مرام..انتي من هون
انا..عمممممم
مرام..شو اسمك
انا..عممممممم
مرام..انا لبنانية وانتي
انا(قلبت عليها لحنشة علاش متكية)..تي هنينااااااااا اوه الله ايخليك بلخلي تركني وخليني ركد قسم دالمكانة
شدات بلاصتها وتكمشات سكتات واه من صبح وهيا مبرزطاني وتقول شي هضرة غير الله ايحفض مع الله ايستر خضها تعايرني وانا مجايبة لدنيا خبار..نعست من بعد مضربات الطم وبانتلي حتي هي نعسات ايمكن معقلت حتي حبسات الطوموبيل جبت الوقفة وضرباتني الشمس فعينيا وسمعت الهضرة بالجهد شي غادي شي جاي شي ايبيع وشي ايغوت ركلت هاديك حتي شدات كرشها تغوت ونزلت خليتها باقا تلوي مشيت نحل علي با لقيتو ناعس خضيتوبالجهد وناض جبدها معايا حتي لاحني الارض
انا..وااااع شدرتي ابا طوالو ايديك وليتي ضرني
با..لاش تخضني انا لقايد علام ايخضوني ناس
انا(صافي تقمص شخصية خري تاني جاتو حالتو)..زيد زيد ابا غير الله ايسمح ليه رضها ليك فساعة لخير
نزلات مرام وغير شافها با ومشي ايجري لعندها
با..سوف احميكييييييييي (ووقف قدامها)
انا(اويلي با تسيف عاد كان لقايد وشهاد لهضر بارك ايهضر فيها)..با شتي زين وتحلو ليك لعينين
با(ضربها ليا ببونية وزواني خلاني نشهد)..ااااااي دعيتك الله شدرتي اوووووو
با(تحني)..تفضلي سيدتي
انا(جمعت لوقفة)..لقضية فيها سيدتي شهادشي ابوشعيب نتا ممكمل تالقران وزايد تقول هادشي لي ساير تقول فيه
با.. انا قاري كتر من مك سيري تلعبي (شاف فمرام)..تفضلي انستي
مرام(كتبتاسم)..شكرا سيدي
مشاو قدامي وانا تابعاهم ونمسح فحوايجي ياك ابا شتي زين وحواليتي اهئ اهئ والله لا نسيتها ليك
رجع ليا وجرني من ايدي حتي كنت بينطيح وتبعني ليهم غاديين وحالتنا تشفي لعديان والناس ايضحكو با ايجري وايحل طريق لمرام وهي تكصر بالضحك (تموت بالضحك)
انا(وقفت)..والله لا تحركت عييت
با..بيتزيدي ولا نبونيك
انا(جلست فالارض)..والله لا تحركت يالله
مرام..قومي هلاء بنوصل للمدينة انا تدكرت
انا..تي بعدي مني شتدكرتي شفتي لواليد وكوشتي عليه سيري سيري تلعبي
مرام(كتنوضني)..لك قوومي انا في عندي بيت قومي بس
انا..اووووف هاهية
نضت وكملنا طريق شي ساعة وحني نمشو ومرة مرة با تجيه حالتو وايبدا ايشير علينا بلحجر ونعتوها لجرا فلق مرام فراسها خلي دماياتها دايزة غير ديك الساعة كانو سمن علي عسل.وصلنا لوسط لمدينة والناس ايشوفو فينا شي ايضحك شي تخلع شي قلب طريق وهاد مرام غادة وهازة زنافرها لسما مشافت راسها كي عيشة قنديشة شعرها طاير لسما ايطلب رحمت ربي
انا..تي فين غادة بينا بيت غار نعرف
مرام..ليكنا وصلنا
دخلنا مع واحد الزنقة وانا غير نشوف فاش دخلنا لمدينة كلمن بلاصة دزنا منها كانت زوينة تحمق الا هاد الدرب لي جابتنا ليه هاد لهيشة داير كيزنقت الهنانشة فدوارنا
انا..هربت من الدوار طحت فمكفس
با..حني فين
انا..فجهنام لي تحرقك سكت كاع
مرام(كتحل لباب)..ليكنا وصلنا مرحبا بيكم فبيتي
انا..الي كان هدا بيت فينهوا لمرح وفينهوا بيت ضيافين (الصالون) وفينهيا لكشينة (لكوزينة) وبين لماء يالله
مرام..مافهمت ولا حرف بس فوتي راح تسكنو معي وبلاش ههههههه
انا..همم طفرتيه
دخلنا لدار كانت كيلقفص كوزينة وفيها حيط بلبيض (تلاجة) وبيت فيه كاتري (ناموسية) و بيت خر فيه صندوق (تلفازة) كيشعل وطواليط بحال ديالنا غير هادي فيها الضو وصافي هاهي هي الدار شبيتو مزال
YOU ARE READING
رجل الأعمال الوسيم وفتاة من عصر الجاهلية 😘
General Fictionقصة طوووووب كنصحكم تقراوها مغتندمووش كوميدية بزااااف وفيها من كل فن طرف 😘 للكاتبة :زينب اسقارو #قصص_مغربية #قصص_بالدارجة_المغربية #رجل_الاعمال_وفتاة_من_عصر_الجاهلية
