رجل الأعمال الوسيم وفتاة من عصر الجاهلية 😘

part : 40 النهاية

سالا شهل العسل لي كان ولا اروع بالنسبة ليهم شهر علي قدو كان كفيل باش ايوليو ايعشقو بعضياتهم للاخر حد ولكن مستحيييل انو هنية تسكت ليه ولا هو ميقمعهاش بالهضرة ولكن الاهم هو انو كيعرفو كيفاش ايتصالحو وايجرعو لبعضياتهم فالاخير.رجعو للمغرب ستقبلوهم كل من مراد ومرام لينا وسيف وسلمي وبوشعيب وحتي الرقاصة لي شدير تما الله او علم هههه سولاتهم هنيا قالها بوشعيب هييه حيدي من مراتي ويلي ويلي شعيبة ضربها بتزوجة ومعامن مع رقاصة وحتي هي تعنق وتقول بوشي وضاربلك الحطة كوسميت والكرافاطة من لفوق ولكن لتحت شورط تاع نعاس قرب ايوصل لترمة وليني كيعرف ايلبس ههههههه مرام ومراد تقاربو من بعضياتهم وخي كل نهار دايرة ليهم حالة هوما ايجرو وهي تابعاهم ولكن الحمد لله حالتها بدات تخف اما يوسف فتقدم ل لينا وهي وافقات وحتي سلمي . وايديرو عرس جماعي فالصيف لينا وسيف مراد ومرام وفطول ديك الفترة عمرهم تفارقو .جود خلي ليهم ديك الدار ومشا خدي بتي فيلة فحي اخر راقي بغا اينفارد بهنية هاد اللخرة لي عرفات راسها حاملة من بعد مرجعو للمغرب بشهر
** بعد مرور 9 اشهر**جود..هنيا هبطي فيييينك
هنية (لابسة تكشيطها وكرشها عند فمها)..وهاني هاني مغاديش نهرب الي زربان سير حتي لحك
جود..زيدي براكا من الهضرة الخاوية شوفي كيف وليتي كي البطة كون غير بقيتي فالدار حسن
هنية..هيييه نتا راه خرجو رجليك لشواري ياكما شتيني هكا وقلتي اجي نشوف شي وحدة باقي رواسية تاع راسها بربي حتي ندبحك وندير بيك رفيسة جود (تفكر رفيسة)..متبقايش دكريها ليا باقي لحد الان كيجي الاسهال مرة مرة
هنية.. زيد زيد والله ايعميها ليك
مشاو حضرو لعرس والاستقبال بالطبالة والغياطة وهي دردك وتشطح وجود تابعها ايشدها وايقولها تكايسي علي دري راه شهرك هادا وهي والو تكول واش تسمع اما واحد بوشعيب جالس فوق رجلين الرقاصة وايسفق ..داز العرس راااائع جاو العروات ايهبلو وصلات وقيتة لعشي وهنية كتحس براسها مزيرة
هنية ..اشوا هادشي اححح
جود..مالك شواقع
هنية (زيرها الوجع)..مييييمتي انولد
جود (تلف بقا غير غادي جاي والناس تشوف)..شنوووو هنا دابا
هنية..تا تركن ولا نخلص فيك هاد الوجع لي خدام ايقطع فيا اااااااااااااااااااااي
جاو ايجرو لعرسان بوشعيب سلمي ناس تصور
هنية..واكواااااااااااااااك اميمتي بنموت اوف اوف اوف عتقوني عتقونيييييي
جود..حبيبة صبري شوية دابا انديك
هنية..اوف اوف واااااااااع وابعد منييييي اول القنة تعديتي عليا شداك تخشيه شداااااك
كلشي تكرشخ عليها بالضحك وهو تلفان معرف ميدير ولا هو لي ايسوط تقول هو لي ايولد
هنية..مال مك زربان بحال بك كانت عيني علي واحد الرجلة واااااااااااااااي
بوشعيب ..وييييييييييييييييييع هنية جبتيها لراسك
شداتو هنية او بركات عليه بالعضان هزها جود او ركبها فطوموبيلتو وكلشي ركب او تبعها وصلو لسبيطار دخلوها ديريكت تولد وبعد مدة تسمعات اول صرخة لبنتهم خلاوهم ايدخلو ايشوفوها بعد مرتاحت شوية وبقاو ايجمعو حداها وجود معنقها جابو ليهم بنتهم وبداو مناكرين
جود..انسميها سارة
هنية..هييه حيد ايدك علي بنتي رقية كلاه علي سميت ما الله ايرحمها
جود..براكا علي مك عتاتني مصيبة بحالك وشهاد رقية تاني عروبية
هنية (قربات ليه)..الي مسميتيها رقية والله متحط ايدك عليا مزال
جود ..صافي صافي رقية واعرة زوينة بزاااف
سماو البنوتة رقية اشمن بنوتة قل جنية كتاااار من هنية فين تبان طييير مع طيور وزبايلها زباايل بوشعيب تشهر كاكتر كائن بشري فالارض مقاوم لجميع الامراض ولاو ناس ايجيبوه لبرامج حوارية السيد فين كايضور اما لينا فراها حاملة سلمي سافرات لعند ختها لسويد اتستقر تما ومرام راها فسبيطار تشافا لقاو عدها مرض انفصام فالشخصية ايجيها غير بالليل ايوا الله ايعفو...
النهاية 😍😍