ပိုဆိုးသည်က အခုမေးခွန်းကို သူ့ကို မမေးဘဲ P'Sing ကို မေးလိုက်တာပင်...။ P'Sing မျက်နှာကို Kit တစ်ချက်ခိုးကြည့်လိုက်သည်။ P'Sing ကတော့ မျက်နှာမပျက်ဘဲ စကားတွေပြန်ဖြေနေသည်။ ဒါပေမယ့် P စိတ်ထဲမှာ တစ်မျိုးတော့ ခံစားသွားရမှာ သေချာသည်။ P က သူ့မျက်နှာမှာ ဘာကိုမှ ထုတ်ပြမှာမဟုတ်...။
သူနဲ့ P'Sing ဒီလောက်ထိ ခရီးအရှည်ကြီးလျှောက်လာခဲ့ကြတာ တစ်ယောက်နှင့်တစ်ယောက် ဘယ်လိုအကြောင်းကြောင့်နှင့်မှ အထိခိုက်မခံနိုင်ပေ။ Reporter တွေရဲ့ မေးခွန်းတွေက တစ်ခါတစ်ရံ အမေးမတတ်သည့့်အခါမျိုးဆို ခပ်ပြင်းပြင်းထိုးနှက်နေသည်နှင့်ပင် တူတတ်သည်။ သူတို့လို အနုပညာရှင်တွေ ဘဝဟာ ဘယ်လိုများ အပြစ်တင်ကဲ့ရဲ့ခံဖို့ စောင့်နေကြရသလဲလို့ တစ်ခါတစ်လေ Kit ထင်မိသည်။ ပရိသတ်တွေကတော့ အဲ့လိုမဟုတ်...။ Fan တွေက သူနဲ့ P'Sing အပေါ် အမြဲနားလည်မှု အပြည့်နဲ့ ချစ်ခင်ပေးဖို့ အသင့်ရှိနေကြသည်။ ဒါကြောင့့်လည်း Kit က Fan တွေကို အရမ်းချစ်မိတာပင်။
"Kit နဲ့ သူ့ကောင်မလေးပြတ်သွားတာ Sing ကြောင့် တစ်စိတ်တစ်ပိုင်းပါနေလား။" အတွေးတွေကို ပြတ်တောက်စေတဲ့ အဲဒီ့မေးခွန်းကြောင့် Kit မျက်နှာ အနည်းငယ်ပျက်သွားသည်။ ဒီလူတွေ ဘာကို အတည်ပြုချင်နေလဲဆိုတာ သူ တွေးမရဖြစ်မိသည်။ သူတို့နှစ်ယောက်ချစ်နေကြပြီဆိုတာကို အတည်ပြုစေချင်နေတာလား။
"ကျွန်တော့်အစ်ကိုကို အဲ့လို မမေးကြပါနဲ့... ကျွန်တော့်ရဲ့ ကိုယ်ပိုင် စိတ်ခံစားချက်ကြောင့် ကျွန်တော်တို့ဘာသာ အေးအေးဆေးဆေးပဲ ပြီးဆုံးလိုက်ကြတာပါ။ P'Sing နဲ့ ဘာမှမဆိုင်ပါဘူး။"
သူ့အသံက အနည်းငယ်စိတ်ရှုပ်သွားဟန်ပေါက်သွားလားဆိုတာကို သူကိုယ်တိုင်ပင် သတိမထားမိဘဲ ဖြေလိုက်မိသည်။ သူ့အပြုအမူကို reporter တွေလည်း သဘောပေါက်သွားကြသလားမသိ...။ တခြားမေးခွန်းတွေပြောင်းမေးလိုက်သည်။
မေးခွန်းတွေကို ပြန်စဉ်းစားမိတိုင်း Kit မျက်နှာက ပိုပြီး စူပုပ်ပုပ်ဖြစ်လာမိသည်။ ဓာတ်ပုံရိုက်ဖို့ တန်းစီကြတော့လည်း P'Sing က စကားလာပြောတာကို ကိုယ်အတွေးနဲ့ကိုယ် မကြားဘဲ ဖြစ်သွားလို့ P မျက်နှာတည်သွားသည်။ ဒီနေ့ P က သူ့ကို မျက်စိဒေါက်ထောက်လိုက်ကြည့်နေလို့ စိတ်ကောက်ပေမယ့်လည်း နည်းနည်း ရင်ခုန်နေသည်။ တစ်ခါတစ်လေဆို P က သူ့ကို အဲ့လိုပဲ တစိမ့်စိမ့်ကြီး ကြည့်နေတတ်သည်။ P အဲ့လိုကြည့်တိုင်းလည်း သူ့ရင်တွေက ပုံမှန်ထက်ပိုပြီးခုန်နေကျပင်...။
YOU ARE READING
ရင်ခုန်သံမညာကြေး Or Peraya's Dream
FanfictionKrist နဲ့ Singto တို့ရဲ့ real life နဲ့ နီးစပ်တဲ့ fics လေးတစ်ပုဒ်ကို စိတ်ကူးယဉ်ဖန်တီးထားပါတယ်။ Peraya လေးတွေအတွက် ပျော်စေချင်လို့ပါ။ ချိုမြိန်ခြင်းတွေ အတူစားသုံးကြပါစို့။ Zawgyi Krist နဲ႔ Singto တို႔ရဲ႕ real life နဲ႔ နီးစပ္တဲ့ fics ေလးတစ္ပုဒ္ကို စိတ္...
အပိုင်း - ၁၈(B) (z+u)
Start from the beginning
