#وجهة_نظر
الدايريكشنرز
الدايريكشنرز هو إسم يطلق على فانز الفرقة البريطانية/الايرلندية ون دايركشن ، وإحنا كـ دايريكشنرز كنا وعلى مدار سبع سنين ، بيتقال علينا تافهين وأغبياء
أحب أشرحلكم شوية عن "التافهين" دول
نسبة إلى دراسة عملها موقع إسمه Urban Dictionary ، فـ الدايريكشنرز هم أكثر فانز (فاندوم) شرير ، مميت ، مخيف وغريب في التاريخ.
إذا عقلك المريض صورلك إنك ممكن تعبث أو تهزر في أي حاجة متعلقة بـ ون دايركشن ، فإنت إرتكبت لتوك أكبر غلطة في حياتك.
الدايريكشنرز بيتصرفوا مع أي شخص بيسئ للبويز بشراسة وعنف شديد ، معتقدين إنهم كده بيحموا البويز ، في الواقع العنف والشراسة دول بينجحوا فعلا الهيترز ومع أي حد تاني ، ودي حاجة بتخلي الدايريكشنرز غير قابلين للكسر.
الدايريكشنرز هم الأفضل بين الفاندومز في القرصنة الإلكترونية أو التهكير ، حيث قام الدايريكشنرز بـ : قرصنة نظام مطار دولي ، قرصنة كاميرا مراقبة في فنادق أو مطاعم ، قرصنة شبكات تلفزيونية عشان بس يشوفوا البويز.
الدايريكشنرز كمان الأفضل في الحصول على المعلومات بدقة شديدة ، مثل : فصائل الدم ، وقت الولادة بالضبط ، الإسم الأوسط لوالد أو والدة أي حد من البويز ، صور فوق صوتية للبويز أو أولادهم وهما لسه في بطون أمهاتهم .
مثلا ، من المعلومات العامة اللي الكل يعرفها في فاندوم ون دايركشن : نايل أتولد الساعة 8:04 مساء في يوم 13 سبتمبر سنة 1993 ، لوي أتولد الساعة 1:47 ظهرا في يوم 24 ديسمبر سنة 1991 ، فصيلة دم ليام AB ، زين كان وزنه عند الولادة 8 باوندات (حوالي 4.5 كيلو جرام) ، وأخيرا فصيلة دم هاري B
الدايريكشنرز مشهورين بالتسريب ، فـ الدايريكشنرز سربوا كل أغنية ، وأحيانا بيسربوا ألبومات كاملة ، وكل فيديو قبل صدورهم.
بالإضافة إلي ده كله ، الدايريكشنرز عندهم حكمة ووعي ، الدايريكشنرز تقريبا مسيطرين سيطرة تامة على الواتباد ، يوتيوب ، جوجل ، تمبلر ، تويتر ومواقع تانية كتير ...
واقع مرعب إن الدايريكشنرز ممكن يخلوا أي هاشتاج تريند على تويتر في أقل من ساعة ، ويتسببوا في تعطيل نظام موقع عالمي زي تويتر بسبب كثرة إستخدام الهاشتاج ده
بالإضافة إلى كونهم ممتازين جدا في كتابة القصص والروايات ، عمل الفوتوشوب للصور ، صناعة الفيديوهات ، وأفضل فاندوم في أنهم يجيبوا أخبار البويز أول بأول.
- هل الفاندوم اللي أنت فيه يقدر يعمل كده ؟
= لأ
- طبيعي ، لأنهم مش دايريكشنرز
الدايريكشنرز الأفضل في علم النفس ، فهم قادرين على تحليل كل حاجة بيعملوها البويز بناء على كلماتهم ، تعبيرات وجوههم ، مظاهرهم ولغة جسدهم.
