Fatal Attraction 2: Get Wild

Chapter 10

"Babaunin ko sana."

"Babaunin para saan? May pinag-usapan ba tayong picnic  kagabi na hindi ko maalala? Oh, damn! Nakakalango ka kasi!"

Natatawa siyang umiling.
"Wala. Magpapaalam sana ako sa 'yo. Maghahanap ako ng ma-a-apply-an. Pwede mo ba akong pahiramin ng one hundred pesos, pamasahe lang. Magbabaon na lang ako ng kanin. Tapos kapag naligaw ako tawagan na lang kita."

Nagpalipat-lipat ang tingin ni Dock sa nakapack na pagkain at kay Geallan.

"Geallan, hindi mo kailangan maghanap ng trabaho. Dito ka na lang. Kung kailangan mo ng pera bibigyan kita."

"Hindi puwede, Dock. Kailangan kung makahanap ng trabaho. Ayaw ko namang makitira sa bahay mo habang buhay."

"Alright. 'Di ba gusto mong magtrabho sa barko?"

Tumango siya saka umupo sa kaharap ni Dock.

"Pero imposibleng mangyari dahil wala naman akong pinag-aralan. Saka ayoko na rin. Naloko na nga ako dahil sa barko-barko na 'yan."

"Kung gusto mo talagang magbarko, tutulungan kita. I can make it possible." Napatitig siya kay Dock at sinubukang basahin ang ekpresyon nito kung nagsasabi ba ito ng totoo o nangti-trip lang.

"Naku! Pinagti-tripan mo lang ako, eh. Baka strip club na naman 'yan!" Hindi mapigilan ni Dock ang matawa.

"Seryoso! Ipapahamak ba naman kita."

"Paano? May kakilala ka bang may-ari ng Maritime Agency?"

"Are you familiar with Jewel Cruise line Holding?"

"Oo naman... Sandali! Huwag mong sabihing kilala mo ang may-ari n'on?" Umahon ang matinding excitement kay Geallan. Kung kakilala ni Dock ang may-ari ng mismong kompanya ng malaking cruise  line mas may tsansang makapasok siya. Iyong kakilala niya sa isla ay barkong pag-aari niyon ang nasakyan.

"I own that company." Namilog ang mata ni Geallan.

"Ikaw ang may-ari? Weh?" Marahang natawa si Dock sa reaksiyon ni Geallan. Lakas mang trip nito.

"Isa ako sa may-ari ng Jewel Cruise line Holding. Iyon ang negosyo ng pamilya namin."

Isang marahas na singhap ang kumawala mula kay Geallan nang makitang mukhang seryoso nga si Dock.

"Del Fierro ka ba?" Del Fierro  ang may-ari n'on, eh. 

"Dominick del Fierro, babe," nakangiting ani ni Dock na lalong ikinamangha ni Geallan. Bakit ba hindi man lang siya nagtanong ng buong pangalan ng lalaking ito. Edad lang ang itinanong niya noong nasa yate sila.

"Del Fierro ka? Seryoso? Ikaw 'yong young richest businessman sa buong Pilipinas. Ikaw yung ikinuwento sa 'kin ni Thalee, eh. Yung nagbabarko din na taga isla. Grabe!" Tuluyang humalakhak si Dock dahil sa parang gusto na ni Geallan magwala sa kinauupuan.

"And one in the Asia actually. Ako nga!" Natatawang sagot ni Dock. 

"Grabe! Hindi ka lang pala mayaman kundi mayaman na mayaman na mayaman na mayaman! Ang gara!" Manghang bulalas ni Geallan at sinamahan pa nang bounce. Aliw na aliw naman si Dock sa reaksiyon ni Geallan. 

Tumayo si Geallan at patakbong lumapit sa likod ni Dock. Minasahe niya ang likod nito. Kailangan niya talagang magpalakas para ipasok siya sa trabaho.

"Alam mo, boss..." Malakas na humalakhak si Dock.

"Masipag ako at may alam ako house keeping, sa spa, o kaya waitress. Kaya ko ang trabaho at pangako hinding-hindi kita ipapahiya. Nakaintindi rin naman ako ng Ingles, hindi nga lang magaling magsalita pero kaya naman. Kakayanin ko." Mahilig siyang magbasa ng libro kaya kahit paano ay natototo siya. Kinuha ni Dock ang kamay ni Geallan. Inusog nito palabas sa mesa ang upuan at tumigilid mula sa pagkakaupo. Pinaupo nito si Geallan sa hita nito nang patagilid.