100 Steps To His Heart [Published Book]

[41] Confessions.

Tumayo naman siya, agad na kinuha ang towel at pumasok sa C.R niya. Pagtingin ko kay Bryle at Venice…

“Bakit?”

“Ganon lang yun? Isang sigaw mo lang napasunod mo na agad? Ako kailangan ko pa makipagbugbugan?” sabi sa akin ni Bryle.

“Kung susunod nga siya sa’yo, Hope eh pinagkakatiwala na namin siya sa’yo. Kung hindi pa rin siya papasok kahit ako na ang magawa ng mga notes para sa kanya basta ipaaral mo sa kanya dahil malapit na ang 3rd Quarterly Exam. Hope, can we trust you?” Pressure naman ‘tong si Venice! Nakakaloka!

“Oo sige ako na bahala, gagawin ko ang lahat para maging ayos yang si Mico.”

“Thank you, Hope.” Tapos niyakap ako ni Venice. Nakakatuwa kasi nagaalala talaga sila kay Mico. Nakakatuwa rin na talagang kasali na ako sa kanila.

Pagkatapos naming, pinaayos namin sa mga maid ang kwarto ni Mico at nagpahanda na kami ng pagkain. Si Bryle at Venice kailangan ng umalis kasi may aasikasuhin pa sa varsity si Bryle, may practice pa ata.

Noong bumaba si Mico mas umayos yung itsura niya. Noong makita niya ako, sumimangot siya tapos medyo nagdabog. Hay naku, ito na naman yung isip batang side niya.

“Kumain ka na.” Utos ko sa kanya. “Mico, pumasok ka na bukas ha? Please? December 16-18 na yung 3rd quarterly exam. December 19 naman ang Christmas party. December 2 na po. Ilang araw na lang at ilang linggo ka ng wala sa school. Nabasa mo na ba yung binigay ko sa’yong notes?” Umiling lang siya.

“Basahin mo na uy! Sarili ko ngang notes di ako nagpapaphotocopy eh! Yung iyo pa lang! Kaya basahin mo naman. Si Venice daw gagawan ka ng notes ng mga namiss mo. Aralin mo please ha? Lahat kami nagaalala sa’yo.”

“Psh.” Yun lang sinabi niya habang kinakain yung tinapay at soup niya.

“Tigilan mo nga ako Mico ha. Ano bang problema mo?”

“None of your biz.” Biz? Anong biz?! Ineenglish na naman ako.

“Pero seryoso Mico, bumalik ka na sa dati please? Bakit ka ba nagkakaganyan? Tama na yan ha? Kahit mambully ka ulit or what basta wag ka ng ganito ha? Miss na kita eh.” Sinabi ko habang hawak yung braso niya, napatingin siya sa kamay ko tapos sa akin. Tumitig siya tapos biglang naging patay na naman yung mata niya.

“People change.”

Matigas pa rin talaga siya. Kung ano man yang problema niya malamang mabigat. Hindi ko naman masabi kay Tita kasi baka magalit siya.

“Basta hindi kita susukuan Mico.”

“You already did.”

“Ano yun?” Pero hindi na niya sinagot.

Mico, bumalik ka na please.

**

December 3, 2013 Tuesday 5:00 PM

“Hope, where are you going?” tanong sa akin ni Enzo na kakarating lang sa classroom namin.

“Pupunta ako kina Mico, bibigay ko ‘tong notes ni Venice na ginawa niya para sa kanya.”

“Mico? Again? Why do you always go there?”

“Pwede ka namang sumama eh. Bakit ba ayaw mong sumama?”

“I don’t want to see Mico like that. I don’t want to see him rebelling. Bryle told me everything that happened yesterday. Ayoko ng ganoon.” Ah, kaya naman pala. Si Bryle din eh, bago pa siya napilit ni Venice na pumunta kay Mico kahapon.

“Pero nagpromise talaga ako kay Venice na dadalhin ko kay Mico ‘to eh.”

“Bakit ikaw pa?”