بيرق الاحزان
همس القوارير
البارت ١٤
وفعلا دخلوني عمليات لان ميصير عندي ولاده طبيعيه دخلت للصاله شافو ضغطي لگوه مرتفع شوي انطوني علاج وزلال مرتفع عندي المهم گالوا لازم اليوم العمليه نمت عالسديه من بعد ما نزعت ملابسي وذهبي واباوع لادوات العمليه والصاله حيل تخوف نمت واني ادعي ربي وعيوني تدمع ان يگومني بالسلامه اجه دكتور التخدير ديضربني ابره بالوريد انتي شنو اسمج ومن وين
زمن
اني زمن ونمت بعد ما حسيت على نفسي اله واني ديشيلوني ويخلوني عالسرير ويوسف وياهم شويه وبدت امي تضرب على وجهي
امي
زمن ماما گعدي تعرفيني ماما جاوبي حبيبتي
اني گمت اهز براسي اجه يوسف لزم ايدي وباسها
زمن
يوسف بطني راح اموت
واغمى عليه بسرعه اجه الطبيب والممرضات خلولي مغذي وابره بالوريد حسيت خف الالم شوي حسيت على نفسي افتح عيوني
زمن
وين ابني
امي
ابنج بالخدج لان جاي بالثامن ودينطونه علاج يكمل الرئه مالته خطيه لان ناقص
زمن
وهو زين مبيه شي
يوسف
مبيه شي بس انتي شدي حيلج گوميلنا بالسلامه
بقيت ٣ ايام مستشفى يوسف حبيبي ولا عافني ليل ونهار وياي عرفت صارت عندي ولاده مبكره لان حاله نفسيه يجيبولي ابني ارضعه وبعدين يرجعونه للخدج ما احب المستشفى ولا احب ابقى بيها انطوني علاجات وابر وثالث يوم طلعت من المستشفى اني وابني سميناه حيدر رحت لبيت اهلي حتى ارتاح كم يوم وهمين امي تداريني لان هناك محد ألي ضليت عند اهلي تقريبا اسبوع مر عليه عبالك سنه خطيه يوسف يوميه يجي ويشوفنا ويجيبلنا مسواگ وشغلات نحتاجها وحيل فرحان بحيدوري حبيبي ورى اسبوع تخربط علي ابني كولش وبده يختنگ خابرت على ابوه اجه يركض وديناه للمستشفى وگالو لازم يبقى بالمستشفى لان وضعه خطر وفعلا بقينا خمس ايام على الاوكسجين والمغذي والابر الى ان تعافت صحته ورجعت لبيت عيالي بغرفتي اول ما شافت عمتي ابني
عمتي ام يوسف
دجيبيه خلي اشوفه هذا الي موتنا ما وراه بس الضيم مثل امه
اني سكتت وخليته بحضنها ضلت تباع عليه وتبوسه وتناغيه بعدها انطتنياه ارضعه كان يوسف طاير بينا وبرجعتنا للبيت وسمعت من هناء انو حجت ويه امها حتى نطلع بيت لوحدنا وهي مقبلت وگالت احاول وياها مرة الخ هيج مرة الايام كولها مرار وضيم من ورى عمتي وصار عمر حيدوري ٨ اشهر وحملت مرة الخ بدون ما ادري وجبت علي صارو عندي ولد اثنين وجارعه المر من ورى عمتي كولش مأذيتني احس بيها گامت تغار لان يوسف مهتم بيه وبجهاله مرات تعيب وتضحك وتستهزء بيه گدام يوسف ومرات تگوله متتزوج شبيك هي هاي هم مره جنت اموت قهر من حجيها بس مجبوره اسكت لحد ما حيدر عمره سنتين ونص وعلاوي سنه بوكتها كنا گاعدين اني ويوسف بالغرفه مالتنا ويمنا الجهال ابوهم جايبلهم حلويات وعصاير دياكلون واجتي عمتي علينا
ام يوسف
انتي ولج عوبه هيج منج ومن اهلج يا حراميه
يوسف
شكو يمه شصاير ليش هيج تغلطين
ام يوسف
اي حقك ما تدري نايم ومأمن بمرتك الحراميه متدري افلوسك وغراضك تنباگ وانت متدري
يوسف
شنو هالحجي يمه شبيج انتي هذا شلون حجي
زمن
يمه شبگت منج اني من اخذتكم لحد الان مجربيني وتعرفوني لا ايدي طويله ولا لساني طويل
ام يوسف
شمدربنا والله غراض البيت هواي ومنحس بالنقص لحد ما اليوم بگتي سوار بيداء الذهب شافج ابنها طالعه من غرفتهم
زمن
لا والله كذب وربي لا دخلت غرفتهم لا اليوم ولا قبله واني عمري كوله ما مديت ايدي على شي مو ألي حسبي الله ونعم الوكيل
ام يوسف
يا سافله يا حقيره تتحسبين عليه اني اعلمج
وجرتني تريد تضربني والتموا كل الي بالبيت ولزم ايدها يوسف
يوسف
لهنا وكافي هنتيها بما فيه الكفايه تعبتيني وتعبتيها وياج تريد ترضيج بكل الطرق وانتي ما ترضين منعتي عنها الاكل والشرب والطلعه وحبستيها بغرفتها لحد يحجي وياها ولا تحجي ويه احد تغلطين وتهينين وتعيبين عليها وهي ساكته تهمتيها بشرفها وهي ساكته بس مال تطلعينها حراميه لهنا وكافي گومي زمن لمي ملابسج وملابس الجهال اوديج لهلج
ام يوسف
تخوفني خفتن وراحه ساحرتك الفاجره اني اعرفها هي وامها يدورن سحوره ليل ونهار وگلبنك عليه
