بيرق الاحزان

البارت 1

بيرق الاحزان

همس القوارير

البارت الاول

هكذا كتبت حروف يدي هكذا اراد القلم اسم قصتي بيرق الاحزان الذي علقته على عمري وسنيني ومازال يرفرف في سماء قلبي

اني زمن من واني صغيره وانه الدنيا ترميني بسهامها عشت عمري كوله واني قليلة حظ احنا عائله كبيره اربع اولاد و٣ بنات خواتي اثنين واني تسلسلي اكبر البنات والاولاد اني البكر توفى ابويه الله يرحمه واخوي الصغير مهدي عمره سنه ونص واني كان عمري وكتها ١٤ كنت بالثالث متوسط بس مچنت شاطره بالدراسه اني بيضه حيل وجهي مدور وعيوني مدوره كل واحد يشوفني يگولي بوجهج برائه ورقه من جنت اداوم اني وصديقاتي بالمدرسه اشوف الولد ينعجبون بيه اني اكثر وحده صديقاتي اثنين  وبالرغم وحده منهن عيونها زرگه بس ما اعرف ليش يجون عليه اروح وارجع وياهن للمدرسه كانت الدنيا شتى وبارده وچنت البس كوت نيلي وكنت دائما احب امشي بالطرف مره من المرات داومت ودامشي اني وصديقاتي رايحه للمدرسه وتعدى من يمنا شاب جان يگول احلى وحده بيجن الي لابسه كوت نيلي صديقاتي گامن يباوعن عليه گتلهن شكو اني شعليه هو اني حجيت وياه  ليش هيج تخزرن بيه من يومها گامن يكرهني ويضوجن مني بالرغم جنت احبهم والله بس حسيت بيهم گاموا يغارون اني مهتميت لان الله خلقني متواضعه والحمدلله وهمين على شنو انغر جان حالنا فقره وبلگوه ناكل مجان اكو فد معين يساعد امي بس رحمة الله والله ما ادري شلون عشنا ذيج الفتره جنت احب الدراسه بس ما عندي ملابس بيها خير اداوم بيها جنت من اشوف البنات يشترون اباوع بس بعيوني واضغط على بطني حتى لا تنمغص وتطلع صوت من الجوع واتفشل من صديقاتي عمري ما طلبت من امي مصرف او ملابس او حتى قلم جنت اگول حتى من اگوللها منين تجيبلي ما اثگل عليها او احسسها بشي من صارت امتحانات نص السنه وامتحنت طلعت راسبه لان ما ادرس بالرغم كنت كولش ذكيه وذاكرتي ما شاءالله تمام ما انسى

امي

زمن انتي بعد كافي اذا ما فالحه بالدراسه بعد المن مداومه بس روحه وجيه گعدي بالبيت احسن

زمن

لا الله عليج خليني اداوم بس اكمل السنه يمكن انجح

امي

انتي راسبه من وين يجيج النجاح

لا تگوليلي ولا اگوللكم امي رادت وحده تساعدها بالبيت وتعينها

امي

خلاص بطلي هالسنه والسنه الجايه رجعي

زمن

ماشي بس السنه الجايه ارجع

وفعلا بطلت واني ثالث متوسط ورى اسبوع من بطلت اجتي صديقتي نوف وياي نفس الشعبه

نوف

زمن ليش بطلتي والله مكانج وحشه والمدرسه دزت عليج تگول ليش بطلت يمكن تنجح

زمن

لا امي متقبل دگول على شنو رايحه وجايه ترجعين السنه الجايه

نوف

براحتج بعد بس والله نشتاقلج

زمن

من تشتاقيلي تعالي شوفيني

هيج وبطلت من المدرسه عود السنه الجايه ارجع هنا اني صرت ام البيت الطبخ والتنضيف والخبز كوله براسي صحيح جان عندي خوات بس ميتحركن كوله اني جنت من اشوف امي تشتغل لو تنضف ما اخليها اروح اگولها گعدي اني اشتغل انت متجيسين شي بالرغم امي جانت صغيره مو كبيره تقريبا عمرها ٣٨. سنه بس همين ما اخليها لزمت مسئوليه البيت واني عمري ١٤ سنه اخواني اذا تأخرو  باللعب بره اضربهم وما اخليهم يطلعون واني ادرسهم واني اغسل ملابسهم صرت امهم لان كانت امي متحب المسئوليه خلتها عليه وهي ارتاحت كبرت قبل اواني وقبل يومي علاقتنا بأهل ابويه مگطوعه من مات ابويه عبالك انتهت علاقتهم بينا ابويه عنده اخوان ٣  وخوات ٣  بس انتهت علاقتنا بيهم بوفاة ابويه الله يرحمه ابويه من مات كان شاب عمره تقريبا ٣٨ سنه بس قبل يزوجونهم وهم صغار جان يموت علينا وعلى امي جنا عايشين بخير وفلوس ونعمه بس من توفى راح كولشي وياه حتى الفرحه