My Vampire Girl

~ #BagongTV ~

Inayos ko ang collar ng uniform ko. Siniguro ko na hindi mahahalata na may malaking band-aid na nakatapal sa leeg ko. Kung sino man ang nag-design ng uniform namin, nagpapasalamat ako sayo dahil ginawa mong chinese collar ang collar naming mga boys. Hehe, hindi mo ko pinahirapang itago ang sugat ko sa leeg.

Makalipas ang ilan pang minuto ng pag-aayos, lumabas na ako sa kwarto ko.

Pagbaba ko, may baliw na nag-aabang sakin sa living room.

"Whassup Patrick yow! Lezz go na to the dining rowm! Em zo hungry na! Hashtag hungry to death."

Napailing nalang ako sa kanya. Lagi nalang syang gutom. Napakahalimaw ng bituka ne'to. Naubos na ang ipon ko sa pagbili ng mga bagong appliances at furnitures dahil nasira yung luma tapos pati ang pagkain ng patay gutom na to iniintindi ko pa.

Lord?! Are you there? Inihihingi ko po ng kapatawaran ang kung ano mang kasalanan ko na nag-udyok sa Inyo upang ibigay sa'kin ang kaparusahang ito. Lord! Kung itinadhana Nyo pong makasama ko ang baliw na ito habang buhay, handa po akong ialay ang buhay ko sa inyo at mag-pari kapalit ng katahimikan. Lord! Answer me! Lor---

Biglang kumulog ng napakalakas. Sa sobrang lakas, namatay yung ilaw ng halos dalawang segundo. "Emeghed?! Soooo scaryyy~~ mukhang bad mood ang weather ah"

Hehe, Lord, joke lang po yun! Hehe. Kailangan ko lang po ng budget. Yun lang Lord! Hindi naman kayo mabiro Lord. HAHA!

Naupo na ako bagong biling upuan at kumain sa bagong biling dining table. Bagong bili din ang pinggan, baso at kubyertos na gamit ko ngayon. Oo, bagong bili lahat, tangina.

Kahapon, bumili ako ng mga bagong throw pillow, bagong picture frames, bagong TV at kung ano ano pang gamit sa bahay. Akala nga nung salesman sa SM bagong kasal kami at bumibili ng gamit para sa bago naming bahay. Kadiri. Next time hindi ko na isasama yung bampira na 'yon para makaiwas na rin sa mga awkward-slash-nakakadiring situations.

Flashback

"Good afternoon Ma'am, Sir." manong salesman.

Nginitian sya nung bampira, ako naman hindi sya pinansin. Dumeretso agad ako kung nasan yung mga TV.

"Anong tv bibilhin mo?" tanong nya.

"Ano bang gusto mo? Ikaw lang naman gagamit nyan." sagot ko.

"Kahit ano basta napapanooran."

"Ma'am, Sir, ano po bang hanap nyo?" tanong ng salesman, "Dito po sa side na ito ay mga electric fan, sa kabila po ay washing machine, ref at oven, doon po sa side na yun ang mga TV"