مها مشت وحسب الاتفاق نفذت الخطة وقالت للبت كدا كدا...
البت وافقت انها توصلها بس كانت معاها صحبتها قالت نمشي سوا
مها اول اتوترت لكن رسلت رسالة لي ابتسام وقالت ليها المزة دي معاها صحبتها قالت ليها مااامشكله خليها تجي
وفعلا جووو
الفترة دي علا مشت لي باسل لاقتو بعد ما سرقت رقم احمد من تلفون وجن
باسل وعلا خطتهم كانت انو يعقدو ويعقد ليهم احمد وتجي تمغرز عفاف على اساس انها هي بقت م تمام لكن القدر كان مخبي لي عغاف قصه تانيه..
مها جات ومعاها البتين ودخلوا معاها وعاوزين يمشوا وجن قالت ليهم الاتشربوا العصير طبعا متفقه معاهم
عفاف كانت في غرفتها وابتسام كانت مافيشه...
البنات قعدوا وشربوا العصير وبعد مساافه كدا بقوا دايخات ومافي وحدة فاهمة شي البنات وحدة اسمها جميله ووحدة اسمها وعد والاتنين ضحايا
بعد داخوا وبقوا شبه سكرانات مها اتصلت لي ابتسام وقالت ليها تمت المهمة ابتسام قالت ليها انا عندي مشوار ضروري انتو قوموا بالباقي الراجل وصحبو في الطريق....
مها ووجن دخلوا البنات اي وحدة في غرفه
وطلعوا ليهم هدومهم وجهزوهم وريحوهم ...
طبعا البنات صاحيات بالحاصل لكن م في وحدة قادرة تقاوم ﻷنو مافي وعيهم ومخهم مغيب المهم الرجال جو ودخلوا بالبنات وبوظوهم خلاص...
وختوا القروش وطلعوا
ديل كانوا فرحانيين فرح مبالغه بالقروش وعفاف جات شالت القروش وقالت ليهم لمن ابتسام تجي ونديكم نصيبكم..
نشوووف علااا
علا اتصلت لي احمد وقالت ليهو عاوزة اشوفك ضروري في المكان الفلاني قال ليها انتي منو قالت ليه لمن تجي بتعرف
وكان معاها باسل وفعلا احمد جا وسلم عليهم ..علا طوالي مدت ليهو بطاقتها شااافها كدا وقرا الاسم واتخلع وزي اتأثر كدا وعيونوا اتملت دموع وقال ليها علا اختي؟؟؟
وقام سلم عليها تاني وعلا بقت تبكي من جووواا قلبها واحمد كان ببكي لكن م خلاها تشوف دموعو وبقى يسلم عليها وانتي اختنا وكدا وكان متأثر وعلا كمان
المهم بعداك علا حكت ليهو انها كيف عرفتو اخوها وانها كانت بتسمع فيهو لمن جا لي وجن احمد زي خجل كدا وقام قال ليها ي علا م تفهميني غلط انا وجن دي بحبها بالجد وعاوزها وماغلطت معاها في نفسها وبنكون برانا لكن م حصل قربت عليها لي الدرجة الانتي فهمتيها علا قالا ليهو يعني مافي بينكم علاقه غير شرعيه قال ليها لا..قالت ليهو الحمدلله وحكت ليهو اااي شييي بالتفصييل المملوانو علاقتها بي باسل شنو وانو امها كدا كدا بس م قدرت توريهو انو وجن زااتها.... احمد غضب شديد وقال ليها انا من يوم الليله م بخليك تقعدي هناك ..
علا قالت ليهو لاا نحن هسا جاينك عشان تعقد لينا وكلمتو انها عاوزة تنتقم من امها وتخليها تتوب من عمايلها وانو الطريقه الوحيدة هي انو تخليها تشوف بتها بتضيع قدامها وعشان م يكون في حرمة في الموضوع لازم يعقدوا هي وباسل اولا حتى بعداك ممكن يخلوا بي بعض..احمد وافق وقال ليهم انا ممكن هسسا اعقد ليكم لكن انا مابدي اختي بالطريقه دي
انت ي باسل بكرة تجيب اهلك وتجونا في البيت نعمل تعارف واداهو العنوان وانتي ياعلا الليله تمشي معاي وتبيتي عندنا وتتعرفي على اخوانك وحنشيلك في راسنا
علا فرحت ووافقت ومشت معاهو
باسل مشا كلم ناس البيت انو عاوز يتزوج وكدا اهلو ناس طيبين وامو زووولة طييبه ووافقوا طوالي وفررحوا شديد.
علا مشت مع احمد وكانت متوترة من الناس الجدد في حياتها بسس لما اتعرفت عليهم كانوا حنينين شديد معاها وحضنوها وبكوا وزوجة ابوها زووولة طيبه وقابلتها بكل حب وسألوها من امها وحبوبتها لكن احمد وصاها انو م تحكي لي زول مشكلتها قالت ليهم حبوبة اتوفت وامي عيانه وقعدوا الليل كلو يحكوا ويتونسوا وقدروها شدييييد ...علا ﻷول مرة تحس بي جو الاسرة ﻷول مرة تحس بأنو عندها اهل وتحس انها عندها ضهر يسندها وكانت مبسوووطة شديد.....
نررجع لي ناس عفاف ...
بعد ابتسام جات وقسموا القروش قالت ليهم كدي النشوف البنات ديل شكلهم بستاهلوا القروش دي كلها وفعلا دخلت وشافت وعد وعفاف كانت معاها قالت ليها والله ماهينه سمححه وعندها هناااي وفكوا الضحكه هههههاااااي
ودخلوا للتانيه شافتها عفاف اول ..
ابتسام كانت بي وراها بي كم خطوة قالت ليها اها بتستاهل ؟ وقبل م ترد ليها ابتسام صررخت صررخه شديييدة
وااااااي وااااي وااااي وااااي ياوجعي واااي يابت امي واااي يا اختي واااي ياندمي واااي يااااندامتي واااي وبقت تكفت فيها وتقول ليها اصحي اصحي ي جميله اصحي وبكت بكا هستيري واتدردقت في الارض واتلفتت على مها كفتتها وخنقتها قربت تقتلها وجن بقت تكورك فيها انتي زي م بتعملي في الناس هدا رجع ليك هي ذنبها شنو انتي الطلبتي منها وهسا دي لو ماكانت اختك يعني كنتي ح تعملي كدا؟ وهي لسا خانقه مها الا حجزوها منها حجز وبقت تكفت في روحها وتمعط في شعرها
وتبكي وعفاف تصبر فيها ويا ابتسام ماكدا اصبري وطوالي جابوا ليها موية وعفاف لخبطت معاهو نفس المخدر الاستعملوه للبنات عشان بكاها كان هستيري وبلم الناس
بعد شربت المخدر هدت وشويه نامت والبيت دا بقا زي النزل عليهو غضب ربنا
عفاف م نامت للصباح ﻷنو انتبهت انو علا مافي وهي بتتصل ليها م بترد وكانت مهمومة من نواحي كتييرة
وجن ومها خافوا خوووف شديد ودخلوا غرفة اتقفلوا فيها وقالوا من الصباح ح يلموا حاجاتهم ويمشوا
يتبع....
