Fatal Attraction 2: Get Wild

Chapter 19

NAGPUNTA si Geallan at Dock sa mansiyon ng mga Cabral. Inimbitahan sila ni Falcon na mag-dinner sa bahay ng mga ito. Pagbaba pa lang ni Geallan ng sasakyan ay nakaabang na si Tanya sa labas ng mansiyon at agad nitong nilapitan ang dalaga at mahigpit na niyakap. Hindi siya nito hinihiwalayan, panay ang haplos nito sa kanyang buhok habang magkatabing nakaupo sa sofa. Humiwalay lang si Tanya sa kanya nang nasa hapagkainan na sila para maghapunan. Siguro sabik ito sa anak na babae kaya ganoon. 

Hindi rin talaga maganda kapag nag-iisa ang anak. Kaya siya, naku! Hinding-hindi siya magpa-family planning kapag nagkaasawa na siya. Anak kung anak! Lalo kung si Dock ang magiging tatay ng mga anak niya. Panigurado maganda ang lahi. Siguro sperm pa lang nito gwapo na.

Nanghihinayang tuloy siya sa mga ipinahid lang nito sa kumot. Ngayon lahat sinasalo na ng matris niya kaya nga lang pinapatay naman ng contraceptive pills na iniinom niya. Binilhan siya niyon ni Dock.

Kung nagpabuntis na lang kaya siya kay Dock. Keri lang kahit hindi siya panagutan. Magkaroon lang siya ng anak kahit wala ng asawa ayos lang. Kaso lang, wala naman siyang ibubuhay. Kailangan niya munang magtrabaho at mag-ipon saka siya magpapabuntis kay Dock. Wish lang niya na wala pa itong asawa sa mga panahon na 'yon.

"Geallan, anak, magkwento ka ng tungkol sa 'yo," hikayat ni Tanya kay Geallan. Tumayo ito sa mula sa pagkakaupo, kinuha ang isang putahe at inilapit sa kanya saka muling umupo.

"Paborito mo 'to noong bata ka pa," anito. Paborito? Hindi nga niya alam kung ano ito.

"Siguro po kung nakatikim na po ako nito noong bata pa ako tiyak magiging peyborit ko po 'to, kaso hindi pa po. Ano po ba 'to?" Kumuha siya ng isang piraso at inilagay sa plato.

"Mom, it's a bit creepy," Falcon said with a sigh. Katabi nitong nakaupo si Tanya.

"I agree," segunda ni Seg, ang esposo ni Tanya na katabi naman nitong nakaupo sa kabila habang ang nasa kabisera naman si Don Ulysses at katabi nito ang asawang si Donya Lana.

"It's a chicken lollipop. Niluto ko talaga 'yan para sa 'yo."  Paliwanag ni Tanya na hindi pinansin ang anak at asawa. Kumagat si Geallan ng manok. Ngumiti siya kay Tanya.

"Masarap po. Diyos mi! Pritong manok lang pala 'to." Nakatawa niyang ani. Maging ang mga kasama sa hapagkainan ay nagsitawanan.

"Paborito ko nga po ang fried chicken noong bata pa ako. Sa sobrang paborito, yung daing po in-imagine ko na lang na fried chicken. O kaya naman po iyong kanin huhubugin na hugis manok. Hindi kasi ako madalas na nakakakain n'on. Sa eskwela lang, kapag binibigyan ako ni Javan ng baon niya."

Muli siyang kumagat. Ang sarap nito. Naalala niya noong bata pa siya. Pritong isda, gulay o kaya naman ay daing ang ulam niya habang si Alice ay fried chicken. Inggit na inggit siya noon. Nang magtanong naman siya sa nanay niya kung bakit magkaiba ang ulam nila ni Alice ay kinagalitan lang siya. Bakit daw siya nagtatanong pa, e, pasalamat na nga lang daw siya at pinapalamon pa siya.

"Hindi ka man lang ba ipinagluto ni Alma ng ganyan?" Nagkibit si Geallan. Hindi na pinagtakhan kung bakit alam ni Tanya ang pangalan ng nanay niya. Naalala niyang nasabi niya iyon sa kapatid nitong si Sarah.

"Nagluluto naman po si Nanay ng fried chicken, pero mga dalawang piraso lang. Para kay Alice lang po, sa kapatid ko. Minsan nga po, palihim akong kumurot sa manok, ayon tadtad rin ng kurot ang nakuha ko mula kay nanay." Marahang natawa si Geallan sa sariling kwento.

Bigla na lang humikbi si Tanya na pinagtakhan ni Geallan. Kinabig ito ni Seg sa bisig nito.

"Seg, ang anak natin. I couldn't imagine what she went through. She doesn't deserve this." Hinagod ni Seg ang likod ng asawa.