رجل الأعمال الوسيم وفتاة من عصر الجاهلية 😘

part : 33

خرجو من تما او مشاو طلعو لفوق عند لكوافير بقا واحد الولد مبنت ايشوف فيها وايهز شعرها وايعاود ايحطو وايهزو عاود ايقرب ليه حتي ايحوال وايشوف وهنية غير خاضياه
هنية..غتبقا تشوف فيه
سوسو..نونونو احبيبة شعرك متضرر بزاااف انبوسيبل ايتقاد ويلي ويلي علي شوها
هنية بان ليها واحد المصق قدامها هزاتو او شداتو من الراس ونبتاتو فوق البوطاجي وتشوف فيه شوفات نتوع لقيتل فالمراية هو تخلع او بدا فخدمتو داها غسلو ليها او رجعها بلاصتها نشفو او بغا ايقطعو ولكن حبساتو حيد ليها غير لي بوان لي فيه او بدا ايقادو ليها خدا معاه وقت مع طويل واخيرا سالا حتي بدات تسب فيه وهو غير ايزرب وديك البنت حاطة عليها لعين بداو ليها فلمينيكير ولبيديكي وحدة باركة كتقاد ليها فصبعان رجلها والاخري ايدها وديك البنت بدات دوي
البنت..اوا ولينا نتلامو مع من والا شوفلك حبو طاح علي حجرة
سمعاتها هنية او سكتات كتبرد الطرح
البنت..خلا لبنات كيف دايرات وداها فوحدة ممعروفش اصلها
دفعات هنية دوك لبنات او مشات هزات واحد الماكينة او هجمات علي هاديك
هنية..انا ممعروفش اصلي يبنت الكلبة وخا (حكماتها مزيااان او شدات ديك الماكينة خدماتها او بدات دوز ليها علي شعرها ولبنات مصدومات بغاو ايقربو وخايفات
هنية..لي مزعرتة عليها مها تقرب
ديك لبنت تغوت وتعيط حتي حيدات ليها هنية نص فشعرها واش قرعاتو خلاتها بغات تسخف ورجعات لبلاصتها هوماتي بقاو غير كيشوفو مقد حد ايدوي خنزرات هنية فهادوك لي كانو كيقادو ليها او كملو خدمتهم سالات ومشات حيدو ليها شعر لي فوجها قادو ليها حجبانها وهي غير تغاوت معاهم دارو ليها مكياج ملائم مع نوع الفستان لي غتلبس واخيرا سالاو خلصات لينا عليهم بتلاتة للانهم حتي هوماتي تقادو او رجعو لدار لقاو سكات كانت 7.30 ديك الساعة طلعو ايجريو لفوق او لاحت لينا فستان ليها او فستان لهنية لبسات لينا هي لولة وهنية باقا شادة فراسها لي كيضرها من قوة الجران سالات لينا جات توتة (الصورة) او تبالاو بهنية لبسوها الفستان لي كيبين الصدر مكشوف او هابط حتال لتحت او مزير من جهة الخصر او الترمة قدها قداش لبسوها سباط او دارو ليها اكسسوارات وصاك وخا مفيه والو المهم جات مغايرة بزاااااااف علي قبل رشو ليها ريحة تهبل او ناضو ايعلموها كيفاش تمشي بالطالون
هنية..لالا هادشي بزاف انا منخرجش بحال هكا ويلي الشوهة
لينا.هنياااااا صافي دوينا
هنةي (متجبد فيه)..اوووف
واحد شوية سمعو وت جود كينادي عليهم هبطات مرام ولينا لقاو جود كيخاسم تعطلو واحد شوية شافو لفوق او تمات هنية هابطة بكل اناقة وساكة او دور راسو وتبهر ولا غير حال عينيه مبقاش قد ايدوي ولا غير مبهور ميمكنش تكون هادي هي هنية الطاي شعر الجمال الصدر الترمة الريحة كلشي كلشي هي شافتو كيشوف فيها هكاك حشمات ونزلات راسها قربات لدرجة لخرة او مد ايدو شدات فيه او نزلات
جود..جيتي تهبلي (قالها لا اراديا)
هنية..شكرا
لينا..مشينا ياك قلتي تعطلنا
جود (دايخ وغير كيشوف فهنية)..لا باقي لحال
هنية شداتها الضحكو وقربات ليه
هنية..قلت ليك بتندم
جود...ااح ندمت بزااف فين كنتي مخبية هاد لخير كلو
هنية..مخبياه لدواير زمان ههههههه
جود (فاق من لكلبة ولكن ححاس براسو سخون)..الله ايخرج هاد ليلة علي خير ركبو هوما فلمبر نتاع جود ولينا مشات بطوموبيلتها مرضوش بالهم لواحد الجن كحل فين مخبي