الاوضاع في بيت ناس عفاف كانت مضطربة جدا وكان في توتر وخوف
الصباح طلع والشمس اشرقت ... جميله صحت وكانت بتتذكر في الحصل وحست انها حلمانه..بس بعد شوية اتأكدت انو دا ماحلم وانها غدروا بيها ..بقت تبكي وتبكي وجرت عشان تشوف صحبتها وين لقت صحبتها في نفس الحاله وبقوا يبكوا الاتنين ابتسام صحت وجرت تفتش اختها جميله ولمن شافتها جميله بقت م فاهمة اي شي وجرت عليها حضنتها وبقت تبكي ابتسام قالت ليها انا م كنت عارفه اني ح ابقى سبب في ضياع اختي وانا ح اكون ندمانه طول حياتي وبقت تبكي وقعدت في الارض وتكورك جميله بقت تقول ليها انتي الجابك هنا شنووو وبتعرفي الناس ديل من وين مها ووجن في اللحظه دي جو مارقات جميله شافتهم وجرت مسكت مها من رقبتها وبقت تكفتها وتكورك وجن قالت ليها فكيها عاوزة تقتليها دي اختك القالت يجيبوك ويعملوا فيك كدا لكن م كانت عارفه انو انتي اختها وفكت مها منها وجرررري برا البيت ....عفاف صحت..ودخلت لي وعد لقتها منهارة وعد بقت تقول ليها ح ادمركم وببلغ عنكم ومابتنجوا بي عملتكم عفاف قالت ليها هه انتي ياماما مصورة فيديو ولو حاولتي تعملي شي ح نوري الفيديو لي اهلك وحاننشروا في كل مكان...واحسن تتلمي ..طلعت منها ورزعت الباب وراها
هنا جميله كان موقفها صامد وكانت قوية وطلعت برا بقت تكورك وتهدد في اختها وكانت بين الصدمه والواقع لكن وعد كانت مدمرة نهااائيا فتحت شنطتها سريع سريع وطلعت منها موس وقطعت شريانها
جميله كانت بتتناقش مع ابتسام ومافي زول حس بي وعد مع انها كانت بتكورك اااه وااي لكن مفتكرين عشان الحصل معاها... وبعد ساعات من النقاش والكواريك والبكا..جميله جرت وفتحت باب الاوضه عشان تقول لي صحبتها ارح نبلغ الشرطه ...بس يا اسفاه لقتها غرقانه في دمها والدم واصل الباب ...جميله بقت تكورك وترررجف وتكووورك وتررررجف ..شالت تلفونها سررريييع واتصلت للإسعاف واتصلت للشرطه وكلمتهم وعفاف وابتسام كانوا في لكن خلاص اقتنعوا انو دي نهايتهم وكل وحدة بقت تقووول ياارب طلعني من المصيبه دي وانا تاني ح اتوب يااارب انقذني يااارب
لكن خلاص فات اﻷوان ولا عذر لمن انذر ..
جات الشرطه عشان تحقق وجا الاسعاف شال البت ومشوا المستشفى كلهم والبت ماتت وبس كان لازم اول شي يتصلوا بي اهلها حتى يبدوا التحقيق ويعرفوا اسباب الانتحار وكدا..
كان في تلفون المرحومة وشنطتها وجزلانها من الحاجات الاتحفظت بيها الشرطة
وشالوا الرقم والاسم بالكامل واتصلوا لي اهلها كلموهم....
عشان يجوا يتعرفوا على الجثمان....
نشوف علا....
علا يومها كان احلى من الخيال وهي في انتظار عريسها وفعلا جوهم تعارف واتعرفوا بيهم زي التقاليد في السودان ووافقوا مبدئيا وقالوا ليهم ادونا وقت نسأل وكدا...
