مصيرُ طفل .. الجزء الأول من سلسلة " ضحايا القناع "

* الفصل الثاني عشر *

وصل صفوان بيته .. فتح الباب و دخل ، و بدأ ينده علي روبين أكتر من مره و مش بترود .. دور عليها في كُل مكان في الشقه بس ما كنش ليها أي أثر .. و فجأه أول ما فتح باب الحمام اتصدم لما شافها واقعه علي الأرض و الدم بيجري من أيديها بطريقه فزعته .. جري عليها بسُرعه ، و شالها و هو بيصرخ ....
صفوان:لييييه ، ليييه عملتي في نفسك كده .. حرااام عليكي يا روبييين .. عايزة تمووتي نفسك و تسيبي ولادك
جري صفوان بدون وعي علي المستشفي و هو شايل روبين علي أيديه ....
( روايات بسوم )
""""""""""""""""""""""""""""""""""""""""""""""""""""""""""""""""""""
في أسكندرية ..........
وصل إساف مع هينار لبيتها .. و بعد ما أخد شاور و أكل .. نام علي طول ، و هينار قاعدة جمبه .. بتبص عليه بتدقيق ، و بتتكلم في نفسها ب شفقه ....
هينار:يا حبيبي يا أبني .. ده تلاقيه طلع عينيك عشان يخليك تعمل العاملة السودة دي .. أخويا و انا عارفاه بني أدم مُقرف .. و أنت مش هتعمل كده من فراغ .. حسبي الله و نعم الوكيل فيه ، ربنا يهده
سكتت هينار و أخدت نفس بضيق .. و قامت وقفت ، غطت إساف و طفت نور و الأوضة و خرجت و قفلت الباب .. و إساف غرقان في نوم عميق ....
( روايات بسوم )
""""""""""""""""""""""""""""""""""""""""""""""""""""""""""""""""""""
في القاهرة ..........
في المستشفي .. واقف صفوان قُدام غُرفه عمليات .. و بعد وقت طويل خرج الدكتور ، جري صفوان عليه و أتكلم بلهفة ....
صفوان:طمني يا دكتور .. عملتوا أيه ؟ هي كويسة ؟
رد الدكتور بتنهيدة .....
- الحمد لله لحقناها .. هي لما قطعت شُريانها ما قطعتهوش للأخر و ده من حُسن حظها .. قدرنا نلحقه و خيطناه بس طبعاً بصعوبة .. لو كانت كملت شعرة كمان كان الشريان كله أتقطع ، و كان زمانها في خبر كان
صفوان بقلق:يعني أيه يا دكتور ؟ هي كويسة يعني ولا أيه ؟
أتكلم الدكتور بهدوء ....
- أطمن هي كويسة .. بقولك لحقناها الحمد لله .. بس لسه مش هتقدر تشوفها دلوقتي عشان هتتنقل علي العناية المركزة
اتنفض صفوان في اللحظه دي ، و أتكلم بإندفاع ....
صفوان:لييه ؟! فهمني .. ليه عناية مركزة !!
- ما تقلقش يا أستاذ .. دي حالة أنتحار .. يعني لازم تكون تحت رعاية .. نتأكد بس من الضغط و أنتظام ضربات القلب و التنفس و بعد كده هتأخدها معاك عادي
صفوان:بجد يا دكتور ؟ يعني هي هتبقي كويسة ؟
- آه .. بإذن الله
صفوان:ماشي يا دكتور ، شكراً
- العفو .. لو عاوز تروح روح أنت و تعالي بكره
صفوان:يعني مش هينفع أشوفها النهاردة خالص ؟
- لا .. تعالي بكره أحسن
صفوان:خلاص ماشي .. هشوف الحسابات و همشي
- تمام .. بعد أذنك
صفوان:أتفضل يا دكتور
مشي الدكتور .. و نزل صفوان للحسابات ، و بعد ما دفع حساب المستشفي رجع علي بيته .. أكل ولاده و بعد كده أخدهم و قعدهم عند جدتهم .. و رجع البيت و نام .....
( روايات بسوم )
تاني يوم الصبح .........
صحي صفوان بدري و نزل بسرعة راح علي المستشفي .. أول ما وصل طلب من الدكتور يشوف روبين ، و بعد ما سمحله يشوفها .. دخل لها العنايه المركزه علي طول ، و قعد جنبها و هو بيبص لها ب قلق .. و أتكلم ....
صفوان:ليه عملتي في نفسك كده يا روبين .. مش حرام عليكي !! عايزة تموتي و تسيبي عيالك يضيعوا من غيرك .. أزاي عملتي كده و لييه !!
في اللحظه دي .. فتحت روبين عينيها و أتكلمت بتعب ....
روبين:ما بقيتش قادرة اتحمل وجع قلبي .. ما بقيتش قادرة اتحمل غياب أبني عني كُل ده .. انا خلاص فقدت الأمل أني ألاقيه .. شهور بندور عليه في كل مكان ، ولا موجود في مستشفيات ولا أقسام لا هنا ولا في أي محافظة تانية .. أعمل أيه تاني ، يارتني أعرف حتي أنه مات و أوصل له ميت أرحم لي من اللي انا فيه ده
رد صفوان بإندفاع .....
صفوان:يا شيخه بعد الشر .. و بعدين يعني عشان مش لاقياه تقومي تموتي نفسك !! حرام عليكي .. و تسيبي عيالك لمين !!
روبين بضيق:مش عارفه بقي .. بس انا تعبت
صفوان:هنلاقيه يا روبين .. قومي أنتي بس بالسلامة ، و هندور عليه تاني و عاشر و مليون كمان لحد ما تلاقيه .. بس يرجع يلاقيكي عايشه يا روبين
في اللحظه دي دمعت روبين .. و حاولت تتمالك دموعها ، بس ما عرفتش و أنفجرت في البُكاء ....
( روايات بسوم )
"""""""""""""""""""""""""""""""""""""""""""""""""""""""""""""""""""
بعد يومين ..........
رجعت روبين البيت ، و بدأت هي و صفوان يدوروا علي إساف تاني في كُل المحافظات ....
و في يوم بعد شهرين ، و هُما قاعدين في شقه في المنوفية .. خرجت روبين من الأوضه بسرعة ، و كلمت صفوان بإندفاع ....
روبين:صفوان
بصلها صفوان بإنتباه ، و أتكلم ....
صفوان:أيه يا روبين ؟
روبين:في حاجة مهمة أوووي راحت علينا طول الشهور اللي فاتت دي كُلها
صفوان بتركيز:حاجة أيه دي ؟
روبين:دار الرعاية و الأيتام .. أحنا لفينا في كل المحافظات في المستشفيات و الأقسام و الشوارع ، أزاي نسينا حاجة مهمة زي دي !!
صفوان بتفكير:تصدقي صح فعلاً .. أزاي ما دورناش في الأماكن دي
روبين:أحنا لازم ندور و بسرعة .. عشان لو ما لقيناهوش يبقي ما فيش غير أنه أتخطف ، و ساعتها انا ممكن أموت فيها
صفوان:بعد الشر .. بصي أحنا نكمل تدوير في المنوفيه هنا و ندور في كل مراكز الرعايه اللي هنا ، و بعد كده لو ما وصلناش لحاجة هندور في باقي المحافظات مش هنسيب محافظة لحد ما نلاقيه
روبين بلهفة:نبدأ من دلوقتي .. حالاً يا صفوان
صفوان:حاضر يا روبين .. انا معاكي أهو و هننزل حالاً
( روايات بسوم )
°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°
كساب:طب و أنت عرفت الكلام ده منين ؟
إساف بإستغراب:أنهي كلام !
كساب:اللي حصل مع والدتك و والدك دة كله ؟
إساف:عرفته بعدين .. هتعرف كل حاجة يا كساب ما تستعجلش
كساب:حاضر مش هستعجل .. المهم بس دلوقتي همشي عشان عندي مشوار .. و هقابلك بالليل تاني
إساف:خلاص ماشي ، و انا هطلع البيت انام شوية
كساب:تمام .. بس شوف بقي بالليل حتة تانية نروحها غير القهوة دي .. عشان انا زهقت
إساف:و انا كمان و الله .. خلاص لما نتقابل بالليل نشوف مكان تاني نروحوه
كساب:ماشي أتفقنا .. يالا هسيبك دلوقتي بقي
إساف:ماشي .. سلام
كساب:سلام
مشي كساب .. و راح إساف علي شقته ....
بعد ما غير هدومه و أكل ، طلع علي سريره و قعد مع نفسه .. و رجع بذكرياته ....
( روايات بسوم )
°°°°°°°°°°°°°°°°°°فلاش باك°°°°°°°°°°°°°°°°°°
سنه 2001 ..........
نايم إساف في أوضته ، و فجأة صحي علي صفعة قويه علي وشه .. قام أتنفض و مسك وشه بألم ، و بص لصفوان بضعف .. و قبل ما يتكلم صفوان أتكلم بغضب ....
صفوان:بتشتكيني لستك ! هاااا .. و رايح تجيبلي عمك .. ده أنا هقتلك
أنهال صفوان بالضرب في إساف .. و روبين بتصرخ و مش عارفه تمنعه عنه .. و بعد ضرب عجز إساف أنه يتحمله ، أغمي عليه ....
صرخت روبين بصدمة في اللحظه دي .. و هي بتضرب في صفوان و بتتكلم ....
روبين:أبني ، مووووتلي أبني .. عملت فيييه أيييه .. منك لله يا صفوااان ، ربنااا ينتقم منك
دفعته بإيديها ، وقع علي السرير .. و شالت إساف و جريت بيه علي الشارع ....
وقفت في الشارع بحيرة و هي مش عارفة تمشي تروح علي فين .. و بعد تفكير دقايق ، جريت بسرعة علي بيت والدتها ....
أول ما وصلت ، و شافتها والدتها صرخت و أتكلمت بخضه ....
- أيييه ده !! أبنك مااله ؟ إساف جراااله أيه يا بنتي .. أتكلمي
في اللحظه دي ، عطيتها روين إساف و هي بتتكلم ....
روبين:ألحقيه بس معايا يا ماما الأول .. نفوقه و بعدين نتكلم
مسكت والدتها إساف بحرص ، و أتكلمت ....
- حاضر يا بنتي .. خشي طيب
دخلوا هما الأتنين ، و سابت والدتة روبين " إساف " علي الكنبة و قعدت جنبه و بدأت تفوقه .. و بعد ثواني أتكلمت ....
- أدخلي هاتيلي أزازة الريحة من الأوضة يا روبين
روبين بإندفاع:حاضر
جريت روبين علي الأوضة ، و جابت البرفن و أديته لوالدتها ، و هي بتتكلم ....
روبين:هيفوق ؟ هيفوق ولا لا ؟ طمنيني !
ردت بثقة ....
- هيفوق يا بنتي ما تخافيش .. أهدي بس
روبين بقلق:ياااارب
بعد دقايق فاق إساف .. جريت روبين عليه و حضنته ، و أنفجرت في البكاء ، و والدتها أتكلمت ....
- أهدي بقي خلاص أبنك كويس أهو .. و أحكيلي أيه اللي حصل
روبين:....
( روايات بسوم )
°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°
نام إساف بدون وعي و هو غرقان في ذكرياته ....
و خلص كساب مشواره ، و رجع علي بيته .. أول ما وصل غير هدومه و شغل الكومبيوتر و فتح إميل جوجل .. و فتح شات فيروز و كتب لها رسالة ....
كساب:عاملة أيه ؟
بعت كساب الرساله ، و قفل الشات لما سمع أخته بتتكلم جنبه في الموبايل ....
- أيه ده بجد ؟ ما شاء الله .. ربنا يخاليهُ لها ، و حمد الله علي سلامتها
خلصت مكالمتها و قفلت الموبايل .. و قبل ما تمشي بصلها كساب و أتكلم ....
كساب:كنتي بتكلمي مين يا سدن ؟
ردت سدن بطريقة كلامها الرديئه ....
سدن:كنت بكلم مرات عمي
كساب:و كنتي بتتكلمي علي مين
سدن:علي روفان بنت عمك .. أصلها ولدت النهارده
سكت كساب لثواني بتفكير و بعدين أتكلم بإستغراب ....
كساب:روفان ! أيه ده ؟ هي كانت حامل !!
سدن بإندفاع:أيوه كانت حامل .. ده تالت عيل ليها
كساب بتفكير:آآه .. حمد الله علي سلامتها .. و سمته أيه بقي
سدن:شهاب
كساب:جميل .. هما ولادها التانين بنات صح ؟
سدن:لا .. بنت و ولد .. عندها لاتويا و منذر
كساب:اها ربنا يخليهُم لها
بصت سدن في الأرض في اللحظه دي .. و ردت بحزن ....
سدن:يارب
رد كساب بإستغراب ....
كساب:و مالك زعلانة كده ليه !!
سدن بحزن:و هزعل ليه ! انا بس كان نفسي أبقي أم
كساب:طب ما أنتي متجوزه ، و بكره تبقي أم بإذن الله
سدن:بكره أبقي أم ! و ده أمتي بكره ده ؟ و بعدين بعد سنين طويلة جواز و ما بخلفش .. فجأه كده هبقيي أم ؟ أنتوا بتصبروني بالكلام يا كساب .. كلمتين بيتقالوا شفقه يعني ، لكن أنتوا عارفين أكتر مني أني ما بخلفش و مش هخلف
كساب:ما فيش حاجة بعيده علي ربنا .. أنتي بس قولي يارب
سدن بحزن:يارب
( روايات بسوم )
أبتسم كساب ، و أتكلم و هو بيحاول يغير الموضوع ....
كساب:هو فين جوزك صح ؟
سدن:في الشغل .. هيخلص شغل و هيجي
كساب:طب أمك عملت لنا الغدا ولا لسه ؟
سدن:لسه .. هتعمله دلوقتي
كساب:لا و الله ! طب أجري يا أختي يالا أعملي الغدا معاها عشان تنجزوا .. انا جعان و نازل كمان شويه ، و عايز أكل قبل ما أنزل
سدن:حاضر
كساب:حضرلك الخير
مشيت سدن .. و فتح كساب شات فيروز أول ما  شاف رسالة منها ، و بدأ يقرأ ردها ....
فيروز:تمام .. و أنت ؟
أبتسم و رد ....
كساب:تمام بردو
ردت فيروز علي طول ....
فيروز:يارب دايماً
كساب:و أنتي كمان .. بتعملي أيه بقي ؟
فيروز:ولا حاجه .. قاعدة في أوضتي لوحدي و بكلمك
كساب:بس !!
فيروز:أيوه
كساب:طب بقولك أيه
فيروز:أيه ؟ قول
كساب:عندك موبايل ؟
فيروز:أيوه طبعاً
كساب:طب لو طلبت منك حاجة هتكسفيني ؟!
فيروز:مش لما أعرف الأول أيه هي الحاجة دي
كساب:أقول يعني ؟
فيروز:ما تقول يا أبني
كساب بضحك:طيب هقول ، ما تزوقيش بس
ضحكت فيروز و هي بتقرأ الرسالة .. و ردت ....
فيروز:طب يالا بقي أتكلم
كساب:عاوز رقمك .. ينفع ؟
فيروز:أمممم ليه يعني ؟
كساب:كده يعني عشان نتكلم أسهل
فيروز:و مش هتديه لحد ؟
كساب:أيه شغل العيال ده .. انا كبير علي فكرة فيروز:طب ما انا عارفة
كساب:يبقي أبعتيه بقي
فيروز:ماشي أهو ********** بس خالي بالك منه كويس
أول ما قرأ كساب الرسالة ، نقل الرقم علي طول .. و بعدين رد ....
كساب:ما تخافيش .. في عينيا
فيروز بدلع:تسلملي عينيك
كساب:تسلميلي أنتي .. بقولك أيه بقي ، انا هقفل دلوقتي و هكلمك بليل .. ماشي ؟
فيروز:ماشي .. هستناك
كساب:تمام .. يالا سلام
فيروز:سلام
( روايات بسوم )
قفل كساب الكومبيوتر ، و سجل رقم فيروز علي موبايله .. و بعدين دخل علي أوضته .. و بعد ساعة خرج من أوضته و أتغدى مع أخواته .. و بعد ما خلص غير هدومه و نزل القهوة ....
بعد نص ساعه وصل إساف القهوة .. قعد جنب كساب و أتكلم ....
إساف:معلش أتأخرت عليك
كساب:ولا يهمك .. بس كنت فين كل ده ؟!
إساف:كنت نايم .. عامل أيه أنت
كساب:تمام .. و أنت ؟
إساف:الحمد لله
كساب:هتشرب أيه ؟
إساف:أي حاجة
كساب:انا هشرب قهوة كالعادة .. شوف أنت هتشرب أيه
إساف:طيب .. انا هشرب كركاديه بقي
كساب:ماشي
طلبوا المشاريب .. و بدأوا يتكلموا ....
كساب:شوفت اللي حصل
إساف:لا ما شوفتش .. وريني
ضحك كساب علي كلام إساف و رد ....
كساب:دمك خفيف
إساف بضحك:شكراً يا سيدي .. كنت هتقول أيه بقي ؟
كساب:....
........................
#بسمه_ممدوح