سلمي..عاوديلي علي راسك
هنية..سميتي هنية بنت واحد المسخوط مشكيت عليك (جود قرصها) احح بيت نقول ليك بنت بوشعيب عندي 22 عام وربي ايطول عمري وايفقص عدياني (وشافت فجود)
سلمي..ههههههههه شكون عديانك
هنية..ولدك
سلمي (باستغراب))..شنووو
جود(بابتسامة صفراء كيحاول ايصحح شنو قالت)..بغات تقولك لي مكيبغوش ولدك يعني عدياني انا مع حني كوبل معرووف هههههه( وشد فهنية فايدها) ياك احبيبة
هنية (قربات ليه)..حبة فالزك حيد ايدك عليا
جود(مصدوم من كلامها وحيد ايدو بشوية وكيحاول ايبتاسم)...غير تال دار
هنية..كولني
سلمي..شنوو
هنية..والو غير فيا الجوع من لغدا مكليت والو
لينا..وفين دازو زوج بيتزات حجم عائلي كليتيهم غار وحدك وفريت شي كيلو وايطرو نتاع الموناضا
هنية..هيهيهي
جود (همس ليها هادو بيدوزو الليلة غير خبرني نخبرك)..زوج بيتزا حجم كبير فريت وموناضا ومخلياني بالجوع القردة
هنية..القردة هي مك
سلمي..شنو قلتي
هنية..قلت ليه مك ضريفة والله
جود..اه داكشي لي قالت
سلمي..ربي ايخليك احبيبة انا فرحانة للانك اتزوجي ولدي فالقريب العاجل
جود..القريب شنو
هنية..القريب العجلة
لينا..هههههه العاجل اهنية ماشي العجلة شبينك وبين الحيوانات
هنية..عايشة مع واحد مننهم
جود (عرف واش كتحشي ليه الهضرة)..مشفتي انا عايش مع واحد البهيمة حشاكم اش انقول ليكم بقرة كتمشي
هنية..البقرة هي مك
سلمي..شنوو
جود..قاتلي بغات لحم البقري ستيك مع دايرة ريجيم
هنية(قربات ليه)..تجيبلي شي خص نخضر لمك بيه بنتليك فكرون
جود..كارسون
هنية(قرصاتو)..كون تحشم شجاب لكراسن لهضرة
جود(بغا ايندب)..منين نتي منين
هنية..من دوارنا
جود بغا ايطرطق هنية ستغلات الفرصة فاش ايشوفو شنو اياكلو وهبطات لعند باها طلات عليه
هنية..شجاب مك لهنا ياك قلت ليك جلس مع مرام فدار
بوشعيب..شدي ليا شي دجاجة محمرة عيشك عيشك
هنية (خبطاتو برجلها لفم ديريكت)..بغير ربي ايهزك ميرضك ديما محشم بيا سكت نسمع حسك نقلبو هاد سناك (ياودي علي سناك المطعم 5 نجوم قاتلك سناك كون سمعك مول الشئ كون شداتو ازمة قلبية)
سلمي..انا بغيت طبق ستيك بصلصة خاصة مع سلطة صحية وجيبلي شي مشروب علي دوقك
لينا..امم بغيت سباكيتي فرنسية بلييز
جود..جيبلي سلطة صحية او لحم مدخن بدون ملح مع كوكتيل سكر قليل
هنية باقية دوي مع باها شافو فيها ونغزها جود
هنية(مفزوعة)..جيبلي دجاجة محمرة
كلشي شاف فيها
جود..ههه حبيبة خودي شي حاجة خفيفة
هنية ..سوقك بغيت دجاجة محمرة او زوج ايطرو كوكة وجيبلي الخبز بيت نغمس
جود بغا ايتفركع وصلات فيه الله ايربح شوهاتو
سلمي..خليها علي راحتها جيبلها لي بغات
مشا النادل مصدوم لي شافها ايهيم فجمالها ولي جلس معاها ايهيم مع الدنية متلا ايرجع
بوشعيب (نغزها)..سيري بغيتلك الخير
هنية..امين
بوشعيب..الي كانت فسما تنزل ليك ولاكانت فالارض طلع ليك
هنية..امين
بوشعيب..سيري بغيت ليك السرطان
هنية (حدرات)..شناهو السرطان
بوشعيب..كيعاودو عليه شي حاجة خطيييييرة ومزيانة قولي قولي امين
هنية..امييين
YOU ARE READING
رجل الأعمال الوسيم وفتاة من عصر الجاهلية 😘
General Fictionقصة طوووووب كنصحكم تقراوها مغتندمووش كوميدية بزااااف وفيها من كل فن طرف 😘 للكاتبة :زينب اسقارو #قصص_مغربية #قصص_بالدارجة_المغربية #رجل_الاعمال_وفتاة_من_عصر_الجاهلية
