مشيت قدام لمراية او بقيت نشو فحالتي مالي كيف جيتو مزيناتني بنت شهوة مني شفت هكا وهكا ولقيت شيتة صغيرة او حداها بومادة فكرت حتي عيييت وعقلي عيا من التفكير وفلخر شدت لبومادة شرتها فشيتة او درتها لوجهي وبديت نحك وننفرك وريحتو مجهدة دخلتلي فعيني وبديت ندمع ومشيت خرجت لعندو ايعطيني شي واحد ماشي مجهد هدا حرقني
انا (كنقلب عليه)..افينك ابو لحية...هاااا نتا هنا
دخلت عليه لصالون وجهي كلو عامر بديك البومادة (سينيال) او نفرك
انا..اه نتا عتيني شي واحد ميحرقش فلعينين
جود (كان كيقرا جريدة هز عينيه وتخلع)..شنو داكشي دايرة فوجهك
انا..اووووف شحال كتسول ياك نتا لي قلتي ليا جسلي حالتك
جود (باستغراب)..وشكيدير سينيال فوجهك
انا..علاه مكيغسلوش بيه لوجهين
جود..لوجهيين منين نازلة نتي منين
انا..قلت ليك من دارنا
لاح عليا مخدة ومشيت نجري لطواليط او تبعني دخل او ضربني لراسي غسلت وجهي او هو دارلي داكشي فشيتة او خشاها ليا ففمي وقالي حكي وبديت نحك ايييه هو كيدار لفم ويخي مطورين هاد ناس لمدينة .ساليت او خرجت مشيت لكوزينة نوجد ليه لفطور حليت تلاجة او بالي فيها شلا حوايج مفهمت فيهم والو سليت منها الزبدة هي لي عرفت او سديتها ومشيت نبقشش هكا وهكا بالي دقيق طيبت لماء وجلست الارض بدييت نعجن شي نص ساعة لي درت مع انا حادكة قولو تبارك الله عمرت اتاي وشحرتو مزياااان دوبت الزبدة او كبيتها علي لخبز او ديرت لعسل تاهو لقيتو فالتلاجة معرفت شكيدير فالتلاجة لعسل كيتحط علي برا لمهم فرحااانة بداكشي لي درت نضت لعندو وقلت ليه راه وجدت ليك لفطور تبعني بقا غير حال فيا فمو ايمكن معجبتوش ديك تبعني دخلت لكوزينة وهو تابعني وكيشمشم كيلكلب
انا..جلست تفطر
جود (كيقلب بعينيه)..فيناهو لفطور
انا..وجلس بعدا
جلس ومشيت انا جبت ليه اتاي ولخبز مروح شي 4
انا..بالصحة
وبديت ناكل وهو ايشوف فيا
انا..كول شتشوف
جود..دابا هدا فطور شنو هادشي بعدا
انا..لخبز مروح واتاي مكتعرفش منين نتا منين
جود..انا لي منين ولا نتي لي منين خليتي التلاجة اطرطق بالماكلة وتلاجة فلاكاف لتحت حتي هي ودايرة ليا لخبز منعرف اش
انا..شوف اتاكل هو هداك مغتاكلش ضبر راسك
جود بقا جامع ايديه وايشوف وانا ناكل الله ايعتيني الصحة نعرف نطيب
انا (شفت فيه)..كول كول اتبقا حاضيتي (وخشيت ليه ضغمة ففمو)
جود (عاف ولكن من بعد دطر ايسرطها حيتاش خنزرات فيه)..شنو درتي هادشي (بدا اياكلو وجاه مابيهش وسكت)..
انا..عجبك
جود (مرضاش ايقول ليها عجبني).. خايب بحالك
انا..وكول كول انمشي نوض با وديك لهيشة ونجي
جود (شدني من ايدي)..واش هاديك مسكونة
انا..معرفتش ولكن غير تعود كل ليلة هيا هكاك
جود..خفت غير نصبح شي نهار بلا راس
انا..وهداا عليا ليومة ونعرفو واش اتصبح غدا ولا لا
مشيت وخليتو ايقيس فعنقو مسكين خاف هههههههه مشيت لعند با لقيتو فايق او خارج ايقلب عليا
با..فين كنتي راني تلفت كاين شي فطور
انا..سير غسل وجهك فداك طواليط هاني جاية
مشا بوشعيب دخل لطواليط غسل وجهو وبالو سينيال والشيتة ولكن هو مشا بعيييييد دارو لشعرو او بدا ايحك وايدير ضحكة طيح زرزور من فوق الصور وسنيه كلهم كحلين ماشي صفرين خرج كيحك بالشيتة ومشا لكوزينة
با (غادي لجيهة التلاجة )..صباح لخير
جود (كان كياااكل حتي دخل بوشعيب او خرج عينيه)..شداكشي فراسك
با..نتوما متفهموش لداكشي
جود مبقاش قاد علي الصدمات او خرج ركب فسيارتو من نوع لامبر كحلة او تاجل لشركتو
KAMU SEDANG MEMBACA
رجل الأعمال الوسيم وفتاة من عصر الجاهلية 😘
Fiksi Umumقصة طوووووب كنصحكم تقراوها مغتندمووش كوميدية بزااااف وفيها من كل فن طرف 😘 للكاتبة :زينب اسقارو #قصص_مغربية #قصص_بالدارجة_المغربية #رجل_الاعمال_وفتاة_من_عصر_الجاهلية
