When I Was Your Girl

Chapter 7 - More than Enough

Chapter 7 - More than Enough

Helouise's POV

I should have followed my instincts. Hindi na dapat ako sumama dito. Dapat nag summer class na lang ako. Sana pina-gana ko ang pagiging matigas kong ulo para hindi pumayag sa pamimilit ni Mitchy. Dapat... dapat...

"Ughhhh!" napasabunot na lang ako sa buhok ko habang nakahiga sa kama.

Lahat sila nasa backyard at nag-eenjoy sa pool party nila. Kaya nga ako umakyat na eh. Ayaw kong maramdaman nila ang awkward na nararamdaman ko. Kasi ako ang alien dito. Lahat sila magkakakilala. Ako lang ang sabit!

Kung umalis na lang kaya ako?

Baliw ka ba?! Eh di nagmukha kang bitter at guilty!

Napabuga na lang ako ng hangin. Why is this happening to me. Hindi ko man lang naisip na Matt can be here too? Of course hindi ko 'yon nanisip! HIndi ko alam na close sila ng kambal ni Theo!

Kahit masakit pa ang natapilok kong paa, binuhat ko ang travelling bag ko at ipinatong sa kama. Ano pang silbi ng swimming attire ko kung wala naman ako sa baba? Kaya nagpalit ako ng maong shorts at plain white blouse. 

Nagtatali ako ng buhok nang makarinig ako ng mahinang katok sa pinto.

"Pasok." sabi ko habang sinusuklay ang pony tail.

"Helouise."

Napalingon ako. Si Asul pala. Nakangiti siya sa akin saka tumingin sa paa ko.

"Ok na ba paa mo?"

"Medyo ok na." simple kong sagot.

"Ah. Eh gusto mo bang bumaba? Mag-lulunch na kasi, baka kako gutom ka na?" Napangiti ako kay Asul. Napaka-charming at napakabait. Nakakatuwa.

"Nahihiya ako eh." sabi kong napapakamot sa batok. Tumawa naman siya ng mahina.

"Dadalhan na lang kita ng pagkain sa dining room. Hintayin mo ako do'n para sabay an tayong kumain." Magsasakilita pa sana ako pero lumabas na siya. Napailing na lang ako

Inayos ko lang ng konti ang sarili ko saka bumaba. Sa sobrang laki ng bahay, hinanap ko pa kung saan ang dining room. Malapit lang pala sa hagdan, adjacent sa kitchen. Instead na umupo sa dining table, dumeretso ako sa kitchen. Agad kong binuksan ang ref at nakita ko ang slice bread at nutella. Napasimangot tuloy ako. Sinong baliw ang maglalagay ng tinapay sa ref? Hindi ba nila alam na titigas 'yon at hindi na magiging masarap ang lasa? Syempre alam ko 'yon kasi HRM student ako.