مصيرُ طفل .. الجزء الأول من سلسلة " ضحايا القناع "

* الفصل التاسع *

قام إساف ب هدوء ، و بدأ يمشي ب خطوات بطيئه لحد ما وصل ل باب الغُرفه .. فتح الباب ب حذر ، و خرج و قفله ب نفس الطريقه .. و بدأ يمشي ب هدوء و ب حرص .. و فجأه قبل ما يوصل ل آخر الدور ، وقف في صدمه أول ما سمع صوت المُشرفه بتنده عليه ....
- أستني هناااا .. أنت رااايح فييين !!!
ما قدرش إساف يرُد و أتملكه الخوف و الرُعب ، و في لحظه كانت مسكت المُشرفه أيديه ب قسوه ، و بدأت تسحبه بعيد عن السلم و هي بتتكلم ب غضب ....
- انااا عااوزه أعرررف أنت كُنت رااايح فين !!! انت فاكرها و كاله من غير بواب ولا أييه .. ولا تكون ناوي تهرب ، أنا هعرف أزاي أربيك و أعرفك قواعد المكان اللي أنت فيه ، و أعلمك أزاي تلتزم بيها
صوت المُشرفه بيعلي أكتر ب غضب ، و إساف كُل أطرافه ب تترعش ب خوف و هو ماشي معاها في صمت .. لحد ما وصلوا ل غُرفه صغيره ، فتحتها المُشرفه و دخلت إساف فيها و هي بتتكلم ب قسوه ....
- أنت هتقعُد هنا لوحدك ، و ما أسمعش نفسك حتي .. لحد ما أجيلك و أشوف معاك حل و أعرف أزاي أعلمك الأدب
سكتت المُشرفه ، و قفلت الباب ب المُفتاح و مشيت ....
في الغُرفه .. قعد إساف علي الأرض أول ما المُشرفه قفلت الباب ، و بدأ يدمع في صمت ، و بعد دقايق أنفجر في البُكاء ب ضعف ....
( روايات بسوم )
""""""""""""""""""""""""""""""""""""""""""""""""""""""""""""""""""""
في القاهره ..........
قاعده روبين علي سريرها بتبكي .. و صفوان صحي قعد جنبها ، و أتكلم ب ضيق .....
صفوان:حرام عليكي بقي اللي بتعمليه في نفسك و فيا ده .. أنتي هتفضلي كده ليل و نهار بتعيطي .. مش هتسكُتي شويه !! انا مش عارف أنام خالص
بصتله روبين ب حُزن ، و صرخت و أتكلمت ب إستحقار ....
روبين:ما عشان أنت ما عندكش دم ، و ما بتحسش .. نايم و أبنك مش عارفين له طريق .. ولا علي بالك حاجه
بصلها صفوان ب هدوء و ماردش ، و نام تاني .. صرخت روبين في اللحظه دي ، و أتكلمت ب إنفعال ....
( روايات بسوم )
روبين:مش هتناااام يا صفوااان ، مش هتناام و تسيب أبني كده مش عارفه هو فين .. زي ما ضيعته تجيبهووولي .. أنزل حالاً و أقلب الدنيا ، و ما ترجعليش غير بيه .. علشان أقسم بالله لو ما عملتش كده هنزل أنا أدور عليه .. بس و الله ساعتها مش هتشوف وشي تاني
قام صفوان من علي السرير وقف ، و بص ل روبين ب غيظ و أتكلم ....
صفوان:أنتي بتمسكيني من أيديا اللي بتوجعني يعني !! عموماً ماشي هعملك اللي يراضيكي .. بس خليكي عارفه أني لو ما لقيتهوش أنتي بقي اللي مش هتشوفي وشي تاني
مشي صفوان ، و أتكلمت روبين ب صوت عالي ....
روبين:أحسن علي فكررره .. انا أصلاً مش عايزه أشوف وشك تاني .. أنت مش أغلي من أبني اللي ضيعته
في اللحظه دي .. وقف صفوان بصلها ، و أتكلم ب ضيق ....
صفوان:هو أيه اللي كُل شويه تقوليلي أنت اللي ضيعته .. هو أنتي شوفتيني ضيعته فين !! انا يعني قولتله أمشي و ما ترجعش ؟
روبين بدموع:لا أكيد ما قولتلهوش كده .. بس انا عارفاك و عارفه أسلوبك و مُعاملتك ، و أكيد أنت السبب أنه رااااح
صفوان بهدوء:انا السبب في أيه ، و مال أسلوبي !! مش يمكن يكون أتخطف ؟
في اللحظه دي .. صرخت روبين ب صدمه ....
روبين:أتخطف !!! يعني أييييييه ؟ أبني أتخطططف ؟!!!
أنهارت روبين ، و ما عرفش صفوان يهديها .. و فجأه فقدت الوعي ....
( روايات بسوم )
""""""""""""""""""""""""""""""""""""""""""""""""""""""""""""""""""""
في أسكندريه ...........
بعد أكتر من ساعه .. فتحت المُشرفه باب الغُرفه اللي قاعد فيها إساف ، و دخلت و قفلت الباب و وقفت قُصاد إساف ، و أتكلمت ب قسوه ....
- طبعاً أنت مش عارف اللي عملته ده غلط أزاي .. و مش عارف بردو أنك المفروض تتعاقب عقاب قاسي جداً علي اللي أنت عملتُه ده
سكتت لحظات و هي بتمشي ب خطوات بطيئه .. و وقفت تاني و بصت ل إساف ، و ضحكت ب إستهزاء ، و أتكلمت ب تعجُب ....
- بتهرب !! عايز تهرب ؟! من أولها كده !! عجباك راميه الشوارع للدرجه دي ؟
في اللحظه دي .. أتكلم إساف ب إندفاع و الدموع مغطيه وشه ....
إساف:لا انا مش بحب الشوارع .. انا عندي أهل و عندي بيت
ضحكت المُشرفه جداً ، و ردت ب إستهزاء ....
- و لما أنت ليك أهل أيه اللي جابك هنا .. فين أهلك دول !!
إساف ببراءه:طنط اللي برا معاها عنوان عمتي و أسمها ، و قالت أنها هتوديني ليها
ردت الُشرفه ب هدوء ....
- اها هتوديك ل عمتك .. بس لحد بقي ما نلاقي عمتك دي هكون انا عرفت أزاي أربيك ، و أعلمك أنك تحترم المكان اللي أنت فيه
بصلها إساف ب دموع و ضعف و ما ردش .. و هي مشيت لحد الباب ، و وقفت و أتكلمت ....
- أسبوع هتفضل في الأوضه دي لوحدك .. ولا نور ولا لعب ولا صحاب و ما فيش عندك غير الفتحه الصُغيره اللي في الحيطه دي .. تدخلك بقي هواء و شمس ، و يومين مافيش أكل .. عشان بعد كده تبقي تخالي بالك أوي علي تصرُفاتك
سكتت المُشرفه ، و خرجت من الغُرفه و قفلت الباب ب المُفتاح ، و مشيت ....
أنهار إساف ، و أستمر في البُكاء ساعات لحد ما نام ....
( روايات بسوم )
°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°
سكت إساف ، و بص بعيد و هو بيحاول يداري دموعه .. لاحظ كساب و أتكلم بسُرعه ....
كساب:مالك يا إساف بس ؟ مش كُل ده عدا و فات .. ليه بقي مزعل نفسك كده !!
بص إساف في الأرض ، و أخد نفس ب ضيق و أتكلم ....
إساف:عادي ما فيش حاجه .. انا عارف أن كُل ده فات بس في حاجات بتعلم كده
كساب:يعني هتفضل طول عُمرها معلمه فيك يا إساف !!
بصله إساف ب كسره ، و رد ب حُزن ....
إساف:ل الأسف اها هتفضل طول عُمرها معلمه .. عشان انا مش بقدر أنسي اللي حصل لي في حياتي ، و مهما حكيت ده قليل أوي جنب وجع الحقيقه
كساب:عارف ، و عارف أن الكلام مش زي اللي حصل بجد .. بس انا عايزك تُخرج من دايره الماضي دي ، و أنت أكيد كُل ما هتكبر هتنسي
إساف:يمكن
كساب:لا أكيد
( روايات بسوم )
سكت كساب و إساف ما ردش .. و بعد ثواني إساف أتكلم ب ضيق ....
إساف:انا مش قادر أكمل النهارده .. أيه رأيك نتقابل بُكره ؟
كساب بإندفاع:براحتك طبعاً اللي أنت عايزه .. و انا كُل يوم فاضي ب الليل عادي .. يعني روح دلوقتي أرتاح ، و بُكره ب الليل نتقابل زي النهارده
إساف:خلاص تمام .. بُكره هتيجي تلاقيني بإذن الله
كساب:إن شاء الله .. يالا بقي خالي بالك من نفسك
إساف:حاضر .. سلام
كساب:سلام
مشيوا هُما الأتنين ، و كُل واحد راح علي بيته ....
طلع إساف شقته ، و قعد علي سريره .. و بدأ يرجع ب ذاكرته ....
( روايات بسوم )
°°°°°°°°°°°°°°°°°°فلاش باك°°°°°°°°°°°°°°°°°°
سنه 2001 .........
إساف قاعد في أوضته لوحده ، و بيبكي ب ضعف ....
دخلت روبين الأوضه فجأه ، و أول ما شافت إساف في حالته دي .. جريت عليه ب فزع ، و حضنته و أتكلمت ....
روبين:مالك يا حبيبي !! فيك أيه ؟ مين زعلك ؟
إساف بدموع:ما حدش زعلني يا ماما
روبين بقلق:أومال مالك .. بتعيط ليه ؟!
إساف:كده .. انا زعلان لوحدي
بصتله روبين ب خوف ، و أتكلمت ....
روبين:قولي مالك ؟ زعلان من أيه !
إساف ببرائه:زعلان من بابا
روبين:ليه يا حبيبي ؟!! بابا عملك أيه بس !
إساف بحُزن:علي طول بيضربني و بيزعلني .. هو ليه ما بيعملش كده مع أخواتي يا ماما ؟ و ليه مش بيلاعبني و يعاملني كويس زيهُم ؟؟!
بصت روبين ف الأرض ب حُزن ، و ردت ....
روبين:عشان هُما صغيرين يا حبيبي لكن أنت كبير .. هو شايفك راجل كبير لكن أخواتك أطفال
بصلها إساف ب تفكير ، و أتكلم ب ضعف ....
إساف:بس انا مش كبير أوي .. انا نفسي يا ماما بابا ما يضربنيش
في اللحظه دي .. دمعت روبين و حضنت إساف ب قوه ، و أتكلمت ب حُب ....
روبين:ما تزعلش يا حبيبي ، حقك عليا انا .. و الله هقول ل بابا ما يضربكش تاني
إساف بإندفاع:بجد يا ماما ؟
روبين:اها يا حبيبي بجد
في الوقت ده .. بعد إساف عنها ، و بصلها ب قلق .. و أتكلم ب حُزن ....
إساف:بس أنتي يا ماما مش بتقدري تتكلمي مع بابا .. كُل مره لما بتيجي تدافعي عني بيضربك زي ما بيضربني ، و مش بتعرفي تجيبي لي حقي
أتصدمت روبين ، و ردت ب إرتباك ....
روبين:ما تقولش كده يا إساف .. انا بعد كده هجيب لك حقك ، و مش هخالي حد يزعلك تاني أبداً .. أقولك طيب حاجه حلوه
إساف بإنتباه:أيه هي ؟
روبين:قوم يالا ألبس عشان هأخدك معايا ، و أنزل أفسحك و أجيبلك حاجه حلوه
بصلها إساف ب فرحه ، و رد ب بهجه ....
إساف:بجد يا ماما هتفسحيني ؟
روبين بحُب:بجد يا روح ماما .. قوم بقي يالا ألبس بسُرعه لحد ما انا كمان ألبس
إساف بفرحه:حااضر .. خمس دقايق و هخلص
روبين:برافو عليك يا حبيبي
إساف:...
( روايات بسوم )
°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°
أترسمت إبتسامه حزينه علي ملامح إساف .. و قام ب هدوء غير هدومه ، و دخل المطبخ عمل شاي و ساندويتش .. و بعد ما خلص أكل ، رجع علي سريره و نام بعد تفكير طويل ....
( روايات بسوم )
«»«»«»«»«»«»«»«»«»«»«»«»«»«»«»«»«»«»«»«»
في نفس الوقت ..........
وصل كساب البيت ، و بعد ساعه فتح الكومبيوتر ، و فتح إميل جوجل .. و أول ما فتحه شاف رساله .. فتحها بسُرعه و بدأ يقرأها ، و بعدين رد .....
- حلو فيروز .. بس ليه يعني كاتبه أي حروف كده و خلاص ؟!
بعت كساب الرساله ، و بعد ثوانه وصله الرد ....
- مش عارفه .. أصل انا لسه جديده في موضوع النت ده ، و بصراحه مش فاهمه حاجه فيه
أبتسم كساب ، و رد علي طول ....
كساب:يبقي شكلك كده بعتي لي طلب إضافه ب الغلط
فيروز:بصراحه انا فعلاً أستغربت لما شوفت رسالتك .. بس ما أعرفش أيه بقي طلب الإضافه و الكلام الكبير ده .. بقولك لسه جديده
كساب:طيب يا ستي بقي ليكي عليا أعملك كُل حاجه
فيروز:أيه ده بجد ؟
كساب:بجد جداً .. الأول قوليلي بقي أنتي منين ؟
فيروز:من القاهره .. و أنت ؟
كساب:من أسكندريه .. بس باجي القاهره كتير
فيروز:ليه بقي ؟!
كساب:أصلي بلعب Basket ف باجي ماتشات كتير في القاهره
فيروز:وااااو حلوه جداً كوره السله .. علي كده بقي أنت طويل
ضحك كساب جداً ، و رد ....
كساب:اها طويل .. الحمد لله
فيروز:ربنا يديلك و بلاش أحنا
كساب بضحك:أيه ده بقي .. أنتي قصيره ولا أيه
فيروز:ل الأسف
كساب:يالا معلش بُكره تطولي
فيروز بضحك:يسمع منك ربنا .. عندك كام سنه بقي ؟
كساب:عندي 24 سنه .. و أنتي ؟
فيروز:15 سنه
كساب:ياااااه صغيره أوي
فيروز:مش هفضل طول عُمري صغيره
كساب:ماشي يا لمضه .. معلش بقي هقفل عشان أنام ، و بُكره نتكلم تاني
فيروز بضيق:ليه كده ؟
كساب:عشان عندي شُغل الصُبح
فيروز:اهاا ربنا معاك .. خلاص ماشي تصبح علي خير
كساب:هكلمك بُكره .. و أنتي من أهله
فيروز:بإذن الله .. سلام
كساب:سلام
كُل واحد فيهُم قفل ب إبتسامه و فرحه .. و ناموا بعد وقت قُليل ....
( روايات بسوم ) 
«»«»«»«»«»«»«»«»«»«»«»«»«»«»«»«»«»«»«»«»
صحي إساف الصُبح بدري ، و نزل الشُغل .. و بعد ساعه و هو بيطلع طلبات ل ناس شاف كساب قُصاد القهوه .. أبتسم جداً و نزل الطلبات ، و راح ل كساب و أتكلم ....
إساف:صباح الفُل
كساب:صباح النور .. عامل أيه النهارده
إساف:تمام .. أيه رايح الشُغل ولا أيه ؟
كساب:اها رايح أهو .. هنتقابل ب الليل ها
إساف:أكيد ما أحنا متفقين
كساب:تمام .. عشان كمان عاوز أحكيلك علي حاجه
إساف بإستغراب:حاجه أيه !!
كساب:هقولك ب الليل بقي عشان متأخر دلوقتي
إساف:خلاص ماشي .. ربنا معاك
كساب:و معاك .. يالا سلام
إساف:سلام
مشي كساب بسُرعه ، و إساف دخل القهوه يكمل شُغل .. و كُل تفكيره في الماضي .....
( روايات بسوم )
°°°°°°°°°°°°°°°°°° فلاش باك °°°°°°°°°°°°°°°°°
سنه2001 .........
قاعد إساف في أوضته لوحده بيلعب .. و فجأه و هو بيلعب سمع صوت عالي و مُلفت في الصاله .. قام ب هدوء ، و وقف جنب باب الأوضه ، و بدأ يسمع اللي بيحصل و يركز في الصوت و الكلام اللي بيتقال .. و فجأه .....
........................
#بسمه_ممدوح