100 Steps To His Heart [Published Book]

[43] The PLANNER

“Uy, Enzo. Familiar yung dalawang yun ah? Sino nga sila?” tapos tinuro ko sakanya yung girl na nakacorporate attire tapos yung guy na matangkad na tinutulungan siyang dalhin yung tambak tambak na papers niya. Grabe naman! Nagbebenta ng papel!?

“Oh, they’re the couple from Luneta. Remember? The one I broke up?” Ah! Oo! Si ano.. Sina… Sino nga?

“Jade and Jeron?” Tawag ni Enzo doon sa couple na naglalakad sa Rockwell. Noong makita nila kami napangiti sila tapos lumapit.

“Hi guys! How are you? Wow, di ko ineexpect na magmemeet pa tayo.” Sabi ni Jade.

“Oo nga eh. Saan kayo galing? Bakit ang dami mong papel? Nagtratrabaho ka na ba?” tanong ko kay Jade. Natawa na lang siya.

“Ah, hindi. Kakatapos lang ng class ko. Nagrereview ako for the bar eh. Graduate ako diyan sa Ateneo Law School. Papers? Oo, ganito kakapal binabasa ko everyday.” GANYAN!? Anak ng. Tatlong libro ko ata sa highschool ‘to ah!

“So, sinundo mo siya bro?” tanong ni Enzo kay Jeron.

“Oo eh. Boyfriend duties.” Sabi ni Jeron tapos nagnod lang si Enzo. Mukhang nagkaintindihan. Napatingin naman ako kay Jade tapos nagsmile siya na parang sinasabi na ‘As if naman kasalanan nating maging boyfriend sila’ napangiti na lang ako.

“But that’s okay, you know. I’ve waited so long. Whatever she wants, I’ll obey. Ano nga, kumander?” biglang sinabi ni Jeron kay Jade. Nagroll eyes lang si Jade kay Jeron.

“Ang cute niyo naman nagsusunduan pa kayo.” Comment ko sa dalawa.

“Nagpumilit lang si Jeron. Dapat nga nagrereview pa ako ngayon pero makulit eh. Nagpupumilit na lumabas.” Sabi ni Jade habang ninunudge yung siko ni Jeron. Ang cute ng dalawa kasi ang tangkad ni Jeron pero nakaheels si Jade so sakto lang ang height nila.

“Gusto mo naman. Ikaw pa?” Biro ni Jeron. Nagblush na lang si Jade.

“Anyway, Hope mauna na kami. Mamaya kasi may game pa si Jeron eh tapos magrereview pa ako.”

“Hindi ka manonood ng game niya?” tanong ko.

“Hindi na. Araw araw na siyang nagbabasketball sa harap ko, okay na ako.” Tapos tiningnan na naman niya si Jeron na nakatitig din kay Jade. Um, okay? Ako ang kausap mo girl. Sige na nga, in love pagbigyan.

Pero…

Bakit kami ni Enzo hindi ganito? In love din naman kami ah?

Umalis na yung dalawa tapos dumeretso na kami ni Enzo sa movies. Noong matapos ang movie…

Sobrang pugtong pugto yung mata ko. Wala na akong ginawa kung hindi ang umiyak.

“Stop crying, Hope.” Sabi ni Enzo na parang NR (No Reaction) buong movie.

“Eh nakakaiyak yung story eh. Namatay yung lalaki, ang lala.”

“Hindi naman sa’yo nangyari yun.” Cold niyang sinabi. Nakakainis naman!

Noong medyo makalabas na kami, nakasalubong na naman namin si Jade at Jeron. Si Jade mukhang pugto din ang mata. Si Jeron biglang nagoffer ng panyo tapos parang inasar si Jade para hindi na umiyak tapos umalis na sila.

Ganoon… ganoon ang gusto ko.

Hindi yung ganito.

Para kaming dalawang tao na nagsama lang. Ganoon lang.

Noong matapos ang movie, lakad lang kami ng lakad sa mall. Ni hindi kami naguusap. Tinatry ko magstart ng usapan pero puro isang salita lang ang sagot niya.