بيرق الاحزان
همس القوارير
البارت التاسع
ورى شويه هدء الوضع يوسف بره ما دخل للغرفه ما اعرف امه مخلته لو هو يستحي يدخل يخاف يعيرونه دخل صالحها ومن هالحجي والله ما ادري ما اعرف شلون ناس لا ذمه ولا ضمير اني محجيت وهي شلون دارت الحجي ألي واني مضلومه تمددت عالجربايه گلت بلكي انام وارتاح شويه ودخل يوسف
يوسف
زمن گومي لمي هدومج اوديج بيت اهلج
زمن
لا يوسف فدوه العينك والله ممسويه شي ومضلومه والله محجيت اي شي يمس عمتي اني احبها وما احجي عليها هذا حجي بيداء والله خالتك سولفتلي
يوسف
گومي زمن امي متريدج بالبيت والبيت بيتها
زمن
وانت يوسف همين متريدني
يوسف
لا طبعا اريدج بس امي هسه عصبيه بلكت يومين تلاثه تهدء واجي عليج
گمت اخذتلي كم دشداشه وعطور وشغلات بسيطه وبدلت وطلعت اخذني لبيت اهلي وانطاني مصرف من الباب حتى ما دخل وراح ضليت اباوع عليه وعيني عليه الى ان طلع الفرع كول ساعه اگول هسه يباوعلي ويگولي لا تعالي رجعي ما اگدر بلياج دخلت جوه گعدت بالغرفه ابجي اجتي امي وسولفتلها على الي صار ما علقت بس كالت لا تنقهرين مو زين عليج يرجعلج وين يروح ما طلعت من الغرفه اجني خواتي يمي يصبرني ويسولفن وياي واني بس دموعي تصب بقيت بيت اهلي اول يوم وثاني يوم كل دقيقه اگول اجه عليه كول ميندگ الباب اركض عبالي هو اجه ضليت على نار بس لا تجبره يطلگني هي من الاول تكرهني ضليت لا اكل ولا اشرب ليل ونهار دمعتي على خدي لحد ما صارن عشر ايام يوم ١١ اجه لحيته طويله ووضعه تعبان اجه اعتذر وصالحني وحجه ويه اهلي واخذني رحنا لبيتهم امه شافت وضعه تعبان وگاتله روح جيب مرتك وگالي
يوسف
اول ما تدخلين تطيحين على امي
زمن
بس اني ممسويه شي ولا حاجيه
يوسف
بنضرها انتي الغلطانه والمذنبه الوحيده
زمن
ان شاءالله هي همين مثل امي
يوسف
عفيه عليج
دخلت للبيت لگيتها گاعده بالهول فتت عليها بوستها وبست راسها وسلمت عليها تجاوبني من ورى خشمها عود زعلانه ومعاجبها
دخلت غرفتي ورتبتها وطلعت نضفت البيت والمطبخ وبعدين سبحت وتمكيجت تعشينا ونضفت ودخلت الغرفه
يوسف
نورتي حياتي والله مشتاقلج
زمن
والله اني اكثر ليش هيج عفتني واني محتاجتلك
يوسف
والله معفتج يوميه اجي يم بيتكم واروح اشم ريحتج احس قريب عليج
زمن
وليش متدخل منو يمنعك
يوسف
محبيت اعاند امي اذا سمعت تزعل واني كولشي ولا زعل امي
زمن
حقك والله وعاذرتك بس وربي مضلومه
يوسف
ادري بيج مضلومه بس انتي شفتي الوضع جان كولش متأزم
المهم تعاتبنا وتصالحنا وچان فرحان بيه ومشتاقلي حيل ثاني يوم الصبح ريگت يوسف وطلع اجيت صبيتلها ريوگ معجبها
ام يوسف
شيليه منا اخاف مسويتلي سحر لان كولشي اتوقع منج
زمن
لا عمه شنو السالفه وين الگي السحر اني
ابو يوسف
شيليه بابا انتن بنات هالوكت تخوفن
زمن
براحتكم
بصراحه كولش انهضمت حتى عمي جان زين وياي ويساعدني همين گلبته عليه المهم رحت كملت شغلي ونضفت ورى شويه اشوف عمي يطكك بالثلاجه
زمن
هااا عمو محتاج شي اسويلك
ابو يوسف
لا ممحتاج سلامتج
شفته كمل وطلع رحت لگيت مخلي قفل للثلاجه ياا عزه شبيهم هذول هسه اني شمسويه وهيج يكرهوني
وهسه هو الاكل لمونه قافلين عليه الحمدلله والشكر كلش نقهرت وتعبت من هالوضعيه