مصيرُ طفل .. الجزء الأول من سلسلة " ضحايا القناع "

* الفصل الخامس عشر *

بالليل قعدوا هينار و جوزها و ولادها و إساف يتفرجوا علي التلفيزيون ، و فجأه موبايل هينار رن ....
قامت هينار وطت صوت التلفيزيون ، و مسكت موبايلها و أول ما شافت الرقم أتنفضت و بصت لإساف بقلق .. و مشيت بسرعة دخلت أوضتها وقفلت الباب .. و بعد ما أخدت نفس ردت ....
هينار:أيوه يا صفوان
في اللحظة دي .. أتكلم صفوان بإنفعال فزع هينار ....
صفوان:أبني راااح فين يا هينار ؟!!
سكتت هينار ثواني ، و ردت بإستفزاز ....
هينار:أبنك مين
صفوان بإنفعال:أبني اللي كنتي مخبياه عندك .. راااح فين يا هينار ، أتكلمي أحسن لك
ضحكت هينار بإستهزاء ، و أتكلمت ....
هينار:و الله انا في بيتي و بعيد عنك .. أبنك مشي بقي و طفش من وشك دي حاجة ترجع لك أنت ، و المفروض أنت اللي تتحاسب عليها مش انا .. كون بقي أبنك جالي أو راح أي مكان تاني فدي مش مسؤليتي ، هو اللي عايز و أنت السبب
رد صفوان بغضب ....
صفوان:يعني أيييه !! تقصدي أييه ؟
هينار بهدوء:يعني مالكش عيال عندي
صفوان بغيظ:و الله .. معني كده بقي أن إساف عندك !
هينار بتحدي:بالظبط كده .. و اللي عندك أعمله
سكت صفوان ، و بعد ثواني رد بإستهزاء ....
صفوان:خلاص ما دام هي كده بقي .. يبقي خليهولك ، أشبعي بيه .. انا أصلاً مش عايزه
ضحكت هينار ، و أتكلم بإستفزاز ....
هينار:يارب بس تكون قد كلمتك
صفوان بإنفعال:هكون قدها و هتشوفي
هينار:يكون أحسن و الله .. يالا بقي شوف بتعمل أيه
صفوان:غوري
قفلت هينار الخط بسرعه ، و حدفت الموبايل علي السرير بضيق ، و خرجت من الأوضة ....
( روايات بسوم )
""""""""""""""""""""""""""""""""""""""""""""""""""""""""""""""""""""
في القاهرة ............
وصل صفوان البيت ، بعد ما خلص مكالمته مع هينار .. و أول ما فتح الباب و دخل شاف روبين قاعده ، وقف قُصادها و أتكلم بغضب ....
صفوان:أبنك مشي ، و راح تاني عند هينااار .. أبنك بيتعامل معانا بالعنف و بيحطنا أمام الأمر الواقع و مش محترم حد فينا ..
قامت روبين وقفت بصدمة ، و قاطعته ....
روبين:أنت بتقول أ...
قاطعها صفوان:بقووولك أيييه .. مش انا اللي بقول ، هو ده اللي حصل .. بصي بقي عشان نبقي واضحين ، إساف من النهارده ولا أبني ولا أعرفه ، و مش عايز أشوفه في حياتي تاني .. و لو أنتي مش متقبلة الوضع ده ، أمشي و روحيله .. بس تكوني عامله حسابك لو خرجتي من باب البيت ده ما ترجعيهوش تاني ، و عيالك مش هتشوفيهم تاني .. أنتي فاهمة كلامي ولا أيه نظامك !!!
بصتله روبين بضعف و ما ردتش ....
في اللحظة دي .. أتعصب صفوان و أتكلم بإنفعال ....
صفوان:ما ترررردي
ردت روبين بإستسلام ....
روبين:اللي أنت عايزه يا صفوان
صفوان بقلق:يعني أيه !!
روبين:يعني هعمل لك اللي أنت عايزه .. مش هخرج من البيت ، حلو كده ؟
في اللحظة دي .. أبتسم صفوان بتحدي ، و أتكلم بإستهزاء ....
صفوان:جميل كده .. برافو عليكي يا حبيبتي .. أبقي حضري لي الأكل بقي عشان جعان جداً ، و هنام شوية لحد ما تخلصي
خلص كلامه و مشي علي طول ، و روبين واقفة في صدمة .. و أول ما وصل أوضته ، قعدت روبين و أنفجرت في البكاء ....
( روايات بسوم )
""""""""""""""""""""""""""""""""""""""""""""""""""""""""""""""""""""
تاني يوم الصبح .. في أسكندرية .........
صحيت هينار من النوم علي صوت جرس موبايلها .. قامت قعدت و مسكت الموبايل و ردت ....
هينار:ألو
أتكلمت روبين بصوت مخنوق بالدموع ....
روبين:أيوه يا هينار ، انا روبين
سكتت هينار و ردت بعد لحظات ....
هينار:أيوه يا روبين عارفة صوتك .. عاملة أيه ؟
روبين:مش كويسة ، و الله مش كويسة خالص و تعبانة أوي
هينار بضيق:مالك يا روبين ! أيه اللي خانقك ؟ و ما تقوليليش موضوع إساف .. عشان بجد الموضوع ده تعب لي أعصابي
روبين بإندفاع:و تعب لي أعصابي انا كمان و دمرني و الله .. و النبي لو أبني عندك رجعيهولي .. أبوس أيدك يا هينار انا بموت
في اللحظه دي .. أنفجرت هينار و أتكلمت بإنفعال ....
هينار:أرجعهولك تعملي بيه أيه !! أنتي أم أنتي ؟ ده أنتي أم بالأسم بس ، عاوزه أبنك يرجع لك عشان يتبهدل ! و تسيبيه يتعذب و هو لسه ما شافش الدنيا و تتفرجي عليه صح ؟ أنتي لو بتعرفي تحميه و لو كنتي أم صح ما كانش سابك ولا كان مشي .. كان علي الأقل هيقعد علشانك ، بس أنتي شخصيتك ضعيفه و سايبة واحد زي صفوان معقد كده يعذب في أبنك و يتحكم فيكي و أنتي بتتفرجي و ساكتة .. آه هو أخويا ، بس انا بقول كلمة الحق أخويا مش بني أدم ، و أنتي منظر مش أكتر .. و أبنك مش هيرجع لك تاني خلاص ، لو بتحبيه بقي سيبيه هنا بمزاجك .. سيبيه يعيش معايا حياة كويسة و يبقي أنسان محترم و عنده شخصية .. عشان جوزك بتربيته دي هيطلعه من غير شخصية و هيبقي بني أدم مش سوي أطلاقاً .. ممكن بقي تكوني سبب مرة واحدة في حاجة حلوة في حياته
سكتت هينار ، و روبين منهارة .. و بعد لحظات أتكلمت بضعف ....
روبين:يعني هتحافظي علي أبني ؟
هينار:أبنك لو هو مش حاسس معايا بالأمان ما كنش رجع لي تاني يا روبين
روبين بإستسلام:خلاص خاليه معاكي ، بس بالله عليكي خالي بالك منه
هينار:ما تقلقيش .. إساف في عينيا
روبين:طب انا عاوزه أكلمه
هينار:لما يصحي هخاليه يكلمك
روبين:هو لسة نايم !
هينار:و مش حاسس بالدنيا ، كأنه ما نمش من سنة
روبين بشفقة:يا حبيبي يا أبني .. خلاص خاليه مرتاح
هينار:ماشي .. خالي بالك بقي أنتي من باقي عيالك ، و بلاش تعرفي صفوان أنك كلمتيني
روبين:حاضر
هينار:هبقي أكلمك
روبين:ماشي
هينار:يالا سلام
روبين:سلام
قفلت هينار و كملت نومها ، و روبين قامت تنضف البيت و بتكمل عياط ....
( روايات بسوم )
°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°
كساب:و بعدين ؟
إساف:لا بعدين بقي بكره .. انا عايز ألحق أروح و أنام عشان أقدر أنزل الشغل الصبح
كساب:خلاص مش هتقل عليك النهارده .. يالا نروح و بكره لو فضينا نتقابل
إساف:تمام جداً .. و أنت عارف لو عايزني هتلاقيني علي القهوة
كساب:طب ما تجيب رقمك عشان أكلمك
سكت إساف ، و بعد ثواني رد ....
إساف:ما عيش تليفون
كساب:أممم .. آه ماشي .. خلاص اللي هيكون فاضي فينا ينزل يستني التاني علي القهوة علي ٨ بليل كده و لو بعد ساعة ما جاش يمشي
إساف:خلاص أتفقنا .. يالا بينا بقي
كساب:يالا
مشيوا هُما الأتنين ، و كل واحد راح علي بيته ....
نام إساف من التعب .. و كساب بعد ما أكل شغل الكومبيوتر و فتح إميل جوجل .. و بعد دقايق من شروده ، قفل الإميل و قفل الكومبيوتر  خالص و قام .. قعد علي سريره و هو ماسك موبايله و بعد تفكير ، جاب رقم فيروز و أتصل بيها .. ثواني و ردت ....
( روايات بسوم )
فيروز:ألو
كساب بفرحة:عاملة أيه
فيروز بإستغراب:مين معايا ؟
كساب:مش عارفة مين !
فيروز:و هعرف منين ؟
كساب:طب بلاش مش عارفة .. مش حاسة ؟
سكتت فيروز بعد ما فهمت ، و بعدين ردت بدلع ....
فيروز:مش حاسة أيه ؟
كساب:مش حاسة انا مين !
فيروز:لا .. مش حاسة
حاول كساب يكتم ضحكته .. و كمل كلامه ....
كساب:خلاص لما تحسي و تعرفي أبقي أتصلي بيا علي الرقم ده
ضحكت فيروز بصمت .. و ردت ....
فيروز:أيه البواخة دي ! طب مش هقفل غير لما تقول أنت مين ؟
كساب:و هو أنتي تعرفي حد غيري يعني !!
فيروز:مش عارفة .. لا ، ما أعرفش
كساب:يبقي انا هو
فيروز بضحك:ماشي يا كساب
ضحك كساب و رد ....
كساب:طب ما أنتي حلوة أهو
فيروز بغرور:أيوه طبعاً حلوة
كساب:أحبك و أنت واثق من نفسك كده
فيروز بدلع:ميرسي
كساب:بس أيه بقي الصوت الحلو أوي ده
فيروز:دي أقل حاجة عندي
كساب:يا سلام علي الثقة .. لا جامدة
فيروز:هي أيه دي !
كساب:الثقة .. عجباني
فيروز:ماشي يا أخويا .. شكراً
كساب:لاااا شكر علي واجب
ضحكوا هُما الأتنين ، و بعد كلام كتير بينهم .. سكتت فيروز ، و بعد ثواني أتكلمت بتفكير ....
فيروز:بس أنت أيه اللي خلاك تتصل بيا ! ما كلمتنيش علي النت ليه ؟ و كنت سيبت كلام الموبايل ده لوقت مش عارف توصل لي فيه علي النت
كساب:ما أهو انا بصراحة ما كنتش هقدر أستني لحد ما تختفي علي النت فأكلمك علي الموبايل
فيروز بإستغراب:و ده ليه بقي !
كساب:أصلي بصراحة كده كنت هموت و أسمع صوتك
ضحكت فيروز ، و ردت ....
فيروز:أشمعنا
كساب:من غير أشمعنا .. و بعدين انا ما بحبش الأسألة الكتير
فيروز:طب بتزعق ليه بس
كساب:لا يا روحي مش بزعق بس بفهمك
سكتت فيروز ثواني ، و كساب أتكلم بإستغراب ....
كساب:روحتي فين ؟
فيروز:معاك .. بس بفكر
كساب بفضول:بتفكري في أيه ؟
فيروز:في روحي دي !
ضحك كساب في اللحظة دي جداً ، و رد بعد ما أتنحنح ....
كساب:لا يا بنتي بهزر معاكي
ردت فيروز بضيق ....
فيروز:آه .. فاهمة
كساب:ماشي يا ستي
خلص الكلام بينهم بعد ساعة ، و كل واحد فيهُم نام ، بعد تفكير دام لدقايق ....
( روايات بسوم )
تاني يوم الصبح ...........
صحي كساب و نزل الشغل كالعادة و رجع البيت بعد ما خلص فترة شغله .. و بليل الساعة ٨ نزل علي القهوة .. أول ما وصل شاف إساف بيقعد ، راح قعد جنبه و هو بيتكلم ....
كساب:وصلنا مع بعض .. لا مواعيدنا مظبوطه أهو
بصله إساف و ضحك ، و أتكلم ....
إساف:طبعاً .. انا بحب الإلتزام
كساب بمزج:مش أكتر مني
ضحكوا و قعدوا ، و بعد ما طلبوا المشاريب إساف أتكلم ....
إساف:أخر حاجة حكيتهالك ، لما أمي كلمت عمتي و عمتي قالت لها تسيبني معاها و وافقت .. صح ؟
كساب:فعلاً .. أيه بقي اللي حصل بعدها ؟!
إساف:....
( روايات بسوم )
°°°°°°°°°°°°°°°°°° فلاش باك °°°°°°°°°°°°°°°°°
صحي إساف من النوم بعد ساعات .. و أول ما خرج من الأوضة شاف هينار قاعدة بتتفرج علي التيلفزيون ....
مشي و وقف قُصادها و أتكلم ....
( روايات بسوم )
إساف:عمتي
بصتله هينار بإنتباه و أتكلمت ....
هينار:أيه يا حبيبي أنت صحيت
إساف:آه
هينار:طب روح أغسل وشك يالا لحد ما أحضر لك الفطار ، عشان بعد ما تفطر هننزل مع بعض نروح مشوار
إساف:هنروح فين يا عمتي ؟
هينار:هنروح ...
.........................
#بسمه_ممدوح