူများတွေကိုဆို နားလည်ပေးသလောက် ကျွန်တော့်ကိုဆို အမြဲငြို ငြင်သည်။

P ရဲ့အခန်းကို ကျွန်တော်လာလည်မယ် ပြောတဲ့အခါတိုင်း လာရှုပ်မလို့လားဆိုပြီး ပြောတတ်သလို Earphone ပျောက်သွားလို့ပြောတုန်းကလည်း "နည်းတောင်နည်းသေးတယ်"လို့တောင် ကောင်းချီးပေးခဲ့သေးသည်။ ဒါပေမယ့် ဒါက သူ ကရုဏာဒေါသောနဲ့ ပြောတယ်လို့ပဲ ကျွန်တော် နားလည်လိုက်သည်။ ကျွန်တော်တို့က တစ်ကျောင်းတည်းကလည်းဖြစ်၊ အရင်ကတည်းက ရင်းနှီးနေတာလည်းဖြစ်လို့ သူ့ကိုပဲ ကျွန်တော်က သံယောဇဉ်တွယ်ခဲ့မိသည်။ P က လူကြီးဆန်ပြီး ဂရုစိုက်ပေးတတ်သည်။ သူ့စကားကို နားထောင်စေချင်သည်။ ကြုံရင်ကြုံသလိုဆုံးမတတ်သည်။ ဒါပေမယ့် ကျွန်တော့်က P ကို စချင်လို့ နားမထောင်ချင်ယောင်ဆောင်ခဲ့ပေမယ့် တကယ့်လက်တွေ့မှာ P ကြောင့် ကျွန်တော် အများကြီးပြောင်းလဲသွားသည်။ ဒါကို ကျွန်တော်နဲ့ ခင်တဲ့လူတိုင်းသိပါသည်။ အဲဒီ့လူကြီးသာ မသိတာ...။ ကျွန်တော်ကလည်း ကျွန်တော်ပဲ ... သူ့ရှေ့ကျရင် သူ့စကားကို နားမထောင်ချင်ယောင်ဆောင်ခဲ့မိသည်။ ဒါကလည်း သူ ကျွန်တော့်ကို အမြဲတမ်းဂရုစိုက်နေစေချင်လို့ ကျွန်တော့်ဘက်က ကြိုစားယူနေတဲ့အရာတွေသာ။

P ကိုသာ ပြောနေတာ... Prae လည်း တူတူပဲ။ သူ့ကို ကျွန်တော့်အပေါ်နားလည်မှု အပေးနိုင်ဆုံး ချစ်သူလို့ ထင်ထားခဲ့ပေမယ့် သူလည်း ကျွန်တော့်ကို ထားသွားခဲ့တာပဲ မဟုတ်လား။

^Flashback^

ဒီနေ့ Fan meeting အတွက် စီစဉ်စရာတွေရှိလို့ ကျွန်တော်တို့တွေ အလုပ်ရှုပ်နေကြသည်။ လက်မှတ်ထိုးတာတွေရော... gear တွေရောင်းဖို့နဲ့ Shirt order တွေ တက်လာလို့ မန်နေဂျာတွေနဲ့ ကျွန်တော်တို့ တိုင်ပင်နေကြရတာပင်။ အလုပ်တွေရှုပ်နေပေမယ့် ဒီဘဝကို ကျွန်တော်ရွေးချယ်ထားတာမို့လို့ ပျော်သည်။ ပရိသတ်တွေဆီက အားပေးစကားတွေကိုလည်း ပီတိဖြစ်မိသည်။ ကျွန်တော်ကြိုးစားရကျိုးနပ်လောက်အောင်လည်း ပရိသတ်တွေဆီက ချစ်ခြင်းမေတ္တာကို ပြန်ရခဲ့သည်။