الصمت عم المكان وبقا كل زول بعاين في التاني
ومافي زول قادر يتكلم وكل واحد فيهم عندو مجموووعه من الافكار المتخابطه في راسو..
مها بي خللعه كدااا..قالت باااسل؟؟؟ الجابك هنا شنووو
باسل قاليها انتو الجابكم هنا شنوو علا قالت ليهو دا بيتنا ي باسل
باسل قال ليها بيتكم كيف يعني ي علا
ابتسام لفحت ليها ملايه اتلفت بيها وقالت ليهم للللحظه... انتو بتعرفوا بعض من وين..؟
علا قالت لي عفاف ي امي في شنوو
بااسل قال ليها بي صدددمه.. اممممك؟؟؟؟؟؟
وجدان امك انتي؟؟؟
علا:- وجدان منو.؟؟
طبعا عفاف بس قعدت في الكنبه وما عرفت تقول شي
في الاثناء دي منصور وهو محبوس في الغرفه جاهو اتصال من مرتو وقالت ليهو امك وقعت في السلم ورفعناها بالاسعاف ومشينا المستشفى ..
منصور بقى يضرب في الباب
افتحي ي وجدان افتحي باسل لما سمع صوت منصور م قدر يستحمل الموقف طوواالي طلع وضرب الباب وراهو ضربة قوية شديد
في اللحظه دي علا افكارها ضرربت وراسها بقا تقييييل وبقت ترجف مشت على الغرفه وبقت تقول ليها دا منو وفي شنو
عفاف بس بقت تبكي ومها مصدومه وابتسام بتعاين
وزاد الضرب على الباب افتحي ي وجدان ي ش... افتحي الباب
انا امي في المستشفى
امي بتهمني ي بت الحرام انتي قايلاني زيك افتحي الباب قتلتي امك وعاوزة تقتلي امي...
علا سمعت الكلام دا مشت شالت المفتاح من امها
ووقفت جنب باب الغرفه وبي صووت معبووور ومخنوق وبتقطع قالت ليهو اسمع ي الجوة
بفتح ليك الباب بس توريني تقصد شنو بي كلامك؟
وكيف قتلت امها
قاليها وجدان دي وحدة ش...ة ساي وكانت بتغفل الحجه في ساعات النهار عشان بتكون نايمه وانا بجيها في البيت نقفل علينا الغرفه ساعتين وبخلص منها وامشي
ويوم امها قبضتنا بالثابته وشافتنا وقعت مصدومه وماتت...
علا وقعت في الارض وبقت تقول لا اله الا الله لا اله الا الله حسبي الله ونعم الوكيل
وبكت بكا هستيري وبقت تكوورك
والراجل بخبط في الباب
مها جات شالت المفتاح وفتحت لمنصور
منصور سب ليهم وكورك وطللع
علا اغمى عليها من الصدمه وكتمت نفس
عفاف وابتسام بقو يصحو فيها وعفاف بقت تكورك بتي بتي
مها اتناولت كباية الموية ورشتها في علا وكفتوها وعت شوية
ساقوها الدكتور وهي اقرب لي انها تكون فاقده الوعي
ركبوا ليها درب
عفاف بهناك سكتت ورجعت طبيعيه لكن بس كانت بتفكر في طريقه تمرقها من المشكله دي
وانو علا ممكن تتصل لي خيلانها وممكن توريهم وبقت شايله هم روحها
طبعا مها في نفس اللحظه مشت بعيييد واتصلت لي وجن ورصصصت ليها الشماار بي حالو
طبعا كان بالنسبه ليهم حدددث مروع
باسل هنا افكارو جاااطت وكان سايق بسرعه خياليه وبحاول يستوعب انو كييف تطلع علا بت وجدان وهل علا بت زنا وهل علا برضو زي امها ؟؟؟
تساؤلات كتيييييرة جاطت في راسو
رجع البيت ودخل غرفتو وبقا يكسر في الحاجات ويلوم في حظوو
ويقول يااارب انا ذنبي شنو وليه البت الانا احبها تطلع كدا واكيد دا عقاب من ربنا...
وبقول في نفسو انها يمكن م عارفه عمايل امها لكن برجع ويقول انو كانت قاعده في الشقه وكان في راجل وهي سمعت صوتو
وقال طيب وهي ساكنه هنا ليه تقعد داخليه اول فكر يتصل لي علا تاني قال لا خليني اتصل لي مها اعرف منها الحاصل وتاني فكر انو مها كانت مع علا عشان كدا يمكن تغطي عليها عشان تغطي على نفسها برضو وطواااااالي...
واتذكر كلام وجن...
طلع تلفونو واتصل ليها
طبعا وجن هنا كانت مستلمه القصه كلها
وكمان فهمت باسل اتصل لشنو
ردت عليهو بي صوت اقرب لي انها كانت نايمه
وجن:- خير في شنو ي باسل
باسل:- اسمعي انتي بتعرفي شنو عن علا ؟ عاوزك تقولي لي اي سي بتعرفي عنها
وجن:- شي زي شنو؟
باسل:- اي شي اسرتها امها اهلها صفاتها اي شي
وجن:- اسمع ي باسل بإختصار كدا علا دي داعرة هي وامها ووحدة كدا اسمها ابتسام
مؤجرين شقه هنا في.... وعاملنها مخصوص للحاجات دي
وعلا دي اكبر ش....ة في الخرطوم لكن سعرها غالي هه وتقدر تقول كدا لابسه توب البراءة
باسل كان بسمع في الكلام دا وكان بالنسبه ليهو زي الكابوس....
يتبع......
