Fatal Attraction 2: Get Wild

Chapter 10

"Anong boss?" Hinawakan ni Dock ang baba ni Geallan at mariing pinisil.

"I'm your boyfriend and not your boss."

"Magiging boss din kita kapag nagtatrabaho na ako sa 'yo. Ipapasok mo talaga ako?"

"Hmm-hmm. Pero kailangan mo munang asikasuhin ang mga papeles mo. Passport, US visa, seaman's book. Kailangan mo rin munang kumuha ng SOLAS. You should complete this basic training first before you can join as crew on board ship. And then, since hindi ka naman degree holder, kumuha ka na lang muna ng experience sa isang hotel bilang house keeping. Sa Grandeur Hotel, pwede ka r'on. Kaibigan ko ang may-ari niyon. Medyo matagal-tagal 'yon  kaya wala kang choice  kundi mag stay sa 'kin kung gusto  mo talagang magtrabaho sa barko." Iginalaw-galaw nito ang kilay. Keri lang kahit medyo matagal pero 'yong gastos ang inaalala niya.

"Magastos pala." Lumabi siya pero kapagkuwa'y matamis siyang ngumiti.

"Pwede utang muna tapos kapag nasa barko na ako saka ko babayaran?" Muling natawa si Dock at sa gigil ay hinalikan nito si Geallan sa labi.

"Kahit maraming-maraming halik na lang ang bayad ayos na 'yon." Bulong ni Dock habang pinupupog nito ng halik si Geallan. 

"Naku! Kapag gumanti ako sa halik mo baka mauwi na naman tayo sa  ano..."

"Ayaw mo?"

"Ang sakit pa ng katawan ko dahil sa mga ginawa natin kagabi.  Bakit ba kasi kailangan patuwarin mo pa ako, pwede namang nakahiga lang!" Muling malakas tumawa si Dock. At sa pagkakataon na iyon ay mas malakas. Itiningala pa nito ang ulo habang tawa nang tawa. Ano ba ang nakakatawa sa sinabi niya? Eh, totoo naman 'yon. Para silang aso kagabi. Tapos benend pa nito ang binti niya at idinikit sa dibdib niya ang mga tuhod kaya para na siyang palaka. Iyon pala ang hard-fuck na sinasabi nito. Pero masarap at nagustuhan niya. Masakit lang sa katawan.

Nang tumigil si Dock sa pagtawa ay muli nitong ikinulong ang kanyang mukha at seryoso siyang tinitigan sa mukha.

"Hay, Geallan, ilang araw palang tayong magkasama  pero binabaliw mo na ako."

"Masama ba 'yon o mabuti?" Pigil na tumawa si Dock at madiing inilapat ang labi sa kanyang labi.

"Magdate tayo ngayon. Ipapasyal kita. Mag malling tayo. Bili tayo ng sapatos mo. Hindi kasya 'yong binili ko sa 'yo." Medyo maliit nga ang binili nitong dalawang pares na sapatos pero nagkasya naman yung tsinelas.

INIWAN siya ni Dock sandali para magpunta ng comfort room. Ang ganda ng Grandeur Mall. Hindi yata kakayaning ikutin ang buong mall sa isang araw lang. Pagpunta pa nga lang ng comfort room ang haba na ng kanilang nilakad. Mula sa pagkakasandal sa stainless na barandilya sa lobby ay tiningala niya ang store front lettering. "Leila" ang nakalagay roon na gawa sa stainless steel. Itinuon niya ang tingin sa loob ng store. 

"Wow!" Manghang usal niya nang makita ang magagandang sapatos sa mga estante. 

"Ang gaganda." Ilang sandali niyang pinagmasdan ang mga sapatos mula sa labas at nang hindi makatiis ay nagpasya siyang pumasok. Panay ang usal niya ng wow lalo nang makita ang isang nude strappy high heels na may gems na nakakabit paikot sa strap. Lalapitan na sana niya iyon nang siya namang may bumangga sa kanya na kamuntikan na niyang ikatumba pero maagap naman siyang nahawakan nito.

"I'm sorry, miss," hinging paumanhin ng lalaki. Ang bango naman nito.

"Pasensiya na rin po, kuya," hinging paumanhin niya na may banayad na ngiti saka nilapitan ang heels. Tila iyon isang babasaging bagay nang sobrang ingat niya iyong kinuha mula sa kinalalagyan niyon.

"Grabe ang ganda nito!" Bawat anggulo ng sapatos ay sinipat niya at nang makita ang presyo niyon ay kamuntikan ng lumuwa ang mata niya.

"Woah! Ang mahal naman! Sampung libo para sa isang pares ng sapatos! Sobra naman!...

"Pero ang ganda naman kasi talaga nito. Saka mukhang matibay. Life time na kaya itong magagamit? Iyong sapatos na binili ko sa mga dayo sa isla noong fiesta sa amin isang daan lang bili ko... pero ayon! Sinuot ko nang sayawan at natuklap agad 'yong swelas." Natawa si Geallan sa alaalang iyon. Naalala niya pa, pinasan na lang siya ni Javan sa likod pauwi. Wala pa yatang dalawang oras na suot niya nawasak na agad.

Ibinalik niya ang sapatos sa estante. Itinukod niya ang dalawang kamay sa tuhod para pumantay ang mukha sa sapatos.

"Kapag nakasampa ako sa barko bibilhin kita kaya dapat marami kayong stock, ah. Maghintay ka lang. Mabibili rin kita. Next year siguro." Bumuntong-hininga siya saka pumihit para um-exit na pero sa pagpihit niya ay naroroon pa rin ang lalaking nakabangga niya kanina. Matamang nakatingin sa kanya at may munting ngiti sa labi. Akala yata nito may sayad siya.

"Kuya, kung iniisip mong may sayad ako nagkakamali ka. Minsan talaga dapat kinakausap ang mga bagay-bagay kasi may mga spirit din 'yan. Paniniwala ko po 'yon. Wala pong basagan ng trip." Marahang natawa ang lalaki. Ang gwapo nito. 

"You like that shoes?" Saglit nitong  tiningan ang sapatos.

"Oo, pero hindi afford. Siguro kapag may trabaho na ako mabibili ko na 'yan." Itinango-tango nito ang ulo habang matamang nakatitig sa kanya.

"Geallan!" Si Dock, pumasok ito at lumapit sa kanya.

"Dock, dude, kasama mo pala siya," anang lalaki at noon lang din ito napansin ni Dock.

"Tres, ikaw pala." Nagbatian ang dalawa, nagkamay at banggaan ng balikat. Tipikal na ginagawa ng mga lalaki.

Inakbayan ni Dock si Geallan.

"Dude, this is Geallan, girlfriend  ko." Pakilala sa kanya ni Dock sa lalaki.

"Siya si Tres, kaibigan ko."

"Hi." Inilahad nito ang kamay sa kanya, inabot niya iyon at nakipagkamay rito. Inilapit ng lalaki ang sarili kay Dock at bumulong ito.

"Hindi mo ako gusto para kay Dock 'no?" Tanong  ni Geallan matapos nitong bumulong.

"Ha?"

"Ano ang sinabi mo sa boyfriend ko?"

"Wala naman." Gamit ang daliri ay itinulak niya ang dibdib ng lalaki.

"Meron, eh. Ano nga?" Pangungulit niya.

Marahan itong natawa. "Makulit pala 'to."

"Sabihin mo. Sinisiraan mo ba ako sa boyfriend ko kasi mahirap lang ako?" Dalawang hintuturo na ang ginamit niya para sundot-sundutin ang dibdib ng lalaki.

"Hindi," natatawa nitong deny.

"Eh, ano nga ang sinabi mo? Kapag nakipaghiwalay sa 'kin si Dock kukulamin kita. Anak ako ng mangkukulam baka akala mo." Malakas itong humalakhak at hinuli ang dalawang kamay ni Geallan. Kahit si Dock ay natawa na rin.

"Okay. I'm gonna tell you. Ang sabi ko lang sa kanya na maganda ka at huwag kang paiiyakin." Maniwala siya. Parang hindi naman. Nilingon niya si Dock. Nakangiti itong tumango.

Okay! Naniniwala na siya. Binawi niya ang kamay mula sa pagkakahawak nito.

"By the way, dude, tutal nandito ka na. Pwede ba tayong mag-usap. Ipapakiusap ko lang sana kung pwedeng magtraining sa hotel niyo si Geallan."

"Oh, sure, no problem!" Ang pogi ni kuya lalo kapag ngumingiti. Saka mukhang mabait.